سالي بعصبية :" انا عايزة اعرف دلوقتي مين الناس دي وانت بتعمل معاهم ايه هنااا."
ماهر :"طب اهدي وانا هفهمك كل حاجة."
سالي :"بلا اهدي بلا زفت انا من الاول كنت حاسه انك عامل مصيبة."
ماهر :"طب ادخلي يا سالي وبلاش فضايح قدام الناس هتسمعنا."
كريم يهمس ل امير :"هي مين دي."
امير :"مادام بتزعقله كده تبقي حاجة من الاتنين يا المباحث يا الحكومة."
سالي :"هو انا في الناس ولا في البيه خطيبي الي طلعت معرفش عنه حاجة."
امير :"اهي طلعت المباحث."
ماهر :"مهو انتي لو تهدي وتدخلي انا هعرفك كل حاجة."
امير يهمس ل كريم وبوسي :"بقولكوا ايه متيجو نطلع عليه شوية من الي بيعمله فينا."
بوسي :"وماله."
كريم :"هنعمل ايه ها."
امير :"امشو انتو ع الخط بذات انت يا غبي احم احم .. انا اقولك لحضرتك يا هانم انا امير وده كريم اخوات بوسي مرات دكتور ماهر."
ماهر :"ايييييييه."
سالي :"مرااااااتت مييييييييين."
بوسي :"اه اه انا مرات ماهر."
ماهر :"ماهر مين يابنت المجنونة سالي سالي سيبك منهم دول مجانين."
سالي بتريقة :"مجانين."
ماهر :"والله مجانين."
يجري كريم يجيب النونو ويجي بسرعة ..
كريم :"ايه مجانين دي يا دكتور مش عيب تقول كده علي اهل مراتك."
ماهر :"حتي انت يا اغبي مخلوق علي وش الارض."
امير :"بس يا ابلة دي مراتة وده ابنه خدي ابنك يختي."
بوسي :"حبيب ماما انت تعالي يا روحي شبه ماهر الخالق الناطق حتي شوف."
ماهر :"يا جزم يا ولاد الجزم سالي والله ده كله كدب."
سالي :"كدب يا كداب يا نصاب متجوز ومخلف وداير تضحك علي بنات الناس."
امير :"بتضحك علي بنات الناس يا ماهر تؤ تؤ تؤ تؤ عييب."
كريم :"شوفت ابوك يا جميز طلع بيعرف بنات علي امك."
بوسي :"كده برضو يا ماهر بتخوني طب طلقني."
سالي :"لا ياختي يطلقك ليه خليهولك .. دبلتك اهي يا استاذ مش عايزة اشوف وشك تاني ده انا هخلي اهلي يطلعو عينك يا كداب يا بتاع الستات."
ماهر :'يا سالي افهمي بس دول التجربة الي شغال عليها دول كدابين يا سالي افهمي بس."
سالي :"اوعي اشوف وشك تاني انت فاهم يا ابو جميز ..حد يسمي ابنه جميز."
![](https://img.wattpad.com/cover/158552493-288-k264851.jpg)
YOU ARE READING
بيت المجانين - Houes Of The Crazies
Humorهلآو قايز ✋ .. "ادخلوا برجليكم اليمين وامسحوها من برا علشان لسه منضفين. " ........🏃