"HUM KAHAN KAY SACHAY THAY?" (COMPLETED) ✅

PART 22

3 March 2017:

Aj Omkara ny mera ghunghat utha kr zameen pr phenk dia. Mjhy aisa laga k mere pas jo meri akhiri dolat bachi na..Meri IZZAT,aj wo bhi lut gae.. Mera Dil kara k mein zur zur sy rona shuru hojaon...

Pata nhi kyun lekn ab mera dil krta hy k mein Ishana ki baton pr yaqeen krlun.. Yeh jo puri duniya uski fan hy,zroor us mein koi to baat hy,wrna log uska sath kyun den?

Mein kch bhi krlun,mein apni zindagi nhi badal skti..Wo gandi naali mein pari laash mera baap hi rhy ga or mein aik nashe krny waley ki beti hi khelai jaongi..

15 saal pehle jo apna wajood, apna naam bnane k lye jo mene mehnat shuru ki thi,aj mein ussey khud khatam krti hun..Mein zindagi ki yeh baazi kbhi nhi jeet skti hun..Mein jaan gae hun mein apny baap ki keechar bhari laash sy apna daaman kbhi nhi chura skti hun..

15 saal pehle Omkara ny mera hath pakar kr mjhy video game khelna shikaya tha..Mjhy us wqt aisa laga tha k mein sb kch seekh skti hun.. Or aj usi ko Omkara ny mjhy dhakka maar kr us khaii mein phenk dya jahan sy nklne ka koi raasta nhi.. Buht galat kia mene yeh pehchan bnane ki larai krky..Agr mein wesi hi rehti kese 15 saal pehle thi,khufzada,complex ka shikaar,dosron sy inspired..to ziada acha hota mere lye..

Mjhy laga tha k mere pas aisa talent tha js sey mein puri duniya ko jeet skti hun lekn kb tk..? Yeh jaadu bhi khtm ho hi jana tha aik din.. Mera pas ab aisa kuch nhi raha js sey mein login ka dil jeet lun.. Or mjhy aisa lg rha hy k mein doob rhi hun..

Mera dil kara k mein Omkara sy kahun k tmhri yeh pabandiyan mjhy koi takleef nhi phunchaen gi.. Takleef to tmhri zuban ny phunchai hy,wo bhi buht ziada...

Omkara theek kehta hy k aik wqt aisa ayega k jb log mjhpr thooken gy..Or shyad mein khud Gauri Sharma pr thook dun.....
_______________________________

25 May 2017:

Aj maa k marne ki khabar mjhy mli or as usual Omkara Singh Oberoi wahan janey sy mana krdya..Agr wo mjhy ijazat dey bhi deta to shyad tb bhi mein nhi jaati.  Maa k sth rehte hue bhi mein Maa sy qareeb nhi thi..Hum log mahino mein aik aadh baar baat ktry...wo bhi meri studies k barey mein..

Wo kbhi mjhy jaan hi nhi sken or na hi wo mere dil mein wo jaga bna paen jo aik MAA apni beti k dil mein bnati hy..Wo to bas apny Bhai or MAA k ehsaano ka badla utarne mein lagi rehti thein...Or in sbky beech unki beti unsy ktna dur hogae,is baat ka idea wo kbhi nhi krpaen..

Or aj jb wo chale gae hen to mjhy unsy bas aik shikayat thi; Unho ny mjhy paida kyun kia? Meri zindagi ka maqsad kya hy?

Jhanvi aunty kehti thi:
"Gauri beta,mere bete ko baddua mt dena plz..

Mein unhy kya btati k meri to Dua nhi lgti, baddua kese lgy gi..

Jahnvi aunty chahti thein k mein aansu bahaon. Par mein aansu kahan laati. Wo mjhy beyhadh Sabr wali kehti thein lekn mein unhy kese btaon k yeh sabar meri majboori hy,marzi nhi....
_______________________________

5th July 2017:

Aaj Jhanvi aunty bhi mar gaen..Phr aik din mein bhi mar jaongi.. Omkara bhi..Yeh ghar khaali reh jaega..

Omkara soch rha hoga k shayd mene usey baddua di hogi k wo apni maa ka akhiri baar chehra na dekh pae..Lekn aisa kch nhi tha. Mein baddua to nhi dey skti.. Baddua dene sy kya hoga..

Jhanvi aunty ki aankhon sy zindagi ki wo chamak buht pehle hi khtm ho chuki thi.. Ab wo ziada baat nhi krti thein or agr krti to srf mjhsy maafi maang rhi hoti thein..

Mera dil kara k mein Omkara ko too dun k wo Germany na jae. Shayd wapsi mein usey Jahnvi aunty ka wajood na nazar aye..Lekn mein hoti know hon ussey wali.. Ks haq sy rokti ussey?

Aj pta nhi kyun aisa lg rha tha jese Omkara wahan pr rorha hoga.. Par mein to apni maa ki maut pr nhi roi thi to usey roney ki kya zrorat thi.. Roney sy kya hota hy? Kya roney sy log wapis aaskty hen??
_______________________________

8th July 2017:

Kal Omkara ny kaha k usny mjhy maaf krdya hy... Par aik maafi sy kya hota hy?? Kya meri zindagi mein koi change ayega is maafi sy..?

Omkara ny kaha k ab mjhpr koi pabandi nhi hy..Mein jahan chahun,jaskti hun..Jo chahun,khaa pee skti hun..Zameen pr soney k bajaye bistar par so sakti hun...Par ab insb ka Kya faida? Kyun k achy khanon k tastes mein bhool chuki hun..Or kya bed pr soney sy mjhy neend ajaey gi?? Mein bahar kese jaon,hoskta hy k wo bhi mjhy jhoota smjh kr mjhpr thooken ya mjhy phattar maren..

Haan mgr mera dil krta hy k mein lawn mein jaon, taazi taazi hawa k mazey lun. Gehri gehri saansen ley kr zindagi ka  maza lene ki kosish krun..Aankhen band krky wahan lait jao or tb tk leti rahun jb tk meri maut na ajaye... Kyun k maut k baad hi ab shayd mjhy sukoon askey....
_______________________________

Thank you 😊