خيال ام واقع

البدايه ( البارت الاول )

تنبيه ( لن اتكلم عن شخصيات القصة الا الشخصيات الغير معروفه لان باقي الشخصيات سوف تعرف من ادوارها )
~°•~°•~°•~°•~°•~°•~°•~°•

°･✻･ﾟ･✻･ﾟﾟ･✻･ﾟ･✻･ﾟﾟ･✻･･✻･✻･ﾟ
♣︎✺⋘⊰..﷽..⊱⋙✺♣︎
{عامل من أنت مسؤول عنهم كما تحب أن يعاملك من هو مسؤول عنك ..!!}

لارين (البطله ): يمه رجعت ...يووووم ( شكو اشو البيت هدوء )
ام لارين: هلا يمه
لارين : يمه وينهم البيت يصوصي
ام لارين: يمه اخذ اخوج اخوانه وراحوا للسوك واختج كاعده بغرفتها صدك اشلونها صديقتج سلمتيلي اعليها
لترين : يمه يعني شنو اشلونها البت مريضه وثاني شي سلمت اعليها ارتاحيتي
ام لارين: يالله الله يشافيها وصدك تعالي ولج شنو قلت الادب هاي
لارين: (جرتني من اذاني ) اخ اخ يممممه يكولون الام نبع الحنان واني امي نبع القساوه
ام لارين: بدون لغوه روحي غسلي وتعالي ساعديني بالمطبخ
لارين: صار يمه 🙌

لارين : لج قندره وينج😒😑
ديما: نعم حذاء ..هاا اجيتي صدك اشلونها سيلي
لارين: عوفينه من صديقتي هسه وج اخوها اويلي يجنن😰
ديما : شنو عدها اخو
لارين: وج مو اخو ابجي طين 😭
ديما: دكافي زحف وكولي اي من شفتي
لارين: انه ماشفته بوضوح لان ابسرعه مشه بس شعره والعيون ضليت بس اباوع اله
ديما: اكلج انعجبتي بي
لارين: لا يمعوده بعدني على هاي السوالف وانه
وراي مستقبل ( والله مااعرف بس يمكن )
ديما: حمت اعليه ام المستقبل هسه اطلعين زباله هههه
لارين: انجبي ياقندره اذا انه زباله انتي الجيس الراح اجمع بي زباله
ام لارين: يوووم وينج
لارين : جايه جايه ..اكلج قندره خليها ابينه ولو ادري السانج مايكعد راحه
ديما: اكيد سرج ابير
لارين : لعد غسلت ايدي لان بيرج بدون قبق (غطاء بالفصحه كلت خاف ماتعرفونه 😂)
ضياء: ثووووله وينج
لارين : هلا وغلا بالضلع الماينشلع ( اشوكت تزوج وتفكنه افف نايم على گلبي )
ضياء:شنو تبسبسين
لارين: ها ....اي شنو جبت وياك غبي
ضياء: انجبي ومااكول
لارين : انجب انته وكول لا انتقم منك😠
ضياء : نوووو😌
لارين : يمه ابنج خرا 😡
ضياء: يمه بتج تحتاج اعادة تأهيل تعاي ولج انه اربيج من جديد
لارين: دطير بابه عود انه خفت
ام لارين: كافي عرك انتم الثنين شنو جهال اشو انته عمرك 20 وانتي 17 وبعدكم تتعاركون على اتفه الشغلات
لارين : هذه الغبي ابنج
ضياء: لا والله انتي الغبيه
ام لارين: كافي لا اكتلكم انتم الثنين يالله خلينه نتغده وراج دراسه نور
لارين: اوك يوم يااحلى نبع حنان بحياتي
ضياء: اي اي همه دين واحنه دين
لارين : 😝😝 مووت قهر
اتغديت وغسلت بس اكو شي امحيرني اخواني وامي بس يتبسبسون ومااعرف شنو السالفه واخوي جاب شغلات مااعرف شنو هيه بس المحقق كونان سوف يبدأ تحرياته ...لج ياتحريات نعسانه كلش وراي دراسه كومه خليني انام ( فجأة اجه على بالي اخو صديقتي والله اعلي شخصيه ) لارين دكافي وراج دراسه ...
تسريع الاحداث في صباح اليوم التالي ( كمت احجي فصحه 😋 )
لارين : كعدت على صوت زقزقة العصافير ( بدون تجحبن كعدت لان جيرانه عده ديك وديصيح كعدت من وراا وشفته من الشباك )اخ لو الزمك جان انتفك ريشه ريشه بس اصبر اعليه
ام لارين: صباح الخير يمه يلا وراج دوام راح تتأخرين
لارين : صباح الياسمين ......كمت كمت
غسلت وحضرت نفسي وردت اطلع ...
ام لارين : يمه ماتاكلين شي
لارين: لا يمه اليوم مااشتهي اكل
ام لارين: على راحتج بتي دربالج على روحج وانتبهي على المدرس من يشرح
لارين: يوم كبرت على ذني السوالف وصدك خاف اتأخر راح امر على صديقتي واكللها اخبار المدرسه ( اشلون جذبه تردين اتكليلها على اخبار المدرسه لو شي ثاني )
ام لارين: اي سلميلي اعليها وياج
لارين: يوصل يلا مع السلامه
ام لارين: الله وياج
..في المدرسه ( فصحى طبعا لان مدرسه وكشخه تعرفون بعد )
لارين : صباح الخير شباب
الكل : لج كم مره كلنه صبايا مو شباب
لارين : اسفه (بس يعجبني الاسم مدري يجيني احساس حلو من اخلي الصف مرتفع ضغطه )
خلصت نهاري كله بس احشش وانكت على البنات بس ضحكتهن خطيه خليني اونسهن واطلهن من جو الامتحانات
لارين : ولجن بنات بنات ...شوفن صرصور خرب بنات ( قبل اشويه محد حست بيه خليت صرصور اصطناعي بالصف عقل انشتاين وكذا )
الكل طگتها ركضه بره الصف ولا طير بقه بس لارين ميته ضحك اعليهن
لارين: ههههه تعالن تره اصطناعي ( لزمته بيدي يالله صدكن بس محد تقبل اتقرب منها وانه كامشته وبس اصياح )
المهم ضحكنه وتونسنه رن الجرس واحنه محسينه بالنهار اشلون خلص
لارين : اسفه بنات لان تعبتجن وياي
ساره : ولج ياتعبتينه على يوم تجلطينه
ريم : انه راح ابطل من وراج خبلتيني
لمى : لا صدك راح افتح صف بس للمخابيل ولارين رئيستهم
الكل : هههههه احلى فكره
لارين : نعل مو بيدجن يلا مع السلامه
الكل : الله وياج
لمى : الله وياج نشوفج باجر مجنونه الصف هههه
......بالطريق
لارين : خليني ارجع للبيت لان تعبانه اوو نسيت لازم ازور سيلي ( فجاة حسيت بنشاط حسبالك توني كعدت من النوم ) نور شكو لا اتخبلتي رسمي انتي ( يمكن من وره ابو عيون عسليه شكله مايروح من بالي ابد )
وصلت للبيت ...
لارين : اريد اطرق الباب وفجاة انفتحت وكان امامي .......

لهنا ينتهي البارت الاول ادري قصير والفكره احسها قديمه بس مسامحه 😁 اول قصة واول بارت
لا تنسوا ان تعطوني رئيكم وتصوتوا الي انتضروا البارت الثاني

❋・────━【بااا👋اااي】━────・❋