بيت المجانين - Houes Of The Crazies

Chapter "5"

كريم وامير وبوسي وماهر واقفين جنب بعض بيبصو علي الطفل الصغير الي نايم علي الكنبة ..

امير :"يا تري البتاع ده جيه من فين."

كريم :"ده صغير اوي يكونش وقع من سفينة فضاء."

بوسي :"بس بس نونو جميل بس بس ياخلاثي."

ماهر بيفتش في السلة الي كان فيها النونو لاقي ورقة مسك الورقة وقراها بصوت عالي ..

ماهر :"الي من يجد هذا الطفل ارجو منك الاهتمام بس حتي اعود له مرة ثانية اهتم بيه فترة مؤقته ولك كل الشكر والامتنان ... امضاء مجهول يبحث عن مساعدة!!! يالهوي يالهوي هو انا ناقص اعمل فيه ايه ده دلوقت."

امير :"ابعته ملجأ يتربي هناك بقي ويكبر ويمثل مع يوسف وهبي فيلم البؤساء الجزء التاني."

ماهر :"تعرف تسكت .. الجواب بيقول ان ال ساب العيل ده قدام الباب هيرجع ياخدو تاني يعني مينفعش احركه من هنا غير لما يظهر المجهول ده الله يخربيته."

الطفل :"عااااااااا ععاااااااااا."

كريم :"ايه ده ده نطق."

امير :"لا لا لا انا مش بحب عياط العيال خلوه يسكت .. اسكت يالا."

الطفل :"ععاااااااااا عععااااااااااااااااااا."

ماهر :"ااااه يامه."

بوسي تقرب وتشيل النونو براحة :"بس بس اسكت يا حلو متعيطش يا جميل بس بس ده جعان عايز ياكل."

ماهر :"لا ونبي."

بوسي :"روح هاتله لبن."

ماهر :"اه لبن .. بسيطة."

بوسي :"وبامبرز."

ماهر :"حاضر."

بوسي :"وهدوم اطفال."

ماهر :"مش عارف اشتم الي ساب العيل ده هنا ولا اشتمك انتي يا باردة."

بوسي :"ليه."

ماهر :"يا لوح التلج .. وانتو كمان واقفين كده ليه يلا واحد فيكم يجي معايا مش هشيل انا كل الكلام ده لوحدي."

كريم بسرعة :"انا انا اجي معاك انا."

ماهر :"طب يلا بس وديني لو ما مشيت ساكت لا ارجعك هنا علي نقالة انا علي أخري."

كريم :"ماشي ياعم بس بلاش تزاعق كده ياعم الله."

ماهر يشد كريم ويمشو هما الاتنين يروحو السوبر ماركت ويفضل امير مع بوسي ..

بوسي بأبتسامة :"خلاص يا نونو الاكل جاي دلوقتي بلاش تعيط بس يا حبيبي."

امير :"سبحان الله اول مره اشوفك مبتسمة انتي بتحبي العيال الصغيرة اوي كده."

بوسي :"مين في الدنيا مش بيحبهم."

امير :"انا مش بحبهم بيعملوا دوشة كده وازعاج زي البتاع الي في ايدك ده."