طلعوا شذى واسر الاوضه بتاعتهم وناموو
وكانت سلمى ف الوقت دا صاحيه مش عارفه تنام بعد ما قضت طول اليوم كلام مع جاسر وحاسه ف كلامه بالياس والوحده وحست انها
كسرته ومكنتش عارفه تعمل ايه وفضلت طول الليل تفكر لحد ما طلع الصبح وراحت تتطمن على جاسر فكان صاحى فقال
ايه اللى مصحيكى بدرى كده
سلمى:اسفه لو كنت صحيتك
جاسر:لا انا صاحى
انتى ايه اللى مصحيكى بدرى
سلمى:عادى متعوده اصحى بدرى
بص جاسر ليها وقال
متعوده تصحى بدرى
متعووده ماتنميشكمان؟
سلمى:...............
جاسر:مانمتيش ليه؟
سلمى:ماجليش نوم كنت بفكر ف اللى هيحصل
جاسر:بتفكرى ف اللى هيحصل ولا بتفكرى ف هشام
وخايفه يتسجن اوممكن تكونى بتفكرى ترجعيله بعد ما نتطلق
ردت سلمى بعصبيه وقالت
ارجع ايه ولمين
لهشام اللى كان بيضحك عليا وكان عايز ياذينى
هشام اللى كان بيخدعنى كل دا علشان الفلوووس
غلطان لو فكرت ان ممكن هشام يجى على بالى لحظه بحاجه كويسه
جاسر:انا اسف
سلمى:..............
لا عادى
انت لسه مش تعرفنى
جاسر:وانا كنت اتمنى اعرفك اكتر واقرب منك اكتر
سلمى:...............
جاسر:ماعلينا
انا عايز اخرج من المستشفى
سلمى:تخرج ايه لسه لما تخف
جاسر:لا انا زهقت من قاعده المستشفى عايز اخرج علشان اظبط تانى الرجوع واوقف كل حاجه
سلمى:مستعجل ليه؟
استنى لما تخف وابقى اعمل كل دا
جاسر:معلش كلمى الدكتور وانا ف البيت هبقى كويس
سلمى:خلاص اللى يريحك
جاسر:تسلمى
سلمى:طيب انا هروح الاوضه وهعدى عليك تانى
جاسر:ماشى وحاولى تنامى وبطلى تفكير
ابتسمت سلمى وقالت
ماشى
خرجت من الاوضه دخلت اوضتها اترمت ع السرير وراحت ف النوم على طول
****************
ملك صحيت من النوم كالعاده حضرت الفطار وصحت فارس ومامتها وفطروا مع بعض وراح فارس على الشغل ونسى موبايله ف اوضته
اما شذى وجاسر فكانو من بدرى بيفطروا وقال اسر لشذى
انهارده بقى مش عايز كسل هنلفشرم كلها وهنعمل سفارى عايزين نعمل ف الكام يوم دول كل حاجه
شذى:انا من ايدك دى لايدك دى ورينى بقا
اسر:ايو كده سيبيلى نفسك
خلصوا فطار وراحوا البحر فضلوا يلعبوا ويرموا بعض بالميه وكانت شذى مبسوطه اوى وناسيه الدنيا وهى معاه وهو كان حاسس بسعاده غريبه
محسهاش قبل كده وكل شويه يبصلها ويسرح ف جمالها
ولما جه وقت الغدا قال اسر
انا حجعان
هنروح فين دلوقت
شذى:للمطعم التحفه
اسر:هههه برافوا عليكى ابقى فكرينى لما نرجع القاهرة اصرفلك مكافاه
سلمى:هههههههههههههه
علم وسينتفذ يا فندم
اسر:طيب يلا بينا
شذى:يلا بينا
اخدها وطلعوا ع المطعم اول ما شفته شذى قال
اواو بجد
المكان حلواوى
ياترى الاكل حلو كمان كده
اسر:الاكل بقى ماقولكيش
هتعرفى بنفسك دلوقت
بس خلينى اطلبلك على ذوقى
قعدوا وطلب لها وليه نفس الاكله ولما اكلتها شذى عجبتها اوى وكانت مبسوطه اوى معاه وخلصوا اكل وطلعوا لفوا بالعربيه
وقضوا مع بعض طول اليوم فسح وهزار ولعب وقرب من بعض اكتر واكتر
****************
ياسر صحى من الصبح هو وحسام فطروا ونزل ياسر الشركه وحسام راح لهدى زى كل يوم واخدها وفطروا برا وقعدوا يلفوا على المحلات علشان يجهزوا الشقه
علشان مستعجلين
وياسر اتصل بعلا يتطمن عليها وقالها انه هيعدى عليها بكر وياخدها يتغدوا برا لو بقت كويسه وقفل معاها وكمل شغل فالشركه
وطلع على المستشفى بعدين طلع على جانا لان اسر كان موصيه عليها
**************
ملك كانت ف اوضتها وسعت موبايل فارس بيرن جريت بسرعه افتكرته جه لقت الموبايل ع السرير وياسمين تتصل بيه
كانت متردده ترد ولا لا
بس الغيرة خلتها ردت
الو
ياسمين:الو مين
ملك:انتى اللى متصله
انتى مين؟
ياسمين:مش دا رقم فارس؟
ملك:اه رقمه
ياسمين:طيب لما هو رقمه انتى بتردى ليه
اتضايقت ملك منها وقالت
لما يجى اقوله مين
ياسمين:اكيد هومسجل رقمى واكيد انتى شفتى اسمه
لما يجى انا هكلمه
بس ياريت محدش تانى يرد لما اتصل
وقفلت السكه اتضايقت اوى ملك ودخلت الاوضه وقعدت تعيط وهى بتعيط لقت باب الشقه بيتفتح
فخرجت تبص لقت فارس ف وشها بيقول
انا نسيت مو............
مكملش كلامه وسكت فجاه وقال
انتى كنتى بتعيطى؟
صعبت عليها نفسها وعيطت جامد فاتخض عليها وجرى لعندها وقال
مالك يا ملك
ف ايه؟
دخلت الاوضه جابت الفون وقالتله
خد موبايلك
ياسمين اتصلت وهتتصل بيك تانى
فارس:انتى بتعيطى علشان ياسمين اتصلت بيا
والله انا مبردش عليها
ملك:انا رديت عليها واحرجتنى
فارس:احرجتك؟
قالتلك ايه؟
حكتله ملك ع المكامله فاتعصب فارس واتصل بياسمين اول ما ردت قالت
اخيرا شفت رقمك تانى عندى
والله ليك واحشه
اتكلم فارس بطريقه ناشفه وقال
ياسمين انا مش فاضى لوجع دماغ كل شويه وبلاش حركات البنات اللى بتعمليها دى علشان انا مش فاضيلك
ياسمين حركات ايه؟
فارس:بضصى انا مش هقعد اشرح
بس عايزك تعرفى ان ملك يعنى انا
يعنى اللى يضايقها كانه ضايقنى واكتر
مش هسمح لحد مهما كان انه يضايقها ول للحظه
فخلى بالك من كلامك معاها علشان ماتندميش
وقفل ف وشها السكه
فاتبسطت ملك ف نفسها وقالت
انت ايه اللى عملته دا
فارس:انتى دموعك غاليه اوى عندى
ومش هسمح لحد ولا لنفسى انهم ينزلوا لاى سبب
ملك:..............
ربنا يخليك ليا
فارس:ويخليكى ليا يا هبله
ملك: ابتسامة ابتسامة ابتسامة
فارس:انتى ماردتيش ليه عليها وحرقتى دمها
ملك:مش عرفت بقى
فارس:مش عرفت بقى
خليكى كده هبله
الناس بتعرف ازاى تزعلك وتضايقك وانتى ماتعرفيش تاخدى حقك
ملك:ما انت اهو بقى تاخدلى حقى
فارس: ابتسامة
قطع كلامهم الفون بيرن
ملك:كويس انك جيت
فارس:اه ما انا لما اخدت بالى انه مش موجود قلت ارجع علشان ف كام مكالمه مهمين انهارده
ملك:ماشى رد وانا داخله الاوضه انت نازل ع طول صح
فارس:اه
ملك:طيب ليا
دخلت اوضتها وهو رد ونزل ع طول ركب العربيه وراح الصيدليه
قعد فيها لحد الساعه 6 وروح البيت اتغدى مع ملك وخالته واتفرج ع التلفزيون هو وملك على ستار اكاديمى وكل واحد فيهم عايز حد يكسب وكالعاده بيتخانقوا ويتناقروا لحد الساعه 11 ودخلوا ناموا
تانى يوم نفس الموضوع صحي فارس وملك فطروا مع خالته ونزل الصيدليه وسلمى كانت مع جاسر علشان بتحضر الحاجات علشان يرجعوا الفيلا
وع الساعه 2 خصوا كل حاجه ورجعوا الفيلا لقت سلمى الفيلا مترتبه ومفيش حاجه من اثار الحادثه فاستغربت فقال جاسر
انا اتصلت بواحد صاحبى ظبط كل حاجه
سلمى:كويس انك عاملحسابك
تعالى اطلع على اوضتك بقى علشان ترتاحح
جاسر:لا خلينى هنا ف الجنينه شويه
سلمى:لا مافيش جنينه دلوقت اطلع ارتح وبالليل انزل شويه
جاسر:ماشى ياستى وانتى كمان اطلعى ارتاحى انا تعبتك معايا اوى
سلمى:لا ولا تعب ولا حاجه
وصلته لحد الجنينه وقعد وهى طلعت غيرت هدومها ونامت ع السرير من التعب
******************
عدى الخمس ايام على اسر وشذى احلى ايام عمرهم وكانهم خمس ايام عسل بجد زى ما قال فارس
خروج وهزار وضحك ولعب قربوا من بعض اكتر حسوا ببعض الحب اللى جواهم زاد ووصلوا لمرحله مش قادرين
الاتنين ستغنوا عن بعض فكرت شذى بعد ما اتاكدت ان البعد عن اسر موت بالنسبه ليها
انها تقوله ع الحقيقه يمكن يتقبلها وتفضل جانبه طول العمر
لانها مش هتقدر تختفى فجاه بعد ما تخلصوا من اللى ممكن يحصله
اما اسر فكان زى المسحور اللى مش بيفكر غير ف شذى وبس لما بيبقى قاعد لوحده بيفتكرها ويبتسم قرر
انه يعترف بحبه ليها وهيبقى اسعد انسان لو هى كمان بتبادله نفس الشعور فكر وقرر انه هيقولها اول
مايرجعوا القاهرة
وف الخمس ايام دول كانت سلمى جانب جاسر وبتهتم بيه وهو مبسوط اوى بوجودها جانبه
وهو كمان حس ان هيبقى صعب اوى يبعد عنها
وصعب يضيعها من ايده بعد مالاقاها
دعى ربنا ان يحصل اى حاجه
علشان تاجل الطلاق ويبقى جانبها اكتر
واتمنى من ربنا انها تحس بيه وتحبه
وه كانت كل يوم بتلاقى فيه الانسان الطيب الجدع الحنين
لقت فيه حاجات كتير اوى تقربه منها
حاجات خلتها تحس انها مش عايزة تتطلق زى ما كانت عايزة ف الاول
كانت بتفكر مع نفسها وتحس انها مش عايزاه يسافر كانت بتقول لنفسها ليه
مش معقول تكون حبته
ممكن تكون اتعودت انه يبقى جانبها
وف نهايه تفكير كل مرة بتقول لنفسها
اكيد لو كان ف وقت غير دا كانت حبته
وكانت بتستسلم ان كلها كام يوم ويسافر
ويسبها وهى هتبقى لوحدها
صحيح فارس واسر معاها مش هيسبوها
بس هتحس بفراغ كبير بعد ما يسافر
وكمان مش معاها هشام اللى كان محلى دنيتها
كانت بتضايق لما تفتكر الوحده اللى مستنياها بس كانت بتصبر نفسها بانها هترجع لشغلها ولحياتها المستقيمه اللى من غير مشاكل تانى
اما ياسر فكان اول يومين بيتطمن على صحه علا ولما بقت كويسه ماتصلش بيها بيها تانى وهى كانت متضايقه اوى وافتكرت كلامه لما قال انه هيتجوز وبيحب واحده ولما بطل يتصل بيها قالت يبقى اكيد مكنش بيهزر قضت 3 ايام ف قلق وتعصب وزهق مكنتش طايقه اى حاجه
وكان نفسها تسمع صوته وتكلمه بس كبريائها منعها
اما هدى وحسام بقى فكانوا ف دنيا تانيه لوحدهم مشغولين ف الشقه ومستعجلين جدا ماصدقوا لقوا بعض وعايزين يكملوا اللى باقى من عمرهم سوا
كل يوم بينزلوا ومفيش حاجه بتعطلهم
ولا ف حاجه بتشغلهم غير تفكيرهم ف بعض
اما بالنسبه لملك وياسر فعدى عليهم الخمس ايام دول ف هدوء ورومانسيه فظيعه
حبهم كل يوم بيزيد
ومستنين اليوم اللى هيعشيشوا لوحدهم مع بعض ويشاركوا بعض
كل حاجه حتى النفس اللى بيتنفسوه
اخر يوم وشذى واسر راجعين كانوا بيتمشوا على ما ميعاد الباص يجى
بصت شذى على شجرة ع الطريق لقت متعلق فيها قلب احمر صغير وف النص مكتوب بالابيض
اعشقك
من استغربها صوتها على وبتقول لاسر
الله بص
بص اسر ولقى القلب فمد ايده وجابه
وقال
حلو اوى
شذى: اكيد واحد حطه هنا لحبيبته علشان يبقى ف زكرى ف المكان
اسر:ممكن
تفكرى اسيبه مكانه ولا اخده
شذى:تاخده
تاخده ليه
لا سيبه مكانه
اسر:مش يمكن القلب دا عايز يقةل اللى مش عارف اقوله
شذى:............
اسر:لو فتحتى قلبى هتلاقى الكلمه دى جواه
شذى:........
اسر:شايفاه؟
شذى:خد القلب ورجعه مكانه وخلينا نمشى يلا علشان مش نتاخر على الباص
اسر:استنى
شذى:.........
اسر:عايز اسمع ردك
تقبلى بقلبى بين ايدك زى القلب اللى ف ايدك دا ولا لا
شذى:.......
اسر:انا عارف انى فجاتك
بس صدقينى انا مش عارف ايه اللى حصلى
بس مش قادر استنى اكتر من كده ولااخبى اكتر من كده
نور انا بحبك
حاسس ناحيتك باحساس عمرى ماحسيته
انا بعشقك
اتصدمت شذى ومكنتش عارفه ترد جه بالها شذى الصحفيه اللى بيكرها شذى اللى كدبت عليه ودخلت حياته علشان مصلحتها
جه قدامها كل حاجه وحشه عملتهاله وكل كلمه قالها عليها وايه ممكن يكون شايفه فيها
مكنتش عارفه تصراحه بحبها ولا تسكت لانه حب نور
نور السكرتيرة البنت اللى شغلها عنده واكرمها
محبش شذى القويه الصحفيه اللى محدش بيهمها ولا بتفكر ف حد
اسر كان مستنى الرد وياس لما طولت ف التفكير وتعبير وشها اتغير للحاله السيئه
حس انه استعجل وانها مش حاسه ناحيته باى حاجه
فقال
هاتى القلب ارجعه مكانه وانسى اللى قلته
بصتله شذى بنظرو مكسورة ولقت نفسها بتقول
القلب ف مكانه
وحطته ف الشنطه وقالت
هو كده ف امان
مكنش مصدق نفسه اسر وقال بصوت كله فرح وطاقه
يعنى قبلتى بقلبى معاكى
قولى كده تانى
قولى انك قبلتى حبى
شذى:انا مش قبلت حبك
اسر: حزينة حزينة حزينة
شذى:اسر انا
بحبك
مكنش مصدق اللى سمعه وكان زى المجنون وقال
ايه
قلتى ايه
نور بجد انتى بتحبينى زى ما بحبك
ميلت براسها ان كلامه صحيح بس فاقت لنفسها وقالت
انا قبلت بقلبك يكون معايا وانا كمان هديلك قلبى بين ايديك بس ف حاجات انت متعرفهاش لازم تعرفها الاول
وتقرر اذا كنت هتقبل بقلبى
ولا مكتبوله يعيش ف وحده
اسر:انا مش عايز اعرف حاجه
انا يهمنى انتى يهمنى نور اللى رعفتها
وقلبك معايا هيبقى ف امان صدقينى
شذى:ماتستعجلش
اسر:.......
شذى:خلى كل حاجه فوقتها
يلا بينا بقى علشان الباص مش يفوتنا
اسر:يلا بينا
بس بصى
شذى:........
اسر:لحد ما اعرف اللى عايزانى ارعفه
قلبى معاكى
حاولى تحافظى عليه
شذى:..........
اسر:يلا بينا
راحوا الاتنين بسرعه ع الباص وركبوا وطول االطريق شذى ساكته واسر بيبص عليها لحد ما وصلوا القاهرة وراحو على طول ع البيت سلموا على ملك وفارس اللى كان مستنيهم وخالته وقالت خالته
حمد الله ع السلامه
وحشتنى اوى يا اسر
اسر:انتوا كمان كلكم وحشنى
صحتك عامله ايه دلوقت
خالته:الحمد لله كويسه
فارس:ايه ياعم الروقان دا
قضت خمس ايام طبعا بالعمر كله
الله يسهلوا
اسر:وحشنى لسانك الطويل والله
فارس:وانت كمان وحشتنى والمزة كمان وحشتنى
ملك:.......
فارس:اقصد المزة وحشت ملك
ملك: ( حزينة
فارس:اقصد نور وحشت البيت
اسر:ههههههههههههه
شذى:ههههههههههه
ملك:طيب اوعى كده اما اسلم ع المزة
حضنتها وبستها وقالت
وحشنيى جدا والله
البيت وحش من غيرك
شذى:انتى كمان وحشتنيى ااوى
فارس:طيب يلا بقى ناكل اكيد جعانين
عملتلكم اكل بقى هتاكلوا صوابعكم وراه
ملك:والله؟؟!!!!
انت اللى عملتلهم
فارس:انا وانتى ايه يا حياتى؟
ملك: ابتسامة ابتسامة
اسر:هياكل بعقل البت حلاوة
بطل بقى
تسلم ايدك مقدما يا ملوك
راحوا قعدوا ع السفرة وكلوا ولما خلصوا قالت شذى
هطلع انا بقى ارتاح ف اوضتى
ميرسى ع الاكل الجميل دا
ملك:طيب ماتيجى ترتاحى ف اوضتى
شذى:لا هطلع ارتاح فوق احسن وانام علشان ف شغل كتير بكرة
اسر:لو مش قادرة بلاش تروحى بكرة الشركه
شذى:لا كفايه دلع بقى
انا هطلع انام وبكرة ان شاء الله اكون فايقه
طلعت شذى على الشقه حطت شنطتها واخدت دش ونامت ع السرير وكانت بتفكر
اازاى قالت كده لاسر
اازى اعترفت بحبها وهو بيقولها انا بحب نور
حست انها ندمانه
حست انها حقيرة اوى بسبب اللى كانت جايه علشانه وممكن دا يكون عقاب من ربنا
ان اسر يكون بين ايدها وبيحبها زى ما بتحبه ويضيع منها اول مايعرف الحقيقه
حاولت تدى لنفسها امل انه يسامحها وتعيش جانبه باقى عمرها ومن التعب نامت ومحستش بنفسها
واسر كمان دخل اخد دش واترمى ع السرير يتكر شذى وهى بتقوله بحبك وبيفتكر كل حاجه حلوة حسها ناحيتها لحد ما نام هو كمان من التعب
تانى يوم اول ما صحى من النوم اتصل بشذى
اسر:انا قلت اصبح عليكى
شذى:صباح النور
اسر:صباح الجمال على عيون القمر
شذى : :
