علا:...........
شذى:هاتى هد وسلمى وتعالوا علشان عايزة اشوفكم قبل ما اسافر
علا:تسافرى فين؟
شذى:هسافر الفيوم اقعد هناك مع ابن عمى
علا:فجاة كده
شذى: لا مش فجاة هو كان كلمنى علشان اروح اعيش هناك وانا كنت مرتبطه هنا بالشغل وبعد اللى حصل ارتبطت بالعلاج والعمليات بس خلاص كده
انا مش هجرب تانى وهرضى بقدر ربنا
علا:انتى اكيد اتجننتى
شذى:خلاص بقى
المهم تعالوا بدرى علشان همخشى الضهر
قفلت معاها وبعد شويه ابن عمها اتصل بيها علشان ياكد عليها بعد ما اتصلت يه امبارح وطلبت منه يجى القاهرة علشان ياخدها تعيش ف الفيوم
قفلت معاه وعنيها غفلت حلمت باسر بيخبط الباب عليها
لما فتحتله مسك ايدها وبسها وقال
انا مقدرش استغنى عنك
وعمرى ماهبعد عنك تانى
ومسكها وقومها من على كرسى العجل ورماه برجله وقال
ودا مبقاش ليه لازمه
فاقت على صوت التليفون اتخضت وقالت
دا حقيقى وبصت لنفسها وللكرسى وللشقه وقالت
حلم
حلم ومش هيتحقق
التليفون رن تانى كانت هدى بتتصل فقالت
اكيد علا قالتلك وانتى متصله تتخانقى معايا وتقوليلى ماينفعش والكلام دا
وانتو عارفين انى ف الاخر هعمل اللى انا عايزاه فوفروا بقى على نفسكم اى كلام
علشان انا تعبت
هدى:.............
شذى:ماتتاخرش بقى
وقفلت معاها
واخدت القلب اللى اسر كان مديهولها وحضنته وقالت
عمرى ماهنساك ولا هحب حد بعدك
هتفضل جوايا لحد ما اموت
وسرحت فيه شويه وماخدتش بالها من التخبيط اللى على الباب ولما انتبهت قالت
الباب بيخبط؟
وشيت بالكرسى لعند الباب فلقت البواب بيقول
الجرايد يا ست شذى
لما وصلت للباب فتحت تاخد منه الجرايد لقت اسر قدامها ماسك الجرايك فاتصدمت وغمضت عينها وفتحتها وقالت لنفسها
اكيد بيتهيالى انى شايفاه فمدت ايدها واخدت الجرايد وقالت شكرا ياعم مرسى
ولسه هتقفل الباب مسكه اسر وقال
بس انا مش عم مرسى
شذى:...............
شذى:.................
اسر:هتسمحيلى ادخل ولا هتسيبينى كده ع الباب
شذى:اه
اتفضل
دخل اسر وقعد فقال
انا جاى اخدك علشان العمليه
شذى:مكنش ف داعى تيجى وتتعب نفسك
انا مش هعمل العمليه وبلغتهم بكده
انتبه اسر للقلب اللى ف ايدها اللى كانت بتحاول تخفيه فقام ووقف ومسكه من ايدها وقال
لو سحت يا انسه
مش دا قلبى
شذى:..............
رقع اسر على رجله قدامها وقال
مهما حاولت اهرب منك بهرب ليكى
شذى بجد انتى بتحبينى؟
شذى:..............
اسر:بتحبينى يا شذى؟
نزلت راسها وعينها فيها دموع
فرفع راسها وبصلها وبص لبحر دموعها وقال
مش ممكن العيون دى تكون كدابه
مش ممكن كل اللى حسته كان تمثيل
ردى عليا
حبيتينى ولا لا
لو قلتى اه هسامحك ع كل اللى حصل واوعدك انى هعوضك عن كل اللى فات
لو قلتى لا اوعدك انك مش هتشوفينى تانى
وبردو هسامحك
شذى:........
انا محبتش حد ف حياتى قد ماحبيتك
ابتسم اسر ومكنش مصدق نفسه ومسح دموعها وقال
وانا بعشقك
وعمرى ماهسيبك تانى
ابتسمت شذى ونسيت عجزها وقالت
انا اكيد بحلم وشويه وهصحى
اسر:انا هحققلك كل احلامك
حطيت شى ايدها على وشها وقالت
خلاص بقى اصحى
كفايه
مسك ايدها ونزلها وقال
انتى مش بتحلمى يا شذى
انا اسر اللى واقف قدامك
انا مش هعيش ميت مرة هى مرة واحده وبس
مش عايز افتكر اى حاجه من اللى فاتت ومسامحك مش عايز حاجه من الدنيا غير حبك
شذى:اسر انا محتجالك اوى
اسر:وانا محتاجلك اكتر تكونى جانبى
دمعت شذى فمسح دموعها وقال
خلاص بقى مافيش دموع تانى هننسى كل حاجه حصلت ونبتدى من جديد
نبتدى شذى واسر
شذى : ابتسامة ابتسامة
اسر:دلوقت هنروح المستشفى هتعملى العمليه وترجعى تمشى تانى ونتجوز على طول
افتكرت شذى عجزها والعمليه فخافت وقالت
لا
مش عايزة
اسر:ماتخفيش
انا جانبك
والعملية هتنجح
شذى:لا ارجوك
بلاش
اسر:ارجوكى انتى
لازم تعمليها
شذى:لا ان .........
حط ايده على بؤها وقال
هوسسسسس
اسمعى الكلام
انتى هتبقى مراتى
وانا راجل حمش واحب الست بتاعتى تكون بتسمع كلامى
ابتسمت شذى وقالت
بموت فيك
اسر:وانا بعشقك
يلا بقى مش وقت رومانسيه خلينا نروح على المستشفى علشان جهزوا كل حاجه
وبعد كده هغرقك حب ورومانسيه وحاجات تانيه هقولك عليها بعدين
يا سلام! ابتسامة احم
شالها اسر من ع الكرسى فقالت
انت بتعمل ايه؟
اسر:بشيلك علشان انزلك
عقبال ما اشيلك يوم فرحنا
شذى: ابتسامة
نزل وركبها العربيه وههو ف العربيه اتصل بسلمى وقالها تروح ع المستشفى لانه هيعمل العمليه لشذى استغربت وفرحت جدا وسالته ازاى قالها لما تيجى هتعرفى
اتصلت سلمى بسرعه بهدى وعلا وراحوا كلهم وياسر وحسام وفارس وملك وجاسر ع المستشفى
كانت بتجهز خلاص للعمليه فقالت سلمى
اايه اللى حصل
اسر:اللى حصل انى عملت اللى كان لازم يتعمل من بدرى
وبص لفارس وقاله
شكرا انك فوقتنى
انا فعلا كنت هندم لو كنت سبت شذى
انا بحبها ومقدرش استغنى عنها الحكايه بسيطه
مش لازم نعقدها
احنا هنعيش مرة واحده بس ولازم نسامح الناس اللى بنحبها علشان يفضلوا جانبنا
سلمى:الحمد لله
انا مبسوطه اوى
ربنا يفرحك دايما ويارب دايما كلنا نبقى مع بعض
فارس:اشطه يا كبير
اسر:هروح بقى اجهز للعمليه
راح اسر يجهز للعمليه وكلهم وقفوا مبسوطين فكانت بتبتسم سلمى وجاسر كان باصصلها مشلش عينه من عليها فقالت سلمى
انت بتبصلى كده؟
جاسر:بحب اشوفك مبسوطة
اتكسفت سلمى وقالت
انا ببقى مبسوطه لما اشوف اللى حوليا مبسوطين
جاسر:طيب ايه
سلمى:ايه ايه؟
جاسر:انا كمان عايز اتبسط
سلمى:طيب ماتتبسط
جاسر:ما انا مش هكون مبسوط غير وانتى معايا
سلمى:............
!!!!!!!!!!!!!!!!!
جاسر:انتى عارفه انى بحبك وحلمى الوحيد انك تبقى ليا
سلمى:جاسر احنا ف المستشفى ومش وقته الكلام دا
جاسر:اسر رجع تانى ولو مش موافقه يبقى وجودى ملوش لازمه
سلمى:انت بتقول ايه؟
جاسر:عايزانى ولا لا يا سلمى
سلمى:جاسر احنا.......
جاسر:عايزانى ولا مش عايزانى؟
سلمى:..........
ابتسم جاسر وقال تمام
سلمى:تمام ايه؟
جاسر:عرفت الاجابه
سلمى:اه والاجابه بقى انى مش موافقه فانت مستنى شذى تطلع من العمليه وبعدها تسافر وتسيبنى صح
طيب افهم اللى انت عايز تفهمه وممكن تمشى من دلوقت وتسيبنى لوحدى
عادى ما انت عملتها قبل كده
جاسر:ومين قالك انى هسمحلك تضحكى عليا تانى
سلمى:اضحك عليك؟؟؟
جاسر:اه
تضحكى عليا وتفهمينى انك مش بتحبينى زى ماحصل قبل كده وخلتينى سفرت وسبت مصر
سلمى:قصدك ايه؟
جاسر:قصدى انا ى فهمت انك بتحبينى وبتكابرى ومكنتيش عايزانا نتطلق بس انا اللى كنت غبى ومافهمتش
سلمى:..........
قرب منها اكتر وقال
حتى لو مش بتحبينى فانا هتجوزك غصب عنك
ولا نسيتى؟
ابتسمت سلمى وقالت
مجنون
جاسر: ابتسامة ابتسامة
************************
علا كانت سانده على الحيطه فقرب منها ياسر وقال
اسر وشذى رجعوا لبعض
علا:اه الحمد لله
ياسر:............
مش ناويه بقى تساميحنى ونرجع احنا كمان لبعض
علا:مفيش حاجه اسمحك عليها
واحنا ولاد عم واخوات
وسبته وراحت جانب هدى
ياسر:...................
فارس كان جانب ملك وقال
اخيرا كل حاجه هترجع زى ماكانت
ملك:ان شاء الله شذى تقوم بالسلامه وكل حاجه ترجع لطبيعتها
فارس:ان شاء الله
*************************
دخل اسر اوضة العمليات وقبل ما يخدروها قرب منها وقال
ان شاء الله العمليه هتنجح
شذى:انا مش عايزة حاجه خلاص من الدنيا غيرك
اسر:وانا جانبك ومش ممكن هسيبك
ضحكت شذى فاستغرب
انتى بتضحكى على ايه؟
شذى:اصل انت قبل ما تخبط حلمت انك خبطت وجتلى وقلتلى نفس الكلام
اسر:ههههههههه
علشان كده لما جتلك كنتى فكرانى حلم
شذى:ههه
اه بس ف حاجه ناقصه
اسر:حاجه ايه؟
شذى:ف الحلم انت مسكت ايدى وبستها
اسر:هههههههههههه
مسك ايدها وقال بس كده
وراح بايسها
فضحكت شذى وقالت
ربنا يخليك ليا
اسر:ويخليكى ليا
اتخدرت شذى ونامت وعمل اسر العمليه بحظر وكان خايف جدا وبيدعى ربنا انها تنجح
ولما خلصت العمليه خرج لهم وطمنهم ان العمليه نجحت
اتبسطوا كلهم وفضلوا ف المستشفى ولما فاقت لقت اسر قدامها فقالت
الحمد لله انك معايا
اسر:الحمد لله انك ف حياتى
شذى:حتى لو العمليه مش نجحت انا مش هزعل
اسر:انتى بتشككى ف قدراتى كطبيب ولا ايه
شذى:ههههههه
لا طبعا مقدرش
اسر:خلاص سيبك من الكلام دا
العمليه نجحت الحمد لله
مع العلاج الطبيعى بقى ومع عزمتك يا حضرت الصحفيه المشاكسه
هتجرى ورايا ف الشقه
شذى:هههههههههههههه
بعد كام يوم طلعت شذى من المستشفى والكل كان مبسوط
وعدى كام يوم ف هدوء على الكل والحال هو الحال مع علا وياسر وسلمى وجاسر اتفقوا يفاتحوا اسر ف الموضوع
بس لما شذى تبدا تتحسن
وطول الايام دى اسر كان مابيفرقش شذى غير وقت النوم
وهى كانت مبسوطه جدا
وسلمى وفارس وياسر كانوا فرحانين انهم رجعوا لبعض من غير ما يعرف افضال شذى ومن غير مايعرف انه السبب ف اللى حصلها
وشذى طلبت منهم انهم مايتكلموش ف اى حاجه
يوم بعد يوم شذى بتروح العلاج الطبيعى مع اسر بس للاسف مافيش تحسن
ابتدت تفقد الامل بس اسر كان وراها وبيقويها
عدى شهرين ع العملية ومفيش تحسن اسر ابتدى يفقد الامل بس مكنش مبين
والكل كان مستنى انها ترجع تمشى تانى
محدش عارف يفرح وهى كده
ملك وفارس ماجلين جوازهم وكمان جاسر وسلمى
شذى كانت متضايقه علشان نفسها ترجع تمشى تانى علشان اسر وحاسه انها سبب ف ان علا سابت ياسر وشايفه ان علا حالتها وحشه وبتكابر
واسر كمان اتكلم مع شذى ان ياسر بيتدمر
وف يوم اتصل ياسر بعلا وقالها
ازيك
علا:الحمد لله انت اخبارك ايه؟
ياسر:انا تمام الحمد لله
علا:..........
ياسر:انا بقالى فترة بفكر استقر وانتى بنت عمى وزى اختى طبعا
علا:اه اكيد
ياسر:كويس
فكنت عايزك تيجى معايا انتى ومرات عمى علشان نخطب واحده اتعرفت عليها
علا:......................
ياسر:الو
علا مسحت دموعها وقالت
اه طبعا هنيجى معاك
ياسر:متشكر جدا فعلا
انتى نعم الاخت
علا:..............
يشكرا
قفلت معاه وقعدت تعيط بانهيار واتصلت بهدى جتلها وحاولت تهديها
وقالتلها هدى
انتى هتروحى ازاى بطلى هبل
علا:لا لازم اروح
هدى:انتى اكيد اتجننتى
صممت علا انها تروح معاه وف نفس اليوم اسر اسر كان ماسك كل التقارير بتاعة شى والاشاعه بيحاول يشوف الغلط ف ايه وايه
اللى ماخر المشى لحد دلوقت وفجاة وقع ف ايده تاريخ دخول شذى المستشفى
فاستغرب
وقال
دا نفس اليوم اللى عرفت فيه انها بتكدب عليا
ايه دا؟
ازاى
وبسرعه راح ليوسف وساله فقال
انها جتلهم بسبب انها وقعت من ع السلم ونتيجه ان محدش كان معاها واسعفها هى اتحركت
علشان تحاول تقوم فدا اثر عليها وزى ما انت شايف
اسر:...................
يوسف:هو ف هي حاجه؟
اسر:..............
يوسف:دكتور اسر
اسر:لا مفيش عن اذنك
خرج اسر زى المجنون وعاد قدامه شريط اللى حصل يومها واتخيل وقعتها وهو
ماشى ومبصش وراه واتعذبت ازاى
وايه كان ممكن يحصل لو المهندس مكنش رجع
بقى عامل زى المجنون احساس رهيب بالذنب
راح بسرعه ع البيت وكان لسه هيدخل على اوضتة سلمى يسالها ع اللى حصل سمعها بتقول لفارس
انا مش عارفه ايه اللى بيحصل معانا دا
الحمد لله اننا ماقلناش لاسر على افضال شذى علينا وعليه هو نفسه وانها اللى انقذته من حوار لندن دا وعلى سبب وقوعها
احسن دا كان زمان دلوقت حالته وحشة بسبب انها ماتحسنتش ودا كان اخر امل ليها
فارس:اه الحمد لله
بس انا واثق انها تمشى تانى وطول ما هما مع بعض هيقدروا يتخطوا كل حاجه
سمع اسرالكلام دا نزل عليه زى الصاعقه
لقى نفسه بيفتح الباب شافته سلمى وفارس واتخضوا وعرفوا انه سمع
اسر:احكولى دلوقت كل حاجه معرفهاش
سلمى:اسر مافيش:.............
اسر:سلمى
سلمى:................
اسر:عايز اعرف كل حاجه دلوقت وبالتفصيل
قعد اسر وحكوله كل حاجه
بعدها خرج اسر بسرعه زى المجنون من الشقه جرى فارس وراه بالعربيه لحد ما وقفه فنزل من العربيه وقاله
ايه فايده العصبية دى
اللى حصل حصل المهم تبقى معاها
اسر:انا السبب يا فارس ف اللى حصل
انا اللى خلتها مابتمشيش
عجزها دا بسببى
بسببى غرورى وغبائى
فارس:دا قدر ربنا
وان شاء الله هتبقى كويسه
اسر:انا مش هامح نفسى ابدا
هى تعمل كل دا علشانى وانا اعهمل كده
مش ممكن
مش ممكن
فارس:اهدى بقى يا اسر وتعالى سيب عربيتك وتعالى معايا البيت
اسر:انا عايز ابقى لوحدى
فارس:لا لازم تيجى معايا ماينفعش تسوق وانت متعصب
اسر:ماتخفش مش هيحصلى حاجه
بس ارجوك عايز ابقى لوحدى
فارس:ماشى هسيبك لوحدك بس ماتقفلش موبايلك
اسر:ماشى
مشى فارس واسر ساق العربية ومشى مش عارف رايح فين لقى نفسه رايح لشذى واول مافتحتلقته بيقول
انا اسف والدموع ف عيونه
اتاثرت شذى ودموعها نزلت وقالت
اسمحك على ايه
اسر:سامحينى على كل حاجه حصلت
سامحينى انى كنت السبب انى دمرت حياتك
وانى عيشتك ف عذاب
حاولت تمسك نفسها شذى بس مقدرتش تمنع دموعها وقالت
انت احلى حاجه حصلت ف حياتى
لو الزمن رجع بيا تانى مش هحب ولا هعوز حد غيرك
انت سامحنى انى كدبت عليك ودا عقابى
اسر:دا عقابى انا
انا السبب
انا مش هسامح نفسى ابدا
انا غبى غبى
حيوان ماستحقيش
مسكت شذى ايده والت
انا عايزاك انت بس ومايهمنيش اى حاجه تانيه
انا من غيرك اضيع
انا معرفتش يعنى ايه سعاده غير وانت جانبى
وانا همشى تانى
همشى يا اسر علشان انت اللى عملتلى العمليه وانت اللى هتبقى السبب انى ارجع تانى زى الاول
حط اسر دماغه بين ايدها وعيط وهى مسحت على شعره ودموعها نازله على خدها مش عافه تعمل ايه وبتتقطع بسببه
رفع راسه وقال انا والله اسف
فضلوا يبصوا لبعض وقاطعهم تليفون اسر فقالت شذى
رد
رد لقى ياسر بيقوله خليك جاهز بقى علشان بكرة
اسر:ماشى
قفل معاه فقالت شذى
خلاص بقى انا عيطت كتير
غدينى بقى علشان انا جعت
ابتسم اسر وقال
بس كده
دا انا اعملك الاكل بنفسى
شذى:لالالالالالالالالالالالا
مش عايزة اروح المستشفى انا
اطلبلنا اكل على ما اروح اغسل وشى احسن شكلى بقى معفن اوى
باس ايدها اسر وقال
انتى احلى واحده شفتها عينى
شذى: ابتسامة ابتسامة
احم احم
طيب يلا روح اغسل وشك انت كمان واطلب اكل
اسر:من عنيا
دخلت شذى تظبط نفسها وهو غسل وشه وطلب اكل وقضوا باقى اليوم مع بعض وف الاخر قال اسر
انا هروح بقى بما ان علا جت علشان تبات معاكى
شذى:ماشى خلى بالك من نفسك
اسر:بحبك
شذى: ابتسامة ابتسامة
مشى اسر وعلا قعدت تعيط مع شذى وقالت شذى
طالما بتحبيه بتكابرى ليه
علا:بحبه يا شذى بس ماينفعش ماينفعش
شذى:ماينفعش ليه
انتى بتعاندى وبتكابرى وخلاص وانتى اللى هتخسري ف الاخ
علا:خلاص انا مش هخسر
انا خسرته
شذى:اه وانتى عايزة تروحى معاه تخطبيله صح
علا:اه لازم اروح علشان مايحسش انى متضايقه او بحبه
شذى:لا انتى مجنونه رسمى
فضلوا يتكلموا طول الليل لحد ماتعبوا ونامو وف الطريق امير اتصل باسر من باريس
علشان يتطمن عليه وراح اسر البيت دخل على اوضته
وفضل يرجع شريط اللى حصل واحلى لحظاته مع شذى وكان بيانب نفسه
فاتصل بالليل على شذى وقالها
انا بحبك وعمرى ما هسيبك
شذى:وانا بتنفس بوجودك معايا
قفلت معاه وهى متاثرة وعارفه انه بيتعذب وحاسس بالذنب
والصبح نزلت علا تروح شغلها وشذى كانت ف الشقه عماله تضرب ع الكرسى وتقول
ليه ليه
انا مش ممكن اسيب حبيبى يتعذب كده بسببك
انا مش عايزة اقعد علايك تانى
فضلت شذى تحاول تقوم وتمشى بالمشاية وتقع وتقوم وتعيط وتعبت جامد
بس اصرارها انها تقوم تمشى تانى كان بيخليها تقوم وتحاول
لحد ما قدرت تقوم مصدقتش نفسها كانت هتتجنن من الفرحة
هسترية ضحك مش طبيعيه
ولقت اسر بيخط عليها
بسرعه راحت ظبطت الدنيا قعدت ع الكرسى وراحت فتحتله
لما فتحت قال
انتى شكلك مجهد كده ليه
شذى:انا
لا عادى
مش مجهدة
اسر:متاكده
شذى:اه طبعا
اسر:طيب
علا راحت الشغل
شذى:اه
اسر:هتروح مع ياسر صح
شذى:اه هتروح
اسر:طيب يلا بقى علشان ننزل
شذى:ماشى يلا بينا
شالها اسر ونزلها العربيه وهى ماقلتلوش على اى حاجه
ياسر الضهر اتصل بعلا وقالها جاهزة
علا:اه مش انت هتروحلهم بالليل
ياسر:لا باباها ماسفر بالليل فلازم نروحلها دلوقت
انا هعدى اخد طنط بعدين هعدى عليكى ونروح سوا
علا:..............
ماشى
ياسر:عقبال م اكون معاكى ف خطوبتك
علا:................
ياسر:سلام
قفل معاها وهى مسكت نفسها من العياط راح اخد مامتهها وعدى عليها اخده
طول الطريق مابتتكلمش خالص وفجة وقف قدام قاعة مناسبات
وقالهم انزلوا
علا:ننزل فين؟
ياسر:معلش هدخل بسرعه ابارك لصاحبى علشان بيكتب كتابه وهنروح على طول
علا:طيب روح واحنا مستنينك
ياسر:ماينفعش
تعالوا معايا طالما جينا
بسرعه وهنمشى
مامتها:تعالى يابنتى ننزل ونخلص
علا:ماشى
نزلت علا ومامتها ودخلوا القاعه لقت شذى واسر وملك وفارس وخالته واسر وحسام وهدى وكل اللى تعرفهم ولقت الماذون قاعد اول ما دخلت الكل صقف
علا مكنتش فاهمه حاجه ف الاول وقالت لياسر
صاحبك مين دا اللى هيتجوز؟
انا اعرفه
هدى بصوت عالى قالت
ادخلى يا عروسه يلا كلنا مستنينك
والكل ضحك وتصقيف
واقفه علا مزهوله مش فاهمه حاجه
شدها ياسر من ايدها وقال
انتى لسه مش فاهمه
انا بحبك انتى ومش هتجوز غيرك انتى
ضحكت علا بعد زهول ومكنتش مصدقه نفسه وخبطته على كتفه وقالت
انت رخم اوى
ضحك ياسر وقالها وبموت فيكى
علا:وانا كمان
ياسر:ايووووووووووووة بقى
راحوا قعدوا والماذون كتب كتابهم فطلع فارس على الاستيدش وقال
ملك
الكل:................
.......................
اسر:تقبلى تتجوزينى
صفر الكل وصقفوا وقالو
اايوة ايوة
ايوة
نزل مسك ايدها وطلعوا جانب الماذون وكتب كتابهم هما كمان
فغار جاسر ومسك شد سلمى من ايدها وراحو قال للماذون واحنا كمان اكتب كتابنا
خلاص انا مبقتش قادر
وبص لاسر وقاله
بعد اذنك يا اسر
اسر:ايوة ايوة
مبروووووووووووووك
سلمى:انت مجنون
جاسر:مجنون بيكى
يلا يا عم الشيخ انا خلااااااااااااص
كتب كتابهم فلما خلص الماذون قال
ها ف حد تانى مش قادر وعايز نى اجوزة
ضحكوا الكل وبص اسر لشذى ف عينه كلام كتير
هى قرت ف عينه انه بيتمنى يطلب منها الجواز بس احساسه بالذنب وانه السبب مخليه مش قادر ينطقها وخايف
فرجع تانى بص للمسلمى وسلم عليها وباركلها هى وجاسر وفجاة سمع صوت تصقيف وصفير واندهاش من سلمى وجاسر
فبص لقى شذى واقفه جانب الماذون ومسكت المايك وقالت
بحبك يا اسر
مصدقش نفسه ولقى نفسه بيجرى عليها وبيشلها وبيدور بيها
انا مش مصدق
شذى:تقبل تتجوزنى؟
اسر:انتى اللى اتقبلى تتجوزينى وتعيشى معايا باقى عمرنا
شذى:مش عايزة اعيش غير ف حضنك
اسر:بحبك بحبك بحبك
شذى:بعشقك بعشقك بعشقك
تمت ❤️❤️
