بيت المجانين - Houes Of The Crazies

Chapter "10"

كريم قاعد متربع علي السرير وعامل يتحرك ل قدام وورا في توتر وامير وبوسي قاعدين جنبه ..

امير "ما تهمد بقى صدعتنا"

كريم "امي هتقعد معايا يومين بحالهم يالهوي"

امير "يابني دى مامتك عيب كده هي صح مرعبه وشبه استفان روستى ودخلت كده هجم علينا زى الهكسوس بس بردو اسمها مامتك تؤ تؤ عيب"

كريم "اهئ اهئ مهي المشكله انها امي اهئئ"

بوسي "كريم هو انت بتخاف منها كده ليه؟"

كريم "هههه بخاف منها كده ليه ههههههههههههه اهئ اهئ اهئ .. زمان فى بيتنا كان عندنا برطمان مخلل وانا كنت صغير بلعب خبط البرطمان ووقع اتكسر عارفين عملت فيا ايه؟"

امير وبوسي "ايه؟"

كريم "جابت حبل وربطت ايدي ورجلي ودخلتني فى دولاب الهدوم زى شكارة الرز الفلاحى وقفلت عليا ساعتين بحالهم وقالتلى ده عقابك عشان تبطل تنطيط!"

امير "هاااار اسود"

كريم "لا دي على كده حاجة بسيطه يا جماعه انا امي استاذه فى التعذيب كان المفروض يدخلوها مصارعة وانتو تقولولي خاف منها ليه غطوني وصوتو غطووني وصوتوو.."

بوسي "يالهوووووووي"

كريم بفزع "ايييييه في ايه؟"

بوسي "مش انت ال قولت صوتو؟"

▫▪▫▪▫▪▫▪▫▪▫▪▫▪▫▪▫▪▫▪▫▪▪▪▪▪▫▪▫▪▫▪▫▪▫▪▪▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫

في الصالة .. ماهر قاعد مع أم كريم ..

ماهر "لازم في اليومين اللى حضرتك قعده فيهم مع كريم تحاولي تعامليه معامله خاصه جدا زى ما فهمتك"

أم كريم بغرور "هو انت هتعاملني اتعامل مع ابني ازاي"

ماهر "يا فندم ابن حضرتك دلوقتي مريض وانا الدكتور بتاعه وعارف انا بقولك ايه انا وافقت انك تقعدي معاه اليومين دول عشان يمكن وجودك معاه يحسن من حالته"

أم كريم "اممم فعلا هو لازم يتحسن شويه"

ماهر في سره "يامه ايه الوليه دي ربنا يستر"

أم كريم "فين اوضتي؟"

ماهر "نعم!"

أم كريم "اوضتي .. الاوضه اللى هقعد فيها اليومين دول"

ماهر "الحقيقه هو البيت تلات اوض بس ف حضرتك بقي تقعدي مع كريم في اوضته"

في الوقت ده يكون كريم وامير وبوسي جايين ويسمعو كلام ماهر مع أم كريم ..

كريم "اييه لا لا لا لا لا!"

ماهر "لا ايه انتو من امتي هنا؟"