رجعنه من اربيل اني كلش فرحانه وهو هم فرحان يباوعلي ويغمزلي والطريق كوووله سولفنه هووواي بلرجعه هوواي قلد على طريقه الحجي مالتي واني هم قلدت عليه . وجان حييييل يداهرني ويسوي روحه عود يتنغوووص ويكول لعد لعد لعد اوووي لعد مدا اعرف . مدا احس . يسوي روحه عود يعلج ويحجي ...
واني هم . جااااا وينج ... شمالج ... دكضي ....
.
ها تقلدين عليه ....
اهوووو هسه انت مو قلدت لو اني وحد ....
مد ايده اليه خله حجني ابينه اصابعه وباس اصابعه اني ضليت باهته من تصرفه . فرحت بخجل .
.
وصلنه للبيت اجتي مرته بوجهي صارت اجته تركض شبكته شلونك ابو ايه .
اني جنت لازمه الجنطه طاحت من ايدي ودموعي بدت تغرغر بعيني ليش مو قبل دقيقه جنت اضحك وفرحانه منين الله جابها اليه هاي ليششششش . محسن حس بيه كام يتلافه زوجته بسرعه طلع . اني بهذا الوقت كمت ما اعرف اتصرف حسيت روحي اني بس جثه جاي تمشي . رحت عليها كوتلها شتردين منه ودموعيني بعيني ....
شنو شريد منه زوجي هذا .....
ادري زوجج بس زوجي هم .....
صارله سبوع وياج ما حجيت لان سلمت هيج كلبتي الامه الله يساعد كلبي اخذتي من بين اديه .....
شنو اخذته شنوووووو .....
جدي صاح هاااا صفا جدي خير خو ماكو شي . ...
.
اني حسيت على روحي شجنت احجي . كتله لا جدي ماكو شي .. التفتت الها خزرتها ورحت ....
.
.
طبت للمطبخ تساعدهم اجه محسن شفته جاي يسولف وياها . رحت للمطبخ سكت بسرعه وطلع .
رخت اركض بغرفتي . بجيتتتتت بجي لمن طحت ورمن عيوني . طب للغرفه ...
شبيج ....
اليوم وين يمي لو يمها ....
لا يمها ....
لا يمي متروح الها .....
صفا حبيبتي صارلي سبوع وياج وهيه هم خطيه هم حقها عليه .....
حق . حقها . صارلها وياك ٦ سنوات ما شبعت ....
صفاء شوفي العني الشيطان واستهدي بلرحمان عقلج جاي ياخذج لغير افكار شيطانيه والله .....
متروح والله متروح واذا رحت اكتل نفسي وراك ....
مترهم صفااااا مترهم خطيه جاي اكلج ......
واني مو خطيه ....
مقصر وياج اني .....
حس بيه الله يخليك اموت والله راح اتخبل كل شي بدماغي جاي يطلع من طوره ......
كافي لخاطري اذا صدك تحبيني سدي هذا الموضوع ....
تروح بس بشرط . متنام وياها ....
ماشي ....
و مو هسه بللليل كلش ....
ماااشي كافي .....
.
صار العشه وصبو الاكل وجانت ايه جايه . طلعت اريد اتعشه لكيت ايه كاعده بجهه وام سمر كاعده بجهه . محسن لعد اني وين اكعد ....
صاحلي جدي تعاي كعدي بصف جدج ....
رحت كعدت بصفه بس عيني على محسن . هو هم ياكل ويباوعلي عيوني ما تركته لحظه . ومرته تباوعله وبناته هم يطفرن الي كاعده بحظنه والي كاعده يمه وبصفه والي لازمته من ركبته وهو يكعد بيهن ويبوس بيهن . اني كاعده واغلي وافوووور يا ربي ليش هيج اني حياتي شنو هلقهر والضيم الي الله سلطه عليه .
اي جدي سولفيلي شتحسين بيج ولد انشاء الله ....
ما ادري والله جدو انشاء الله ....
جدي ابو ادم اذا ما جابت صفاوي الولد اني اجيبه بلكي هاي بطني بيها ولد ....
التفتت منو هيج حجت باوعت لام سمر تضحك ومحسن يباوعلي واني حسيت روحي يمكن افكاري هيج حجت محد حجه ....
انت مينفرح بولاداتج بلكي الله يعوضنه بصفا ....
هسه يجوز الله قاسم هلبطن وليد ....
.
اني حسيت بوري قوي وضرب راسي ضرب ع الاكل كاعده وتمددت بعد ما اتحمل الدنيا نخبصت خبص بيه . اسمعهم يصيحون صفاااا صفاااا محسن يصيح وجدي واني احس راسي راح ينفجر . خذوني للمستشفى وشكلولي مغذني صاير عندي ضغط وضغطي ١٨ على اساس انو صاير وياي ضغط ولادي
.
.
.
بلمستشفى وياي عمتي ختام وزينب وجدي ومحسن .
اتلفت اباوع هاي الجلبه بت الجلبه ما موجوده . اول ما شفت محسن . انطيته ايدي لزمها . درت وجهي اله قرب راسه اليه . شاورته كوتله لخاطري لتروحلها بعد . ...
هسه اني ويني وين هلسوالف دصيري زينه هسه والله كريم ....
.
وره ساعه استقر الضغط طلعوني . وصلت للبيت كتله لمحسن اذا طبيت وشفتها كدامي اشرب من دمها ....
اششششش دسكتي عاد شكد لجوجه .....
طبيت لكيتها مموجود . اووووف الحمد لله .....
.
نمت ع الجربايه وهو كاعد يمي مبين يريد يروح كل ساع يباوع ع الساعه حسيت بي يريد يكوم دنيت نفسي اله وشبكته . لتروح محسن الله يخليك ....
جانت تعابير وجهه كأنو يترجاني انو اتركه . بس اني ضليت ع موقفي . لتروح ....
ما اروح كافي هيه صارت بيها عرضه ....
.
شبكني نام بصفي . بهذا اليوم اني ما كدرت انام وعيوني ضلت تباوع عليه الليل كوله الوووم نفسي على تصرفي ليش خطيه هيه هم مرته هيه شكالت من اني اجيت واخذته منها مو حالها من حالي . بس مو بيدي شلون هيج كمت احبه ليش هلغيره الي بكلبي عليه وين جنت وهسه وين . زين اذا صدك جابت ولد شلون . واذا اني صار عندي بنيه . افكر واباوع لعيونه . حسيته تحرك وفتح عيونه غمضت . كام على كيييف وطلع لحكت ورا للباب ماكو وين صار رجعت لكيته جاي يتوضه . شافني شعندج هنا . ها هيج طلعت .....
شعندج برررره ....
عبالي رحت لمرتك وعفتني ....
صفا لتزهكيني كافي لو اريد اروح ما اطلع اتخنس .
صلي بلكي الله يريح بالج ...
اي ....
توضيت وصليت وهو كدامي يصلي اسمعه يقره بصوت عالي . صوته جان خشن . حسيت جسمي كام يرجف كمت ابجي . بنص الصلاه تيهت وين وصلت ضليت بس ادعي يا ربي نجيني وساعدني يا ربي ما اتحمل بعد موتني وخلصني لو تموتني اني لو تموتها هيه . حسيت صدري كام يعصر بيه وكلبي يريد يطلع من مكانه .
شعور الغيره شعووور مررر لا يوصف . والله يساعد الي تحب ومتحصل الانسان الي تحبه وتشوفه كدام عينها بحضن وحده ثانيه ...
.
.
كمت صلاه محسن شافني كاعده بلكاع ابجي . لزمني شبيج ولج راح تتخبلين عليه . والله احتاريت وياج اتمنه لو يرجع الزمن وياج والله مجان دنيت صوبج ...
ليش حته تضل وي مرتك . هيج مشتاق الها ...
والله هذا مو حب والله هاي وساوس شيطانيه ....
منو اكثر تحبني اني لو هيه ...
ثنينجن احبجن .....
لا بس الاكثر ....
والله ثنينجن .....
شنو الي تحبه بيها .....
طايعتني مؤمنه حبابه شريفه .....
واني شنو ....
انتي وكيحتي ودلوعتي وحبيبتي وروحي وام وليدي ....
يعني هيه هم تكلك تحبني لو تحبها ....
لا متجيب طاريج ....
ليش ....
يعني حته متضوجني ....
ليش هيج طاريي يأذيك ويضوجك ....
لا افتهمي بس هيه تريد تعيش حياتها ما الها دخل بغيرها . واني هلشغلات اضوج منها فمتجيب طاريهن ....
زين انت من تنام وياها هم مثلي .....
اهوووووووووو كااافي لخاطر ربج ....
جاوبني الله يخليك ....
شجاوبج شنو اريد اطلعج من طبع اطبين بأنكس منه شنو هلحجي .....
اذا تحبني صدك جاوبني ......
اوووف يا ربي . احبج اكثر .....
اشو ما احسها طالعه من كلبك ......
صفاء الساعه ب الخمسه الصبح يمعوده شنو هلعيشه هاي . دكومي وياي ....
وين ...
شوفي حبيبتي ....
ها ....
اني احبج واموت عليج ليش تفكرين بغيرج وغيرج هسه نايم ومرتاح ....
ما اغكر بغيري تفكيري بيك .....
واني وياج وجاي اكلج احبج .....
اوعدني متنام وياها بعد .....
صفاوي كافي يا عيني لخاطر دينج تره والله راح تكفريني .....
اشبكني ونام ولتعوفني ....
ميخالف .....
شبكني ونام . ضليت اشتم ريحته يمممممه الله ليبعدني عنه .
.
صار الصبح كمت سويتله ريوك . وطلع للشغل وما اجه .
لليل كوولها طبت نامت واني كاعده بلاستقبال عيني ع الباب بلكي يجي . رحت طلعت الموبايل خابرته .
.
ترررررررررررن .... المشترك لا يرد حاول الاتصال في وقت لاحق . جان بوقتها اكو خطوط اسمها عراقنا جان خطي عراقنا منتشر ابغداد هواي بس بلجنوب قليل جان بس الاثير . فهوو جان خطه اثير...
.
.
.
تررررررررن ..... الووو....
محسن وينك شوكت تجي ....
بيج شي .....
اي جاي انزف ....
جايج ....
يلا خوش ...
.
هسه يجي تانيه رحت خليت مكياج خفيه ورتبت روحي .
طب وينج صفا ...
اي حبيبي شفته وشفت من بعيد عبايه ....
منو هاي ....
ام سمر اجتي وياي قلقت عليج حته ناخذج للمستشفى ....
ومنو كلك جيبها .....
كومي عيني دكومي خل ناخذج ....
مابيه شي . خليني اموت بلكي انزف واموت .....
صفاء البسي عباتج ....
ما اروح وياها لو تموت ....
ما حسيت صوت يحجي فوك راسي . كومي داده خاف الوليد بي شي .....
مااااا بي شيييي اعتقي ابو هو يصير زين ....
هاي شنو هلحجي . المفروض اني الاغار منج مو انتي تغارين مني .....
واني اغار من شكولج قحط انتي . شعايزني واغار .....
كوم خويه هاي مرتك افلام افلامها ....
هههه خويه اكو وحده تكل لرجلها خويه ...
اني ما عندي اخو . هو اخويه وزوجي وابو بنياتي وابو بيتي ...
امشي اطلعي بررره .....
محسن : مو كافي هلاكلان خره هذا مو كافي . متكولن الناس نايمه . يلا امشي خل اوديج ....
محسن ترجع موو ...
اي ارجع .....
راح ودها وره نص ساعه ماكو ....
دكيت عليه ... الجهاز مغلق او خارج منطقه التغطيه يرجى الاتصال في وقت لاحق ....
.
طبعا هلحظه شعوري ما اكدر اوصفه بجيت بجيت بجيت لمن طحت من التعب خابرتي امي ضليت اسولف وياها واحجي واشكي وابجي وامي خطيه كعدت تهدأ بيه وتسكتني . لمن خلص شحني . وضليت ابجي لمن نمت على كعدتي .ما حسيت على روحي بعد ....
.
.
.
كعدت من النوم لكيته بصفي نايم وشايلني ع الجربايه . ويبوس بيه بيه . شبكته وكمت ابجي . ليش عفتني .....
صفا تدرين شغله ....
شنو ....
احبج ولا ودي افاركج بس ما اكدر . اذا اتركها ضلم هذا ...
ضليت التفت لركبته حس بيه نزع هدومه . كلي شوفي ماكو شي حته ترتاحين ....
لزمت شعره . سابح اليوم ....
.
اهووووووووووو بسسسسس كااافي ميفيدج وياج اني صوجي اني كلب ابن كلب ....
رايح بحظنها متشبع شنو من بشر انت .....
ولج صارلها ٨ ايام ممدنيلها من روحتنه لاربيل هم خطيه هاي مو بشر .....
طلكها ....
خو اطلكج الج مو احسن .....
طلكني . حته وحده منه ترتاح .....
اكلج ابوج خابرني كلي مشتاقلج خل اوديج لبغداد ...
ما اروح لو تريد يصفالك الجو شبسرعه اشتاقيت الها ....
روحي وانطيج وعد ما اوصل الها .....
لعد شكو تريد تزحلكني ....
اريد بلكي امج تحجي وياج بلكي تعقلين تفتهمين ....
ما اعقل ولا افتهم . وما اروح ....
اني رايح لبغداد عندي شغل اذا تردين اوديج بطريقي ....
ماشي ...
رحت ويا . بلطريق ضلينه نضحك ونسولف نسيتها تقريبا . وصلت لبيت اهلي هو مسولف وي امي عني وعافني وراح . امي بدت تنطيني النصيحه . للمغرب استبطيته وينه اشو ما خابر . دكيته عليه كال اني رجعت للبيت ....
الله وجاي اجذب بكل كلمه بهذا اليوم اجيت افقد اعصااابي حسيت خلايا مخلي رادن يطلعن . كمت مثل المخبله ابجي واشكهك . لييييش عفتني . ليش عفتني هااا ليشش عفتنني.....
صفاوي يومين واجي عليج .....
صار الليل خابرته دكيت عليه ما شاله صرت مثل المجنونه والمخبله ادك وماكو . لمن شاله ..
شتردين صفا ....
مشتاقتلك ....
اني هم .....
انت هم شنو ....
مشتاقلج .....
وضليت احجي ويا لساعه ب ١١ بلليل واسولف ويا . لمن رصيدي صفر كوتله محسن خابرني . اتصل عليه محسن وضلينه نسولف للوحده . كل ساع وكلي والله نعسان حبابه اريد انام . واني اكله ابد لمن تجي تاخذني . الى اني صفر رصيده . طلعت اركض على حهاز امي مابي رصيد جهاز ابويه بي ولزمته هم هو والثنتين وربع . ويحجي ويثاوب اخر شي رحت على جهاز ليوثي .واخابره وهو يتوسل خل انام والله نعسان جاي من سفر وطريق طويل . المهم لمن صفر جهاز ليث يلا عفته شفته الساعه ب ٣ . ابد ما كدرت انام ولا يغمض لعيني جفن وبس افكر بمحسن .
.
ثاني يوم كعدت كولت لابويه جدي يعتب على حسن يكول لا اجه لا كال وهو جذب اصلا ما سأل ولا كال .
ابويه كله روح سلم على جدك وخطيه ساره من عهد زواج اختك ما راحت ...
كتله ودينه اليوم كالو لاااا ستوج جايه . كوتلهم محسن كال اذا يكدرون خل يرجعوج ....
كال حسن الدنيا حاره العصر اطلع ...
اني ما اعول شوكت نطلع حته اوصل . امي كالتلي يمه . اخذي سونر كبل لا ترحين ....
اي يلا اخذيني ....
رحت اخذت كالت الدكتوره بيج توم بنات ....
شنو ....
توم بنات ماما ....
دكتوره شو عيدي السونر ....
شعيد جاي تكلج هاي بنات ثنين ....
وليش ثنين اني وحده ما اريد اريد وليد ....
اهم شي تمام الخلقه ...
ماما لحكيني عندي توم بنات ....
الحمد لله ماما ...
ماما والله راح اتخبل . هناك بلعياده وشبعت بجي حته كمت كوووه امشي . وصار وجهي كررركم بجيييت لمن متتت يا ربي اخذهن ما اريدهن تالي يعيروني بيهن ما اريدهن يا ربي لخاطر الزهره ما اريدهن يا ربي ساعدني طبيت للبيت اجتي ساره تلكتني ها بشري ....
كامن رجليه يخوطن .كوتلها بنيه ....
يلا نعمه من الله ...
.
بجيييت واني ميته قهر . اباوع لبطن ساره شو كبرانه . شاورت امي يوم ساره حامل ....
اي حامل وبيها وليد .....
اشو محد كال ....
انتي يمه محتاره بحبيب الكلب نحجي نكول اذانج بغير عالم ....
ما حسيت ما ادري على روحي ....
.
صعدنه بلسياره . الطريق كوووله كمت اتخيل نفسي والناس تسألني واني اجاوبهم وهمه يشمتون بيه واني اسوي روحي ممهتمه ومحسن واكف بصفي ويكلهن اهم شي تمام الخلقه جنت اقنع روحي وسويت مشهد تمثيلي . وهذا كووووله بعقلي .
.
وحسن يسوق واني بلصدر بأعتبار اني اكبر من ساره وساره وره .
حسيت الطريق خلص الشارع التبليط وصار طريقنه بي شجر ونخل . عرفت روحي قربت على البيت مالتنه . انتبهت على ساره صايره تخبل رجلها وبس الها وحامل بولد وتلبس وتكشخ حته وجهه بي مكياج
بس اني رجعت ليوره زوجي واكو من مشاركني بي . ولا بيت حلالي . ولا اني سويت النسوان وحبلت بولد وفوك القهر شماتي هوووواي . كمت كوووه اجر النفس مالتي . وصيتها ساره مو تكولين عندي بنيه ....
لا خيه شعليه انه .....
طبت البيت سلمت ع الكل وطبيت بغرفتي وسلمو على حسن وساره فرحانه واجوها اهلها . وكالتلهم حامل بولد وكولها كيفت وكووولها دارت وجهه عليه انت ما اخذتي سونر ....
اخذت بس ما يبين ....
مرت عمي ادم . ام محسن كالت يعني بنيه . ما دام مايبين يعني بنيه ....
ساره كالت ماما هليجي الحمد لله . عود تريد تجاملني ....
طبيت اسمعها تكول بيها بنيه بس لحد يكول . خطيه خاف تنقهر ....
مبارك ....
سديت الباب وكعدت . وتوقعت ؤاح توكع الغرفه من الصواريخ وجان اكثر شي خايفه من ردت فعل محسن .
.
.
.
* البنات رحمه والولد حسنه *
دائما العوائل الشرقيه يفضلون الولد ع البنيه . اني عن نفسي ما احب البنات لان مجتمعنه ميرحم البنات ومجتمع ذكوري .
.
.
.
توقعاتكم للبارت القادم ...
زينب علي ....
.
.
.
شوفن رجاءا لحد تجاوز على صاحبه القصه لان خطيه كلش مقهوره وكل ساع وتكول امسحيها للقصه . رجاءا يعني ....
انتظرو احداثها القادم جدا مثير
ВИ ЧИТАЄТЕ
ابتعد عني 🔞🔞
Романтика#ابتعد_عني زينب علي .. @lo__lo__94 عشق ... شيخ عشيره ... ابتعد عني
