امل العاشقين

البارت السادس

امل العاشقين
بقلمي(وردة الجوري)

خبرت مريم
ابراهيم... الو
مريم... الو... منو انت؟
ابراهيم... اني فد واحد معجب
مريم... عابتلك اي والله زاحف
سديت موبايل بوجهو بس شنو جسمي كلها يرجف من الخوف
ورره شويه هم خابر نفس رقم بس ماشلت ضل يدك خليتو يمو الموبايل وره شويه اجالي رساله فتحتو من نفس الرقم  مكتوب
( ولج جكمه ردي عليه هو منو الي راح يزحف عليج الي يشوف جهرتج ينهزم من العراق كلها اني غسان اللي الله بلاني بوحده مثلج)
انصدمت اش كاتب يعني اذا اني جكمه ليش موت نفسو علنا ابويه وافق عابتلك ماراح ارد عليك
كام يدك قفلت موبايل ونمت جنت معصبه منو طثير اكو واحد هيجي يبعث اول رساله لخطيبتو
ثاني يوم الصبح ما داومت وما فتحت موبايلي اتلخرت بالكعده ساعه 1:20 كعدت نزلت جوه الي يشوفني يتخبل الكحل مال البارحه نازل غسلتو بس ما راح كلو وشعري كأنو انفجار صاير بيه جنت لابسه دشداشه عريضه احب البس غريض بالبيت لان ارتاح بيه
لونها ابيض ومخطط اسود 
نزلت عالمطبخ شفت امي ما دحكت عالميز
مريم... صباح الخير ماما اش مسويه غده
ماما...صباح نور مسويه دجاج محشي ويه مقبلات
دشو امي اندارت عليه وصيحت
ماما .... بسم الله الرحمن الرحيم ولج اش صاير بيج روحي بدلي اشون تطلعين هيجي كدام خطيبج
مريم... اي ماما اش بيج هو احنا بالبيت واش يجيب ابراهيم هسه
ماما... ولج يا مطفيه  ديري وجهج عالميز
درت وجهي اشوف ابراهيم كاعد ومخلي ايدو على حلكو ماسك ضحكتو
انداريت على امي لزمت دشداشتي وانهزمت فوك سمعت امي وابراهيم ضحكو بصوت عالي
يمه متت اشكد عيب هسه البارحه جنت معدله نفسي كلي جكمه وهسه اش راح يكول اكيد لا ينهمزم عابتلي اي والله صدك اني حماره اشون انزل هيجي
رحت عالحمام سبحت وسشورت شعري لبست دشداشه مرتبه ولبست ملفع
اوف اشون انزل جوه بيه وجه اشوف ابراهيم
نزلت جنت منزله راسو هو شافني سلم
ابراهيم... اشونج مريم هههه
مريم ... اني زينه بس ليش تضحك
ابراهيم ... لا ضحكت لان قبل شويه عبالي شفت جنيه
مريم... ها يعني اني جنيه اي طبعا البارحه تكلي جكمه واليوم جنيه عالاساس انت تخبل شوف نفسك هم زين اني قبلت بيك
ابراهيم ... والله الرجال مايعيبو شي اهم شي يداري زوجتو ويشتغل بس البنيه لازم تكون حلوه شويه مو اكوم الصبح اشوف صديقي جبار نايم يمي هههه
مريم... ماما دحكي عليه اش كاعد يكول ولله اذا ما عاجبتك اني روح على غير بنيه هسه نفسخ
ابراهيم... لالا ماراح نفسخ خلي اخذلي اجر بيج واتزوجج
مريم ... اي ما شوفيه
امي..  ولج مريم هو يتشاقه وياج اش بيج انتي كلبتي عليه
مريم ... مو تشوفيه اشون يحجي وياي
ابراهيم... خاله من بعد اذنج اريد احجي ويه مريم بوحدنا
امي... اي  ابني روحو عالاستقبال محد ماكو وعمك يتأخر للعصر يالله يرجع ومن يصير الاكل اصيحكم بس اكعدو عقال
ابراهيم... اي خاله بس اريد رايها عالعرس
اخذت مريم عالاستقبال بس هي جانت معصبه كلش سديت الباب وخليت مريم كدامي وظهرها عالباب

ابراهيم... ولج صارلي سنين منتظر هاي لحظه جنت كل يوم انام واني افكر بيج اخاف تتزوجين غيري اخاف تحبين وتجيبين اطفال من غيري جنت اموت من الغيره عليج اشون تفكرين انو اني اعوفج لان انتي جكمه واصلا منو يكول انتي جكمه
مريم.. ااانت كلت
ابراهيم... ولج جنت اتشاقه ويااج وهسه هم من نزلتي انتي وكفشتج جنت طالعه تخبلين انتي اخلى شي صارت بحياتي مستحيل اعوفج ترا الجمال مو جمال الوجه الجمال جمال الروح اكو بعض بنات حلوات بس اخلاقهم محلوه واكو بعض البنات محلوات بس اخلاقهم تخبل محترمات
وانتي سمارج تخبل  تره الكلب اذا حب ما يشوف الوجه
مريم... بس انت ضليت تعيب عليه
ابراهيم ... لان احبج اريد اشوفج معصبه اريد اعوض كل الايام الي ماجنت تكدر احجي بيه وياج ها اتصافينا
مريم... اي اتصافينا
اتقربت منها لزمت ايديها وخليت جبيني على جبينها كمت اتنفس وياها
ابراهيم... واخيرا صرتي زوجتي صرتي ملكي اموت عليج 
بست جبينها نزلت على جدها بستها طولت بالبوسه كمت اشمها بست اذنها بست شعرها احس ما اكدر ابتعد عنها اوووف يا ريت اخذها هسه على بيتي
ابراهيم... ولج ما اكدر اعوفج اش سويتي بيه دمرتيني احبج احبج اعشقج ولج اتمنى اسمعها منج اتمنى تكوليلي احبك اريد اسمعها منج
مريم... جنت دايخه بيه دخت من كلامو من نفسو من قربو اليه من بوساتو ومن كال اريد اسمعها ما كدرت ارفض طلبو
مريم.... ووااني هم ااحبك
ابراهيم... واج ياعمري ياكلبي انتي والله الا اخليج اسعد بنيه بالعالم
مريم... خلي نطلع عيب من امي
ابراهيم اي هسه بس شوفي ابدي جهزي جهاز العرس بعد 29 يوم عرسنا والمهر انطيتها لابوج واي شي تحتاجيها كوليلي اني حاضر والاخشاب فد يوم اني وانتي نروح نختار
مريم.. انشاء الله
طلعنه اتغدينه وكام راح على شغلو وعدت الايام اني مخبوصه اجهز نفسي مشى الايام بسرعه
باجر حنتي

يتبع
حبيباتي علقو ودوسو لايك
شكر البنات الي عيدعموني ويعلقون احبكم كثيير😘