#اجبروني_علي_الزواج_من_مدمن
#الحلقة_17
#الدرية
ريم حمزة شوف عند المطبخ
حمزة ضحك بسخريه معقول اثر فيك الفيلم حط ايده وراها كملي الفيلم ياقلبي
ريم خلاص طفي الفيلم معاد نبي نتفرح
وناضت تاكل من البيتزا لي ف الصحن
حمزة بصراخ ريم في شيء وراك
ريم تجمعت دموعها في عيونها ونقزت في حضن حمزة
حمزة يضحك بصوت عالي مافي شيء نبصر عليك
ريم رفعت راسها وشبحت له وقعدة حواجبها توا كان متت ولا صارلي شيء
حمزة بضحك واهو ماصارلك شيء
ريم خلاص نوض افتح الضي
حمزة علاش خفتي
ريم بتكبر لا
حمزة ودموع لي ف عيونك شن تدل
ريم هدا ع خاطر خلعتني
حمزة به توا نوض نفتح الضي وانتي طفي الفيلم
ريم لا افتح الضي الاول
حمزة ناض فتح الضي اطمانية وناضت طفت الفيلم وتكت على الصالون ورفعت شعرها
حمزة جه قعد جنبها ويشبح لها
ريم دقات قلبها تتسارع
حمزة لف ايديه عليها وقرب انفاسه لي رقبتها وهمس ب هدوء نحبك ياجنة الله ع الارض
ريم حست بقشعرير في جسمها ونزلت راسها بخجل
حمزة نبيع الدنيا كله على خاطرك
قاطع كلامه جرس الباب
ريم شبحت قولتلك في حد
حمزة هدا جرس الباب مش حد واقف عند المطبخ
ريم مدت بوزها غير نوضت شوف كان لقيت حد
حمزة امري لله ناض فتح الباب مافي حد وبصوت عالي منو مافي حد دخل وسكر الباب
ريم ها شفت مافي حد
حمزة هدا اكيد الصغار
ريم وهي تحس بوجع في بطنها شن ندير الجو كساد
حمزة ارقصي
ريم هههههههه ماضحكش المهم بنمشي نرقد تبي شيء
حمزة لا سلامتك
طلعت الدروج وهي منزله راسها بوجع وصلت دارها فتحت الضي اللمبه اتفجرت وبصراخ وبصوت عالي حمزة
حمزة طلع يجري لها خير حبيبتي شن في
حضناته ودموع ف عيونها من المغص اللمبه دارت وخفت
حمزة سلامتك ياقلبي به تعالي ارقدي معايا في داري ريم ماهو
حمزة ماتخفيش اني بنرقد في الصاله وانتي ارقدي في الدار
ريم وهي تحس بنغمز في بطنها به تمام
حمزة تبي شيء اني في الصاله
ريم وهي متحمله الم بطنها به
حمزة باسها من راسها وطلع
ريم دخلت الحمام وطلعت رقدت على السرير واك مش وقتها كيف نقوله توا ولفت روحها ب بطنيه تدفي بطنها من الوجع وتبكي
عند حمزة يدور في باكو الدخان اتفكر انه نسا فوق
طلع الدار وفتحت الباب ودخل
لقها لفه روحها ضحك ع شكلها بسم الله خيرك تقولي جن شن فيك
قرب منها وحط يده ع جبهتها لقها عرقانه خيرك الجو حر ومتغطيه هكي اكيد شفتي الجن هههههههه
ريم حمزة بالله عليك مش وقتك تشبح فيا بنموت من بطني وتتسهوك
حمزة سلامتك ياقلبي تعالي في حضني
ريم نزلت راسها ومش عارفه تقول له
حمزة تعرفي حتي اني بطني توجع فيا من الاكل لي درنا
ريم بنرفزه اقسم بالله اهبل لين تموت
حمزة خيرك حبي والله حتي اني بطني توجع فيا من الاكل
ريم بعصبيه خيرك اني مش زيك
حمزة ببرود وعلاش اكلنا من نفس الاكل
ريم والله ربي يخدك بطني وجعها مش زي وجع بطنك يابارد وجع بطني مايجيك انت راجل
حمزة فهم وابتسم به علاش هدا كله باش توصلي لي
خلاص بنمشي الصيدليه نجيب ليك خد المفاتيح وفتح الباب وطلع مش معطل عليك ياقلبي
ريم تمام
وبعد مرور 10 دقيقه
الجرس يرن
ريم شبحت معقول ماخداش المفتاح معه وحست بخوف
الجرس رن مره تانيه
ريم نزلت من السرير وفتحت باب دارها ونزلت من الدروج وبصوت عالي منو مافي حد رد
الجرس رن مره تانيه
ريم بصوت عالي حمزة رد من غير تسهويك مافي حد رد خفت ورجعت الدار وسكرت عليها الدار وقعدة تدور في دولاب بتاع حمزة زعما وين حط النقال بتاعي اكيد هنا هو واخده من يوم العرس وطيحت كل ادولاب
وفجاة فتحت عيونها بخوف ورعب بصدمه وهي تشوفه واقف قدامها وبصوت.....
متابعين يحكو تم تواقعاتكم شن بيصير
