شذى : ابتسامة
قادره تنزلى الشركه ولا ترتاحى احسن
اسر:لا انا كويسه هلبس اهو وهنزل
اسر:ماشى براحتك
خلصى وانزلى خبطى علشان ننزل سوا
شذى:ماشى
قفلت معاها قامت اخدت شاور ولبست ونزلت خبطت عليه كان فطر معاهم وخلص
وفارس كمان كان نازل معاهم فقال
معلش بقى هبقى عزول لحد تحت بس هسيبكم مع بعض واروح انا الصيدليه
اسر:بطل يا ولا
فارس:ههههههههههههه
ماشى يلا سلام
نزل فارس وراح الصيدليه وهما راحوا ع الشركه قابلوا ياسر كان بيركن عربيته سلم عليه وقالهم حمد الله ع السلامه
وطلع معاهم على مكتبه ودخل هو مكتبه واسر دخل مكتبه علشان يظبط كل حاجه كانت متاجله وشذى كانت برا بتجهز البوسطى وبتشوف المواعيد
فضلوا يشتغلوا لحد الساعه 11 ودخله ياسر يكمل معاه شغل وقاله انه ظبط الصفقه بتاعت لندن
ومستنينه يسافر اسر:خلاص تمام كده
احجزلى بقى طيارة على يوم الخميس كده
ياسر:يوم الخميس
احنا لسه السبت
اسر:ماهو زى ما انت شايف ف شغل كتير هنا ماينفعش اسافر قبل كده
ياسر:ملكش دعوة انت بشغل هنا انا هخلص كل حاجه
الناس مستعجله
اسر:مستعجلين على ايه
المفروض صفقه زى دى احنا اللى نستعجل والا يبقى ف حاجه احنا مش عارفينها
ياسر:ودى تفوت عليا ما انت عارف انا شكاك قد ايه
بس اتطمن انا اتاكدت من كل حاجه
اسر:خلاص ياا ياسر عارف انك زنان
اتصل بس بالمطار وظبط كل حاجه وانا يا سيدى موافق
ياسر:انت مالك كده
اسر:مالى ف ايه
ياسر:صحيح كنت ف اجازة وراجع مبسوط
بس حاسك غريب مش حكايه اجازة وريحت اعصابك ودماغك
اسر:هههههههههههههههههه
طول عمرك بتفهمنى من غير ما اتكلم
ياسر:طيب اتكلم بقى علشان عايز اعرف
حكاله ياسر ع اللى حصل فاتضايق ياسر ف الاول وقال
انت استعجلت يا اسر
استعجلت اوى
اسر:استعجلت ايه
انا ماصدقت لقتها ولقيت نفسى
انت عارف انا عندى كام سنه انت اكتر واحد عارف انا معشتش حياتى اللى المفروض اعيشها
عايزنى لما الاقى البنت اللى بتمناها واللى معاها بحس بمعنى الحياة اسيبها
ولا حتى استنى
لا يا ياسر انت غلطان
وانا مش ممكن كنت اجل اكتر من كده
ياسر:انا فاهم كل اللى بتقوله انا بتكلم على نور
احنا منعرفهاش
اسر:انا مش عايز اعرف حاجه انا عارف نور
نور اللى قدامى
هى دى اللى تهمنى
ياسر:خلاص طالما انت مبسوط
انا مش هقدر اقولك حاجه
انت عارف انا كان نفسى قد ايه انك تبقى مبسوط وتلاقى البنت اللى تحبها وتقضى حياتك معاها
ومبرووووووووووووووووووووووووك ياعم
وياترب تبقى زى ما انت عايز
اسر:الله يبارك فيك
عقبال ما تعترف لعلا انت كمان بحبك
ياسر:هيحصل يا وحش
انتم السابقون ونحن اللاحقون
اسر:لاحقون امتى بس
ياسر:انهارده
اسر:طيب يا مسهل
خلينا نخلص منك انت كمان
ياسر:هههههههههههه انا نفسى اخلص قبل منك
يلا اسيبك بقى تشتغل واروح اكمل شغل واشوف هتسافر امتى
اسر:ماشى وابعتلى نور
ياسر:احنا مش هنشتغل بقى
وهنفتحها غراميات
اسر:هههههههههههههههههه
لا عايزها ف شغل
ياسر:شغل اه
ما انا عارف انه شغل
اسر:ههههههههههههههه
ياسر:انا خارج
وهبعتلك المزة
خرج ياسر وبص لشذى وقال بخبث
اسر عاوزك
اتكسفت شذى وقالت
حاضر
خرج هو راح على مكتبه وهى دخلت مكتب اسر فقالت
حضرتك طلبتنى؟
اسر:حضرتك؟!!!
انتى اول مرة تقوليلى حضرتك
دا انتى كنتى بتقوليلى اسر بس
شذى:لا ماهو انا فهمت الشغل بقى
ابتسم اسر وقال
لا انا مش عايزك تفهمى حاجه
عايزك كده نور العفويه البريئه
شذى: ابتسامة ابتسامة
اسر:تعالى بقى حضرتك علشان عايز اشوف المواعيد علشان حاسس ان كل حاجه متلغبطه
شذى:لا مافيش لغبطه الحمد لله
قعدت جانبه وقرتله المواعيد بعد كمما ظبطت كل حاجه فقال
انا مش عارف من غيرك اعمل ايه
شذى:احم احم
انا هروح بقى ع مكتبى ولو احتجت حاجه ابعتلى
اسر:طيب استنى بس عايز اشبع منك
شذى:اسر بيه
انا ورايا شغل عن اذنك
اسر:هههههههههههههههههه
خرجت شذى وهى بتضحك ومبسوطه وتايهه ف دنيا تانيه نسيت كل حاجه ومش حاسه غير بفرح بيدخل قلبها
وعقلها ومخليها مش عايزة تفكر ف بكرة قعدت ع الكرسى وهى مسهمه ومبسوطه وكملت شغل بنشاط وطاقه والساعه واحده خرج اسر من مكتبه وقال
يلا بقى يا انسه نور علشان نروح ناكل
شذى:تحت امرك يا جناب المسؤل
اسر:حلوة جناب المسؤل دى
احم يلا ورايا
اخدت شنطتها وطلعت معاها وهما نازلين قابلوا ياسر خارج هو كمان فقال ياسر
يا محاسن الصدف الصبح ودلوقت
انتوا ايه رايحين تاكلوا
اسر:اه تيجى معانا
ياسر:اجى معاكم بردو
لا انا رايح مشوار كده مهم
غمز اسر وقال
مشوار مهم
طيب ربنا يسهلك
مشى ياسر وبص اسر لشذى وقال
تعالى نتمشى لحد ما نوصل بلاش نركب انهارده
شذى:بس كده هنتاخر احنا ورانا شغل كتير
اسر:لا ماتخفيش
شذى:خلاص اللى تشوفه
اسر:بصى انا اسعد انسان ف الدنيا علشان لقيتك
شذى:............
اسر:انا خايف تضيعى من ايدى
مش عارف ليه حاسس ان ف حاجه ممكن تفرقنا علشان كده عايز احارب اى حاجه واقطع اى حاجه ممكن تفرقنا
شذى:............
اسر:نور لو بتحبينى بجد خلينا نتجوز على طول
شذى:..............
اسر:ايه
رجعتى ف كلامك
شذى:لا
بس.........
اسر:بس ايه
نور انا عايز اعرف ف ايه
مالك
موت باباكى ماثر عليكى عارف
بس مش موت باباكى السبب ف النظرة اللى شايفها دى
انتى قلتى هتقولى كل حاجه
انا عايز اسمعك
شذى:بلاش دلوقت
ارجوك اجل الكلام ف الموضوع دا شويه
اسر:شويه قد ايه
ف ايه مخبياه عليا
صدقينى هتقبل كل حاجه بس قولى
نور انا عايز اعرف اخر للى انا فيه
كلام اسر اثر ف شذى وكانت هتعيط والدموع ف عينها فبصلها اسر بحنيه وقلبه وجعه وقال
مش عايز ابدا اشوف نظرة الحزن دى ف عينك
انا اسف لو ضغطت عليكى بكلامى
سامحينى
شذى:...........
انا هسيبك على راحتك وكمان عندك فرصه انا مسافر كام يوم لندن تقدرى تفكرى براحتك من غير ضغط وبعدها اللى هتقوليه انا هوافق عليه
شذى:مسافر امتى؟
اسر:لسه ياسر هيشوف الحجز
شذى:مش المفروض انا اشوف الكلام دا
اسر:اه بس هو اللى مكلم الناس ومظبط الصفقه وهما مستعجلين فقال هو هيشوف حوار السفر دا
شذى:طيب هو لسه هيحجز يعنى
اسر:اه
مالك اتوترتى كده ليه
شذى:لا
مافيش
بس علشان هتسافر يعنى وتسيبنى
اسر:تيجى معايا؟
شذى:اجى معاك فين؟
مش هينفع
انت رايح ف شغل
اسر:ماهوانتى شغاله معايا
حتى تساعدينى هناك
شذى:ايه دا
انت بتضحك عليا
عمرك شفت حد بيسافر وياخد السكرتيرة معاه
اسر:لا
بس عمرك انتى شفتى حد بيسافر ويسيب قلبه
شذى: ابتسامة ابتسامة
احم احم
وصلنا
مش هندخل ناكل بقى ابتسامة
اسر:ههههههههه
لا هندخل
يلا بينا
دخلوا طلبوا اكل واكلوا
ياسر راح فجاه على بيت عمه من غير ما يتصل بعلا فلما راح سلم على مرات عمه وسالها على علا فقالت
علا يابنى من الصبح ف الجامعه ياسر:ف الجامعه
طيب هى هترجع امتى
مرات عمه:مش عارفه
ما تتصل بيها
ولا تليفونها مقفول
ياسر:لا مجربتش اتصل
طيب ممكن يا طنط معلش تتصلى بيها تشوفيها هترجع امتى
بس بصى
ماتقوليلهاش انى مستنيها
استغربت مرات عمه وقالت
مع انى مش فاهمه حاجه بس ماشى
جابت الفون اتصلت بعلا فقالت
ايوة يا ماما انا هتاخر شويه هقابل العميد الساعه 3 وهخلص معاه وهاجى
مامتها:طيب يابنتى خلى بالك من نفسك
قفلت معاها وقالت لياسر فقال
متشكر جدا يا طنط
استاذن انا علشان انزل
مرات عمه:تنزل ايه استنى بس اشرب حاجه
ياسر:متشكرا جدا يا طنط لما اجى تانى شربينى اللى انتى عايزاه
مرات عمه:ماشى اما نشوف هسيبك بس علشان شكلك مستعجل
ربنا يوفقك
ياسر:ربنا يخليكى
نزل ياسر ركب عربيته وراح على طول ع الجامعه وهو رايح اشترى
ورد وحطه ف العربيه واشترى عسليه وحطها ع الكنبه اللى ورا ودخل الجامعه وركن العربيه ووقف كانت الساعه بقت 3 الا ربع اتصل بحسام وطلب منه نمرة هدى فقال
عايز نمرتها ليه
حسام:ياعم براحه مش هعلقها منك
بس عايزها علشان تكلم علا تخليها تيجى ف المكان اللى انا فيه
حسام:انا مش فاهم حاجه
ياسر:احسن
هات نمرتها واخلص وانا لما ارجع هفهمك
حسام:ونمرتها ليه ماهى اصلا معايا
ياسر:معاك وعمال ترغى
طيب هاتها يلا
حسام:قول عايز منها ايه وانا اقولها
ياسر:حسام اخلص
حسام:طيب ماتطولش
ادى الفون لهدى وقال ياسر عايز يكلمك
استغربت هدى واخدت الفون سلمت عليه وقال ياسر
معلش احنا مافيش بنا كلام ولا عشم انى اطلب منك طلب
هدى:لا عادى ولا يهمك
ف حاجه ممكن اعملها
ياسر:الحقيقه اه
انا هنا ف الكليه عند علا ومش عارف هعرف اشوفها ولا لا خايف تطلع من بابا تانى
ومش عايزها تعرف انى تحت فلو ممكن تكلميها على انك هتجلها هنا عند قاعه المؤتمرات
علشان لما تهخلص تيجى
هدى:طيب ماشى انا هكلمه على طول اهو
ياسؤ:متشكر جدا
مش عارف اقولك ايه
هدى:ولا يهمك
خد حسام معاك اهو
ادت الفون لحسام فقال
خلاص كلمتها وطلبت منها
اى خدمه تانى حضرتك
ياسر:لا يا خويا شكرا
سلام بقى علشان اسيبك مع الجو
حسام:سلام
قفل معاه وكانت هدى بتتصل بعلا وقالتلها انها هتجلها عند قاعه المؤتمرات تستناها هناك
******************
سلمى من بدرى كانت صاحيه بعد ما كلمت اسر وقالتله انها جت من الساحل وهتيجى تشوفه بعد ما جه من شرم لانه وحشها جدا ودخلت اتطمنت على جاسر وقالتله انها هتروح تشوفهم ف البيت لانهم وحشوها
جاسر:ماشى ولو عايزة تباتى هناك باتى
سلمى:لا انا هروح بعد العصر وهرجع بالليل
علشان مش ينفع تقعد لوحدك علشان لو احتجت حاجه
جاسر:لا ملكيش دعوة بيا انا كويس
المهم انتى
سلمى:لا انا هروح وارجع ان شاء الله
جاسر:ترجعى بالسلامه
سلمى:الله يسلمك
انا هروح اعملك الفطار
راحت سلمى عملت الفطار وقعدت اكلت معاه ولما خلصت شالت الاكل وادته الدوا فقال
مش عارف لما اسافر مين هيهتم بيا كده
سلمى:............
قطع كلامهم اتصال لجاسر لما رد عرف ان هشام لسه مش عارفين يوصلوله
فقفل وهو متعصب وقال
لازم يلاقوة لازم
سلمى:هو مين دا
جاسر:هشام
لازم يلاقوة ويتحاسب
سلمى:طيب ما تنرفزش نفسك علشان الجرح
جاسر:انا عايز اديلك حريتك واسافر
بس طول ماهو حر كده انا مش هقدر اسيبك
سلمى:............
انا مش عايزاك تشغل دماغك بيا
انا اقدر اهتم بنفسى واخواتى كمان موجودين ربنا يخليهوملى
جاسر:مش هتطمن عليكى حتى لو معاكى الدنيا كلها
سلمى:............
عموما انا مش هسكت غير لما يتحبس ع اللى عمله دا
سلمى:طيب
انا هقوم ادخل اوضتى لو احتجت حاجه انا صاحيه
حس جاسر ان سلمى اتضايقت لما اتكلم عن هشام فاتضايق علشان حس انها لسه بتحبه
وكان غيران واتخنق جدا فاخد العكاز بتاعه وكنا نازل ع الجنينه فسمعت صوت العكاز فخرجت لقته فقالت
انت رايح فين
جاسر:نازل الجنينه
سلمى:طيب ماقولتليش ليه اساعدك
جاسر:لا متشكر
ادخلى انتى
انا هعرف اهتم بنفسى
سلمى:..........
حست سلمى انه متضايق واسلوبه خشن مكنتش عارفه السبب وفضلت واقفه لغايه مانزل الجنينه ودخلت اوضتها تفكر مع نفسها فلقت فارس بيتصل بيها ويتطمن عليها ويسالها هترجع امتى فقالت
انا رجعت امبارح وهجلكم انهارده ان شاء الله
فارس:جيتى امبارح وماقولتيش ليه كنت جتلك
سلمى:انا جيت متاخر
عموما انا جيلكم بعد العصر
عايزاك تبقى موجود مش تقولى سهران مع اصحابك
فارس:اصحاب ايه بقى
دا انا بقيت اعجبك اوى وبروح الشغل الصبح وحاجه اخر حلاوة
سلمى:بجد
ودا من ايه دا
فارس ربنا هداه معقول
فارس:دا هداه بالاوى
لما تيجى بقى احكيلك كل حاجه
العصر هبقى ف البيت مستنيكى
سلمى:ماشى يا حبيبى
فارس:ماشى يا سلوم
عايزة حاجه
سلمى:سلامتك
قفلت واتبسطت اوى انه اتغير وكانت متلهفه تعرف ايه الحكايه
قعدت شويه ف الاوضه وحست انها عايزة تنزل لجاسر فنزلت لقته قاعد سرحان ف الحنينه ع الكرسى
فمرضيتش تقطع تفكيرة وفضلت واقفه تبص عليه من بعيد وشويه لقت تليفونها بيرن ردت لقت هشام بيقول
ارجوكى ماتقفليش السكه
اتصدمت سلمى ومكنتش عارفه تعمل ايه ولا مركزة فقال
ارجوكى اسمعينى بس وبعدها اعملى اللى تعمليه
سلمى:انت عايز منى ايه تانىهشام:عايزك تسامحينى
انا مش عارف عملت كده ازاى
سلمى:عملت كده علشان انت انسان زباله وانا كنت مخدوعه فيك
هشام:معاكى حق تقولى اى حاجه انا زباله وحيوان وكل حاجه بس والله بحبك
سلمى:ماتحلفش
وماتقولش الكلمه دى تانى
علشان مش هصدقها
صدقتها كتير زمان وكنت غبيه
هشام:انا مش هنكر انى كنت طمعان ف اللى عندك بس دا مايمنعش انى حبيتك بجد
كنت عايز اكسسب كل حاجه بس خسرت كل حاجه
كنت فاكر ان الخسارة الكبيرة هى عز اسر بس لقيت ان خسرتى ليككى اكبر خسارة
سلمى........................
ليكى حق ماتصدقيش بعد اللى حصل بس انا كنت زى المجنون
مش قادر اتصور ان جاسر اخدك منى
اخد سمسمة قلبى
وانا واقف مش عارف اعمل ايه
سلمى:..............
هشام:انا عارف انك بتحبينى زى ما بحبك وعارف انك هتحسى بكلامى
سلمى انا عايزك ومش عايز اى حاجه من فلوس اسر ولا هيبقى ليا اى علاقه بحاجه تخصه
هاخدك ونسافر لندن زى ما كنت بحلم هعملك كل حاجه من مجهودى انا ونعيش انا وانتى وبس
نعمل دنيا من خيالنا
انا مش عايز حاجه غير سلمى
سلمى وبس
سلمى:.............
هشام:انتى حاسه بيا يا سلمى
حاسه بقلبى اللى بيتقطع كل ما يفتكر انك مع حد تانى
سلمى:انا مش حاسه بحاجه غير انى اتخدعت فيك
هشام:والله بحبك
وهعمل اى حاجه تضمنلك انى بحبك ومش عايز حاجه تانيه بس ارجعيلى
سلمى:ارجعلك ايه
انا متجوزة
سلمى:عارف
بس متاكد انك مبتحبهوش وبتحبينى
ومتاكد كمان انكم عايشين مع بعض اغراب
سلمى:..........
هشام:اطلبى منه الطلاق وهو هيطلقك اكيد
بعد اللى حصل وبعد ما افتكر انه انتقم منى
سلمى:انا مش هصدقك تانى
هشام:اسالى قلبك وهو هيقولك ع الحقيقه
سلمى:قلبى دا انت موته
مابقاش يحس باى حاجه
ولا حلوة ولا وحشه
هشام:ارجوكى يا سلمى ماتدمرنيش
انا من غيرك مش قادر اعيش
سلمى:وانا بيك هموت
هشام:طيب انا هسيبك دلوقت تفكرى ف كلامى
وواثق ان سلمى اللى حبتها هتصدقنى وهترجعلى تانى تحينى
سلمى..........
قف هشام ووقفت سرحانه واتخضت من جاسر جانبها بيقول
كنتى بتكلمى مين
سلمى:جاسر
كنت بكلم
فارس
كنت بكلم فارس علشان يبقى ف البيت العصر
حس جاسر انها بتكدب
فقال
فارس
طيب كويس
انا طالع اوضتى
سلمى:اساعدك ف حاجه
جاسر:لا متشكر
طلع على اوضته وهى اتمشت ف الجنينه شويه وكان بيبص عليها من شباك الاوضه ولاحظ انها بتفكر ومحتارة ف حاجه
وتعب من الوقفه فقعد وهى شويه وطلعت اوضتها
حست انها مخنوقه وعايزة تلف بالعربيه شويه فدلخت لجاسر وقالتله
انا مخنوقه هنزل اتمشى بالعربيه شويه بعدين اروح عندنا
جاسر:هتنزلى لوحدك؟
سلمى:اه عادى
جاسر:اشمعنا يعنى دلوقت عايزة تلفى بالعربيه؟
سلمى:قصدك ايه؟
جاسر:لا مفيش
عموما مش هينفع تنزلى لوحدك
كلمى اسر ولا فارس يجوا ياخدوكى
سلمى:بقولك مخنوقه هلف بالعربيه الاول وبعدين هما عندهم شغل
جاسر:خلاص يبقى تستنى ولو مخنوقه اتمشى ف الجنينه لحد العصر وخلى حد يجى ياخدك
سلمى:جاسر بقولك مخنوقه عايزة الف بالعربيه
حاول جاسر يتمالك اعصابه وحس انه هيضايقها واتعصب من غير سبب فقال
طيب
اللى يريحك بس خلى بالك من تليفونك علشان هكلمك
كل شويه اتطمن عليكى
سلمى:ماشى
عن اذنك
جاسر:اتفضلىى
دخلت اوضتها تلبس ونزلت لفت بالعربيه ولقت هشام بيتصل بيها تانى كانت متردده ترد
وف الاخر ردت فقال
قلبى كان حاسس انك هتردى علشان اللى ف قلبى اكيد وصل لقلبك
سلمى:.........
هشام:وربنا بحبك
بحبك بحك بحبك
انتى وحشتينى اوى عايز اشوفك
بس مش عارف اتحرق بسبب لاغ جاسر
سلمى:لا بسبب اللى عملته
هشام:انا مكنتش بعقلى
كنت زى المجنون
حطى نفسك مكانى
حب عمرك وقلبك مع حد تانى
هتعملى ايه
انا مكنتش اتخيل ان دا يحصل بس غصب عنى
سامحينى
ان شاء الله الموضوع دا يتحل ووالبلاغ يتشال واقدر اشوفك واقولك كل اللى جوايا
لقت سلمى جاسر بيرن فقالت
انا بسوق دلوقت يا هشام هقفل
هشام:ماشى لما تفضى كلمينى انتى وحشانى اوى
سلمى:ماشى
قفلت معاه وردت على جاسر اول ما اتكلم قال
كنتى بتكلمينى
فارس بردو
سلمى:لا مش فارس
جاسر:امال مين
سلمى:كنت بكلم نور
جاسر:نور مين
جاسر:نور السكرتيرة بتاعه اسر
جاسر:ايه دا انتوا بقيتوا اصحاب
سلمى:اه على فكرة ساعدتنى كتير وانت ف المستشفى
جاسر:والله
طيب كويس
المهم
انتى فين دلوقت
سلمى:انا لسه بلف بالعربيه
جاسر:ماشى
خدى بالك من نفسك
سلام
قفل معاها وهو حاسس انها بتكدب واتعصب جدا وحاول يهدى نفسه وشغل التلفزيون يتفرج على فيلم
365يوم سعاده
بعد مالفت سلمى بالعربيه راحت على البيت لقت ملك هناك وخالته سلمت عليهم وخضنتهم كانوا وحشنها اوى وقالت
والله وحشنى اوى
عامله ايه يا خالتو
انا عارفه انى مقصرة جدا معاكى
سامحينى
خالتها:ولا يهمك
المهم انتى عامله ايه
وايه اللى انتى عملتيه ف نفسك دا
سلمى:ماتقلقيش عليا يا خالتوا انا كويسه ومبسوطه جدا كمان
ملك:طيب تعالى بقى اقعدى واحكيلى الحكايه من الاول
انا مش قادرة استوعب ولا افهم حاجه
سلمى:لالا انا تعبانه ومش قادرة احكى اى حاجه دلوقت
اهدوا عليا بس وقوليلى انتوا ايه اخباركم الاول بعدين ابقى اجى يوم كده ابات فيه واحكليك كل حاجه
ملك:صحصح ما تباتى انهارده
سلمى:مش هينفع
جاسر تعبان ولازم ابقى موجوده ف البيت
ملك:الف سلامه
خالته:تعبان ماله بعد الشر
سلمى:مافيش عمل حادثة بسيطه كده لما كنا ف الساحل
خالتها:حادثه
حادثة ايه
وهو عامل ايه
سلمى:كويس الحمد لله اتطمنى
خالتها:الحمد لله
ملك:طيب خلاص هسيبك انهارده بس اول ما يخف لازم تيجى
سلمى:ان شاء الله
امال فين فارس
ملك:لسه مجاش
استنى اتصل بيه اقوله انك هنا هيتبسط اوى
سلمى:المعفن دا انا مكلماه وقالى هيبقى موجود وهيستنانى
ملك:هتلاقيه ف الطريق
وهى بتتكلم لقت فارس داخل عليها فقالت
اهو جه اهو
فارس:سلووووووووووووم
وحشتينى يابت يخربيت كده
سلمى:وانت كمان وحشتنى اوى
فارس:ورينى كده اشوفك خسانه ولا تخنانه
سلمى:احترم نفسك
فارس:هههههههههههه وحشتنى تهزيقك والله
عامله ايه
سلمى:كويسه الحمد لله
انت عامل ايه وايه حكايه الهدايه بتاعتك دى
انا مش مصدقه
فارس:ههههههههههههه لا صدقى
بص لملك وعمز وقال
كله يهون علشان الجميل يتبسط
ساتغربت سلمى وقالت جميل ايه ويهون ايه
انا مش فاهمه حاجه
تعالى كده اقعد وفهمنى
قالها فارس انه بيحب ملك وحكهالها كل حاجه فضحكت وقالت
شفت انا كنت بقولك شكلك هتقع ف اربيزها
خالته:ههههههههههههه معاكى حق ياسلمى
فارس:يلا بقى قلت اخد فيها ثواب بدل ما تعنس
ملك:لا والله
فارس:هههههههه دا انت اللى ف القلب يا ولا
ملك:هههههههههههههه
سلمى:طيب يا سى روميو خلينا نكلم اسر نشوفه فين
دخل اسر من الباب وقال اسر اهو
سلمى:حبيبى
اسر:وحشتينى وحشتينى وحشتينى
سلمى:وانت كمان والله كلكم وحشتونى اوى
ووحشتنى لمتنا كلنا
اسركربنا يدومها علينا
ملك:طيب اقعدوا بقى واطلبولنا اكل لانى معملتش حسابى
فارس:طيب ماتيجى ناكل برا
سلمى:لا انا وحشنى البيت خلينا هنا
اسر:اه اطلبلنا اكل
ع البيت
اتصل فارس وطلب اكل وقعدوا مع بعض يتكلموا كلهم ويهزروا وكانوا مبسوطين اوى
**************
اما ياسر اللى كانو واقف مستنى علا شافها جايه من بعيد فاستخبى ورا العربيه وهى فضلت تبص على هدى
ووقفت تسنى قربت منها بنت وادتها ورقه وقالت
ف حد قالى اديلك الورقه دى
علا:حد مين
البنت:مش عارفه واحد ادهالى اديهالك ومشى
فتحت علا الورقه لقت مكتوب فيها
(تتجوزينى)
استغربت علا وخافت وفضلت تتلفت حويلها ملقتش حد فمسكت موبايلها تتصل بهدى
لقت حد من وراها بيقول
تتجوزينى
لفت وشها لقت ياسر
اتصدمت واتبسطت واندهشت وكل حاجه ف وقت واحد مكنتش عارفه تتكلم
علا:.............
ياسر:قولى اه
او لا
مش عايز اكتر من كده
علا:.........
