بيت المجانين - Houes Of The Crazies

Chapter "1"

اهلا ي جماعة عاملين اي؟ اول حاجة هعرفكم عن نفسي انا اسمي نانسي عندي ١٣ سنة من مصر واول مرة اكتب هنا في الواتباد وبتمني أن القصة دي تعجبكم هي نصها كوميديا اصلا 😂 يلا نبدأ .....آنجووي 🌹

▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫▪▫

مستشفي الامراض النفسية والعقلية
....
"في مكتب مدير المستشفي"

قاعد المدير علي مكتبه مربع أيده بيبص بغيظ علي التلاتة الي قاعدين قدامه الي هما كريم وبوسي وامير .

المدير :"يعني مجانين وادينا بنحاول نعالجكم بقالنا ٤ سنين ومفيش فايدة اغبياء وغصب عننا لازم نستحملكم ما ده شغلنا كل شوية تعملوا مشكلة في المستشفي معلش نعديها كل ده عادي لكن تجننو دكاتره المستشفي معاكم لااااا بقا كده كتير اعمل فيكم ايه."

كريم :"واحنا مالنا ومال الدكاترة احنا استلمناهم كده."

امير :"ايوه هما جايين مجانين لوحدهم مش تختاروا دكاترة كويسة الله."

بوسي :"هو في ايه؟!"

المدير :"صحي النوم والله ما انتي قايمة نامي زي ما كنتي..بقي الدكاترة هما الي جايين كده ها هما الي اتجننوا لوحدهم صح؟! دكتور عرفه الي جاله انهيار عصبي ودكتورة نوال الي استقالت وقعدت في البيت وجالها اكتئاب دائم ودكتور احمد الي جاله حاله هستيريا وفضل يضرب نفسه بالجزمة ودكتور مروان الي.... ولا بلاش انتو ايه قوة دمار شامل."

كريم :"علي فكرة انا اعترض."

المدير :"هو انت فالح في حاجة غير الاعتراض مش كفاية انك ظابط سابق وعامل نفسك ظابط علينا دخلت ليه المستشفي يا حضرت الظابط."

كريم :"اختلاف في الرأي مع اللواء بتاعي ياخي الله."

المدير :"لا يا شيخ."

كريم يبص للسقف ويفتكر اخر مهمه ليه ف الداخليه .....

#FlashBack

اللواء :"فين كريم الغبي ده."

كريم :"انا جيت اهو يا فندم."

اللواء :"يا هلا بالبطل الهمام."

كريم بكسوف :"ربنا يخليك والله يا فندم."

اللواء :"ربنا يخدك."

كريم :"ربنا يخليك يا...ايه ليه كده يا فندم."