امل العاشقين

البارت الرابع

امل العاشقين
بقلمي(وردة الجوري)

ابراهيم... من كلت لمريم على حبي الها فرحت كثير من عرفت هي تبادلني نفس الشعور رجعت كلت لابويه كال
ابويه ...والنعم بيهم نتشرف بيهم بس خاف ابوها ما يقبل لان ما يحجي ويانا
ابراهيم... يابه والله اني رايد البنيه كثير انت خبر امها خلي نشوف
ابويه ... هسه اخبرها كوم جيب موبايلي
ابراهيم رحت جبت موبايلو وكعدت يمو
احمد... الو
ام مريم... الو هلا خويه اشونك اشون الاهل
احمد ...والله الحمد الله كلنا زينين اريد اطلب منج طلب
ام مريم... كول ابو ابراهيم عيوني الك
احمد ... تسلم عيونج شوفي كولي لابو مريم انريد نجي عدكم نطلب مريم لابني ابراهيم كوليلو اشوكت عندو مجال علمود نجي
ام مريم ... والله خويه ما اعرف شكلك بس اني اكلو وانشاء الله خير
احمد... انشاء الله يلا سلميلنا فمان الله
ام مريم .... الله يسلمك فمان الله

ابراهيم. انتظرنا لليل ساعه 9 عمتي خبرت تعتذر تكول ابو مريم يكول ما نطي بنتي كلش انقهرت ما عرفت شسوي
اخاف يتقدملها واحد نفس مستواهم وابوها ينطيها خفت من مشاعرها ماتكون تحبني من صدك
مر فتره طويله ماصار احداث مهمه بس فد يوم سمعت اختي تكول لامي اشون واحد متقدلها يمكن زوج عمتي راح ينطيها كبل عرف ديحجون عن مريم
بالليل رحت عالى غرفه اختي حاولت اخذ رقمها بس اختي ما قبلت تكول مريم ما تقبل
كلت اخ لو جانت مثل بنات هالوكت عالاقل اكدر احجي وياها بالموبايل بس هي ابد عايشه بقوقعه عالمها الخاص
ورا اسبوع عرفت رفضت العريس الغفله اوووف حسيت هسه انولدت
مر على حبنا 4 سنوات تقريبا كل شهرين ابعث جماعه بالكي ابوها يقبل بس عنيد راسو يابس والله راح يخبلني كلت من اخذ بنتو سنه ما اخليها تشوف وجه ابوها واذا طلعو اولادي يشبهون جدهم اتبره منهم ولك ماتشوف اني ميت على بنتك ليش هيجي مستمتع بعذابي
بهاي السنوات فتحت مطعم خاص بيه وكمت ابني بيت طابقين كلت من اتزوج مريم مانكعد ويه اهلي واجيبلها وحده تشتغل بالبيت مستحيل اخليها تشتغل شي طورت مطعمي جبت طباخين سوريين ومصريين وايطاليين صار عندي سمعه بالمنطقه حتى من غير محافظه يجون لان عندي صفحه عالفيس بوك وكل الي اكلو من مطعمي كالو اكيد راح نرجع
الحياة فرص صح اني ما كملت دراسه بس كدرت اخلي اسمي يلمع والكل يعرفني

فديوم ابن عمي اتزوج رحنا هناك جنه كاعدين بالحديقه كمت اغسل ايدي رحت عالمغسله وكفت اغسل يم المغسل اكو باب المطبخ سمعت صوت مريم تغني انداريت شفت ماكو احد اهنا وكفت كدام الباب مكتف شفت مريم لابسه فستان احمر بسيط وطويل ضيك من فوك وكلوش من جوه طالعه تخبل ولابسه ملفع احمر تركي
ابراهيم... ولج ارحميني كافي عاد مو راح اموت
مريم... جنت بالمطبخ اشرب ماي فجاة سمعت صوت ورايه انداريت شفت ابراهيم فزيت دورت اشوف عبايه البسها ما شفت
ولك شكاعد تسوي عيب دير وجهك ملابسي ضيكه
ابراهيم ... والله اني اشوف عادي ليش بس النسوان يشوفون هالحلاوه
مريم... الله عليك دير وجهك لاتحجي ويايه روح اخاف يجون اهنا ويشوفونه ونصير ابمصيبه
ابراهيم .... والله جبتيها ياريت يجون ويشوفونه ويزوجونه غصبا على ابوج العنيد
مريم... ولك اشون تحجي هيجي الله عليك روح
ابراهيم... ما اروح الا اذا ريحتيني
مريم.... ولك شريحك شكول
ابراهيم ... بعدج تحبيني ؟ ريحيني الله عليج اوعديني ماتتزوجين غيري ولج بنيتلج بيت طابقين مستعد اجيبلج وحده تشتغل شغل البيت ولج ابوج اش رايد اكثر من هيجي ماضل واحد اذا ما بعذتو على ابوج ليش راسو يابس
مريم... مثل ما انت تحبني اني هم احبك ومستحيل ارتبط بشخص واني كلبي يم واحد غيرو ما اعرف ليش ابويه هيجي معند خلي نصبر لاتنقهر
ابراهيم...ولج فديت وجهج الحلو الي لبخيته بكيلو طحين ولج انتي مايحتاج تلبخين هو سمارج يخبل
مريم... اني هم ماردت خواتي لحو عليه
يلا روح كبل مايجون
ابراهيم.. اي هسه اروح ديري بالج على نفسج
مريم... وانت هم باي
ابراهيم ... باي

طلعت من المطبخ طاااااير من الفرح لان حجيت وياها وارتاحيت لان بعدها تحبني البارحه ابويه حجالي ليش ابويه مريم زعلان لان كبل اخوه جان رايد اخت ابويه واهل ابويه رفضو لان اخوه ما جان خوش ولد واخت ابويه ماقبلت بيه فهو سوا عركه كبيره كدام بيتنا ومن طالع جان عصبي ودعمتو سياره وميت ولهسه ابو مريم مخلي السبب بينه

يتبع
بنات هاي القصه حقيقيه هي قصه وحده اعرفها فكلتلي بس قصتها هي وابراهيم بس ماتريد تحجي عن خواتها او اهل ابراهيم
علقو ودوسو لايك