امل العاشقين

البارت السابع

امل العاشقين
بقلمي(وردة الجوري)

كمت ساعه 8 الصبح باجر حنتي خواتي اجو عدنا اليوم راح نسوي حمله تنظيف لجسمي اووف يابه
اني ما عندي شعر هالكد خفيف كلش بس لازم اسوي
غسلت ونزلت جوه شفت خواتي يتريكون وامي واكفه عالطباخ وابويه ماكو
مريم... صباح الخير
خواتي وامي ... صباح النور.. يلا اتريكو علمود نبدي مريم ... اي هسه
كعدت اتريكت و خلصت كمنا طلعنا فوك مهى سوت الشيره كعدنا
موتوني من الوجع كمت ابجي وهمه يضحكون ... اخيرا خلصت رحت سبحت طلعت نشفت شعري وبدلنا رحنا عالصالون علمود شعري اني ما احب الميش ما سويت لشعري اي شي بس صبغتو لون ماروني غااامق حتى ما كصيتو طلعت حلوه طلعنه عالبيت مشه اليوم وثاني يوم الصبح كمت من وكت رتبت جهازي من خلصت نزلت اتغدينه والعصر رحنه عالصالون
سوولي تسريحه بسيطه وخلولي اكسسوارت شعر ورود صغيره لون بنفسجي نفس لون الفستان وخلولي مكياج بسيط بس الحمره خلولي لون احمر غامق والفستتن جان قصير الى ركبه ولابسه كعب اسود
خلصنا رجعنا عالبيت شفت كرايبي كلهم متجمعين وفاتحين الاغاني والبنات ديركصون جنت كلش فرحانه طلعت فوك موبايلي دك جان ابراهيم
مريم... الو
ابراهيم.... اروحلج فدوه ما اصدك باجر بهل وكت انتي يمي
مريم ... ولا اني مصدكه احس نفسي بحلم ما اريد اكوم من هاي الحلم
ابراهيم... حبي انتي ماتحلمين هاي حقيقه شوفي نتيجه الصبر اشكد ما يطول بس بالاخير انجمعنه اريدج تتأكدين من شي مستحيل اخليج يوم تنامين وانتي زعلانه ما اخلي المشاكل تأثر على حبنا لان حبنا اكبر من اي شي بهل دنيا طبعا هاي الحجي اني هسه اكلج عليه هو لازم باجر اكلج بس مخلي غير شغلات لباجر ههه
مريم... كافي ابراهيم والله استحيت وكمت اخاف اكلك خلي نأجل العرس عفيه عفيه حباب
ابراهيم... ولج اشكاعده تكولي ومنو حباب اني فد واحد خبيث ومو زين ما راح ااجل العرس ولج انسمط ابو ابوي على هذا اليوم وتريدين ااجل ماراح ااجل شي وانتي لاتخافين من شي اني يمج
مريم... اي مو اني اخاف منك
ابراهيم... ليش تخافين مني
مريم...اليوم خواتي كعدو موتوني بالحجي ونصايحهم وكمت اخاف
ابراهيم... لاتخافين صدكي ماراح اسوي شي اذا انتي ماتكونين موافقه اني مو همجي علمود اسوي شي انتي ماتريديها اني ما اخذتج علمود جسمج اني اتزوجتج علمود روحج وكلبج وعقلج علمود تكونين يمي نعيش بغرفه وحده ننشارك الافكار والسوالف اريد من اكون ضايج اكوم احجيلج اريد من تبجين تجين بحظني تبجين ماريدج تخافين من شي
مريم...
من جان يحجي حسيت بشعور جديد حسيت هو مو بس زوجي لا هو صديقي واخويه وابويه
مريم...شكرا ابراهيم اتمنى اكدر اسعدك مثل ما انت تسعدني
ابراهيم ... اكييد راح نعيش حياه حلوه هسه كوليلي اش لابسه
مريم ... قبل شويه رجعنا من الصالون وهسه اني بغرفتي
ابراهيم... اش لون فستان واوصفيلي نفسج
مريم... لا ماراح اكلك شي لان بالليل من تجي رتح تشوفني
ابراهيم... ليش ولج ولج اريد اعرف اش لابسه
مريم... بعدين تعرف هسه انت اش تسوي؟
ابراهيم.... هسه كاعد ويه اصدقائي راح نروح للحلاق وبعدين ننعشى ونجي عدكم
مريم.. اي زين بلا روح علمود انزل جوه
ابراهيم.. ديلا حبيبتي روحي ديري بالج على نفسج
مريم... انشاء الله باي
ابراهيم... باي
سديت الخط ونزلت جوه صبو الاكل واكلو واني اكلت شي خفيف خلصنا صار ساعه 8:30 دقيقه كالو اجو دخلو النسوان كامو يهلهلون وره شويه كالو راح يجي ابراهيم اجا جان طالع يخبل جان لابس بنطرون اسود وقميص ابيض وجاكيت اسود بدون رباط
كعد يمي لزم ايدي ايدي جان يرجف كلي بصوت ناصي
ابراهيم... ولج اش طالعه رحمي حالي اليوم اشون انام اش يصبرني لباجر
مريم... اسكت لاتحجي خاف يسمعوك
ابراهيم...اي خلي يسمعون ما دخلهم بينا زوجتي واغازلها ولج اليوم نامي من وكت علمود ترتاحين لان باجر ماكو نوم
مريم... عابتلك اش كاعد تكول عيييب
ابراهيم... العيب بالجيب حبي
اجت امو علمود تحني ايدينا حنت ايدي واصبع الصغير مال ابراهيم خلصنا وراحو بيت العريس صيحت اختي نهى
مريم... ولج تعالي كوميني اريد اركص
نهى... عابتلج استحي ولج عيب انتي عروس
مريم... اي اريد اركص بعرسي
نهى.. اي تعالي كومي
مريم
فتحو اغنيه فارس كرم التنوره كمت اركص والبنات حواليه
ركصنا لساعه 10 تعبنا كمنا رحنا نمنا الصبح بيوم العرس كمت رحت عالحمام سبحت طلعت نزلت جوه اتريكت ورحنا عالصالون خلولي مكياج مال عرس وسوولي تسريحه لبست الفستان اجا الزفه ابراهيم وجماعتو ركصو ركص ما صاير كدام الصالون ركبنا كبل رحنا عالاستديو والمصوره كامت تاخذلنا صور بالبدايه جانت صور عاديه بس بالاخير كامت تاكذ صور جريئه يعني لازم ابراهيم يبوسني او يحضني
اووف متت من الخجل
خلصنا واخيرا وصلنا عالبيت وره شويه كومونه نركص سلو جنت مخليه ايديه وره ركبتو وهو ايديه على خصري وكل شويه يقربني الو يهمسلي بكلمات يخليني اذوب كعدنا هو راح يم الزلم واني بقيت مر اليوم بين ركص واكل وتعب صار ساعه 7 بالليل
امو كالت كافي راح نزفكم سوه علمود انتي هم ترتاحين اليوم تعبتي
اجا ابراهيم مسك ايدي وزفونه طبعا العرس جان ابيت ابوه وزفونه على بيتنا كدام الباب اندار
ابراهيم ... يلا حبايب كل واحد يروح على بيتو كافي عاد لهنا وكافي وباجر الصبح لحد لايجي احنا نسوي ريوك
الكل ضحك سلمو وراحو اني هنا كمت ارجف لزم ايدي
وووو
يتبع
باجر اكمللكم حبايبي يلا علقو ودوسو لايك ..