#اجبروني_علي_الزواج_من_مدمن
#الحلقة_19
#الدرية
حمزة وصل الحوش وبلع ريقه وشد المفتاح وفتح الباب
نرجع للخلف قبل ساعة
الجرس يرن ريم هدا وين جه لكن عنده مفتاح اكيد كسل يفتح
فتحت الباب وانصدمت لما شافت سيف سكرت بسرعة
سيف ماتخافي مانبي شيء هدا ميموري افتحي في حاجه تخصك وحط لها من تحت الباب
ريم شداته ف يدها واستغربت
وطلعت بيه الدروج بتمشي تفتحه في لاب توب
عند سيف
سيف في سيارته وفي طريق في نفسه توا نشوف رد فعلك وانتي تشوفي راجلك زاني اكيد بتجي وتبي حضن خوك حمزة هو جبه ل روحه كان خلني نقبل اختي راهو ماصورته
عند ريم دخلت دارها وشدت لاب توب وحطت الميموري وقعد يحمل في ملف واحد فتح الفيديو ونزلت دموعها وهي تشوف حمزة كيف كان يرقص ويزني مع البنات سكرت الجهاز بقوة
والله بيجي يوم وربي ياخدني وقتها تعرف قيمتي
وطلعت من الدار ونزلت تستنا حمزة في الصاله
حمزة فتح الباب ودخل
وريحته تفوح كلها خمره
وطبعا الروج في كل مكان في جسمها والاثار ف رقبته
ريم في الصاله تشبح له
حمزة طلع يجري وحضنها الحمد لله انك بخير خفت يكون سيف جاك
ريم دفته بقرف ودموعها تنزل
وكيف بتمشي بخطوات بطيئه وهي مكسوره والدنيا كأنها سكرت في وجهها وبسرعه شدها من يدها
ريم تحول تفك يدها وهي تبكي
حمزة نعرف اني كسرتك
ريم ابتسمت بهزوه ودموعها في عيونها بس كسرتني
حمزة وربي نحبك اسف ياريم اخر مره وربي اخر مره قطعتها تعرف اني حبيتك بجد بس صدقني نقدر نكرهك وحطت يدها ع علامه في رقبته هدا هو لي تبيه تبي طفي نار جسمك
حمزة ريم اسمعيني
ريم دفته بقرف بالله عليك شن تبي تقول اسكت معاد نبي نسمع منك اي شي
حمزة شدها من معصمها ودخل بها لي دار وسكر الباب وقعدة يشبح لها
تعرفي اني نحبك نضحي بعمري على خاطرك
انتي الوحيده لي قلبي دق لها
نبيك بس تسامحيني هدا بس لي نبيه توا
وفي جديد تشوفي حمزة كيف ماتبي
ريم اتكلمي اني خايف من برودك نبيك تسامحيني والله العظيم نحبك ومانقدر من غيرك
شد يدها وقعد يبوس فيا وحط راسه في حضنها بالله عليك ماتخليني
حياتي ماتهمني الا بيك
قلبي ماينبض الا بيك نبيك ديما معايا نبي انفاسي الاخيره تكون في حضنك
في دخولي قبري كوني معايا منبيش نبعد عن انفاسك
انتي حلالي وهده نعمه ومشكرت ربي عليها سامحيني ياريم
نبي نغرق في حضنك خليك الليله نرقد ف حضنك ونرتوي من انفاسك
ريم دقات قلبها تتسارع وتزيد امتلكها شعور غريب شبحت له ببرئه ماليش غيرك شريك وكان مسامحتك بنسامح من منقدرش نقولك اوعدني لانك وعدتني وكسرت وعدك لكن برغم لي درته الا اني ماشفت غلطك
ابتسم لها وحضنها وربي نحبك
ريم هيا نوض خود دوش
حمزة ناض ودخل الحمام
ريم ارتمت على السرير وتبكي والله تعبت لكن حبيته وحبه امتلكني صح في شعور له في داخلي ونبيه لكن كل مره يكسر شيء
حمزة سمعها وهو في الحمام طلع لها
وما امتلك نفسه وسحبها من خصرها من ع السرير كلامك يقتل فيا انتي تعرفي اني طفل بين ايديك وقرب انفاسها من رقبتها وهمس ب هدوء ريم عيونك محروم عليها الدموع بسببي ابدا
وقرب من شفايفها دفته بقرف
حمزة تعافي مني واني بعدك مانتحمله ماتخلي شيء بسيط يزعلك
ريم تعتبر هدا شيء بسيط
حمزة نعرفك انك تحسابيني زاني
قاطعته ريم اني غيرتي عليك قويه
شبح لها وابتسم تغاري عليا بجد تغاري
ريم نزلت راسها ب خجل وكانها نست لي صار اي اني طفلة وين نغار نبكي
حمزة ياقلبي انتي والله نوعدك دموعك معاد تنزل
ريم لفت ايديها حول رقبتها ووقفت ع اطراف اصابعها وقربت شفايفها من خده وعطاته بوسه
فجاة النقال يرن
حمزة واك مش وقته بكل شاف هده ابتسام
الو وينك من زمان نسيتي خوك
ابتسام وهي تبكي وكاتمه شهاقتها وبصوت متقطع
حمزة خيرك تبكي شن في
ابتسام حمزة بوي مات
انصدم في مكانه والنقال طاح من يده وهو يشبح ل ريم
متابعين يحكو تم تواقعاتكم شن بيصير
