ياسر لما روح البيت لقى حسام لسه راجع كان مع هدى بيفرشو الشقه فقال
والله يابنى انت دماغ محدش قدك
حسام:دماغ ايه بس ادينى بحاول اعيش اللى فاتنى
عقبال ما ارجع لشغلى بقى
ياسر:معلش انا عارف اننا اتاخرنا عليك بس زى ما انت شايف كل شويه تيجى حاجه
تعطلنا
حسام:انا عارف ولا يهمك
ربنا يعدى الايام على خير
ياسر:يارب
بقولك يا حسام
حسام:نعم
ياسر:ولا اقولك خلاص
حسام:غ ايه يابنى قول
ياسر:لا خلاص كان ف حاجه كده بس خلاص تمام يعنى
حسام:خلاص براحتك
انا هدخل اريح شويه علشان نازل بالليل اتعشى انا وهدى
ياسر:ياسيدى ع الروقان
اما اتصل انا كمان بعلا احسن مكلمتهاش خالص انهارده
اتصل بعلا قعدوا يتكلموا شويه وقفل معاها قعد شويه يشتغل ف المكتب وبعدين دخل نام
تانى يوم راح ياسر على الشركه ودخل لاسر وقاله
هى نور اسمها نور ايه؟
اسر:بتسال ليه؟
ياسر:اصل انت قلت انها بتخلص ورق فقلت اساعدها
اكلم استاذ حسين يشوفلها الموضوع دا
اسر:ما انا قلتلها اساعدها قالت انها هتخلص كل حاجه
ياسر:ياسيدى ما انت عارف البنات بيقولوا نعتمد ع نفسنا
وكلام كتير كده وف الاخر لازم احنا نساعدهم
اسر:معاك حق
اسمها نور على الاسمر
ياسر:تمام
بقولك
اسر:ايه؟
ماتقلهاش بقى انى هساعدها لما اشوف هقدر اعملها ايه
اسر:ماشى تمام
ياسر:اسيبك بقى واروح ع مكتبى
خرج لقى شذى بتتكلم ف الفون وبتقول
خلاص يبقى تجبلى رقمه ف السعوديه
واول مالقت ياسر قدامها قالت
سلام يا فندم
ياسر:..........
شذى:...............
بصلها بصات شك وراح على مكتبه
من غير مايتكلم ولا كلمه فقالت شذى
هو انا كنت ناقصاك انت كمان
فاتصلت بعلا وقالتلها انها حاسه بحاجه غريبه من ياسر تحاول انها تعرف ايه اللى ف دماغه
علا:صعب تعرفى ياسر بيفكر ف ايه بس هحاول ماتقلقيش
قفلت معاها وكملت شغل شويه واتصلت سلمى بشذى وقالت
انا خايفه اوى على فارس بتصل بيه تليفونه مقفول
شذى:ماتقلقيش ان شاء الله بخير
يمكن عايز يقعد مع نفسه
سلمى:مش عارفه يا نور
انا قلقانه اوى
شذى:ماتقلقيش انا هحاول اعرف هو فين وهبلغك
سلمى:تسلمى يا نور مش عارفه اقولك ايه
********************
دخلت شذى لاسر وقالتله انها هتروح الصيدليه لفارس تشوفه هناك ولا لا
فقال
انا مش عارف امتى هيعقل وهرتاح من مشاكله
شذى:تعدى المشكله دى على خير وكله يبقى تمام
اسر:اكيد سلمى اللى كلمتك علشان قلقانه
شذى:اه فعلا
اسيبك تحضر نفسك للاجتماع وانا هروح على طول وهرجع
اسر:ماشى خلى بالك من نفسك
شذى:وانت كمان
خرجت نزلت ركبت تكسى وعلى طول ع الصيدليه لقت كريم هناك فسالته عن فارس قال
انا مشففتهوش من امبارح
انا كنت فاكر انه رجع البيت
شذى:يعنى هو مش عندك
طيب ماتعرفش حد من اصحابه ممكن يكون عنده؟
كريم:لا مفيش
معتقدش انه ممكن يروح يقعد عند حد
شذى:ماشى
صحيح يا كريم
كريم:ايوة ف حاجه؟
شذى:متعترفش حاجه عن ياسمين
البنت دى اللى كانت مع فارس ف الشقه
انا عرفت انكم اصحاب
كريم:اه بس من ساعه يوم الفرح انا مشفتهش وعرفت انها سافرت
شذى:سافرت فين؟
كريم:مش عارف الحقيقة
شذى:طيب هى عايشه لوحدها اقصد يعنى
فين باباها ومامتها
كريم:............
لا
معرفش
شذى:متعرفش ازاى انتو مش اصحاب
كريم:اه اصحاب بس مابنتدخلش ف خصوصيات بعض
شذى:اه مفهوم
طيب يا كريم ممكن رقمك
ولو عرفت اى حاجه عن فارس ياريت تبلغنى
كريم:اه طبعا
مشيت شذى من عند كريم واتصلت بمحمد زميل الدراسه ف اعدادى اللى بيشتغل
وكيل نيابه وطلبت منه يعرف اصحاب كريم ويعرف من امتى يعرف ياسمين
محمد:24 ساعه وكل المعلومات هتبقى عندك
شذى:متشكرة اوى يا محمد
************************
اتصلت شذى بعدا بجاسر وطلبت تقابلها لما اتقابلوا
طلبت منه انه يعرف فين فارس علشان هى عارفه ان علاقاته كتير ف مصر ف كل المجالات
اتضايق ف الاول ان سلمى مطلبتش منه بس قال
حاضر ان شاء الله نوصله
اتصل جاسر بكل اللى يقدروا يساعدوة بعد ما اخد رقم العربيه بتاعته
*******************8
رجعت شذى الشركه
وشويه لقت على زميلها ف الجريده جايب رقم ابو ياسمين اخدته واتصلت بيه عملت نفسها صاحبتها وقالت
معلش ياعمو بس بتصل بياسمين موبايلها مقفول وانا كنت عايزه اعزمها على فرحى
ابو ياسمين:مبروك يا حبيبتى
بس ياسمين كلمتنى من يومين وقالتلى ان تليفونها اتكسر وهى هتتصل بيا
طيب ماتروحلها البيت
شذى:اه
ماشى ياعمو شكرا
قفلت معاه موصلتش لحاجه فاتصلت بامير قال انه مش عارف يوصل لحاجه
اتعصبت شذى فدخل عليها ياسر وقال
ايه مالك ف حاجه حصلت
شذى:حاجه
حاجه ايه
لا مفيش
ياسر:امال مالك بتتعصبى على التليفون وبترميه ليه
شذى:اه اصله مهنج خالص ومش عارفه ماله
ياسر:اه ماشى
هو اسر جوا
شذى:اه جوا
ياسر:ماشى انا داخله
دخل ياسر لاسر وقاله عايز صورة من بطاقه نور
اسر:صورة من البطاقه ليه؟
ياسر:يابنى عايزنها علشان البيت
اسر:اه
طيب انا هجبهالك ازاى
خلاص هقول لنور بقى
ياسر:تقولها ايه انت مش معاك صورة من البطاقه
امال انت معينها ازاى
اسر:ما انت عارف يا ياسر الحكايه
وانا ماخدتش منها اى ورق الموضوع ممشيش رسمى يعنى
ياسر:يعنى تقابلها ف الشارع ودخلها بيتك وتخليها تشتغل هنا من غير مايبقى معاك
اى ورقه ليه
لا بجد انت غريب اوى
اسر:فى ايه يا ياسر مالك
مالك متعصب كده ليه
خلاص مالكش دعوة بالموضوع انا هتصرف وهساعدها
ياسر:تساعد ايه بس
انا بجد مش مصدقك
اسر:ياسر
انت بردو هتفضل تقول كلامك اللى ملوش لازمه دا
ياسر:ولا اقول ولا اعيد
انا رايح على مكتبى
خرج ياسر وهو متعصبمن مكتب اسر وراح على مكتبه واتصل باستاذ سعيد ف الشؤن وطلب انه يروح لشذى يطلب صورة البطاقه علشان
الشركه لما راح قالتله شذى
انا مش معايا بطاقه
معملتش البطاقه هعمل وهصورها وهديهالكم
راح بلغ ياسر فقال
اااااااه لسه معملتش
شويه ولقى استاذ سعد بيتصل بيه يقوله ان كل اللى اسمهم نور على الاسمر ماينطبقش عليهم المواصفات
بتاعت شذى فقال لنفسه
اه طبعا لازم ماتلاقيش
شويه ولقى علا بتتصل بيه علشان تشوفه فقال
معلش يا علا انا مشغول اوى انهارده مش هعرف اعدى عليكى
علا:حاول يا ياسر
ياسر:معلش ياحبيبتى والله دماغى مشغوله اوى ومش هبقى مركز معاكى
علا:ايه خير
ف حاجه ف الشغل؟
ياسر:لا مافيش
ماتشغليش بالك انتى
علا:ماشغلش بالى ازاى
قول يا ياسر ف ايه يمكن اقدر اساعدك
ياسر:تسلميلى ياحبيبتى
هكلمك بالليل لو عرفت اعدى عليكى
علا:ماشى يا حبيبى
قفل معاها وقعد يفكر
هيروح يسالها ع طول ويتكلم ع المكشوف ولا يروح يقول لاسر
ماقدرش يوصل لحل علشان اسر مش عايز يصدق ولا يسمع حاجه
قرر انه يروح يكلم امير ويواجه باللى شافه
ماقدرش يقعد من التفكير وبسرعه راح لامير الشركه
سلم عليه وقعد فحكاله اللى هشام عمله استغرب امير جدا ومكنش مصدق اللى سمعه
فقال ياسر للاسف دا اللى حصل
اسر اتخدع ف صاحبه واتاثر جدا علشان سلمى
بلاش يتخدع ف صديق تانى ليه
امير:قصدك ايه؟
ياسر:قصدى انت فاهمه يا امير
امير:لا انا مش فاهم حاجه قول عايز تقول ايه بصراحه
ياسر:عايز اعرف انت تعرف نور منين
او اللى بتدعى ان اسمها نور
امير:............
ايه اللى انت بتقوله دا
هعرف نور منين انا
ياسر:عرفت منين انها بتحب البانيه
امير:والله انت بتهزر يا ياسر بقى جاى وعامل كل دا علشان تقولى عرفت منين
ما انا قلت البنات كلها بتحب البانيه
ياسر:ماشى البنات كلهم بيحبوا البانيه
طيب وكنتوا فين امبارح؟
امير:...........
ياسر:ماتحولش تكدب انا شفتك وانت قدام الشركه واخدتها ومشيتوا
وهى كدبت وقال لاسر انها بتخلص ورق
امير:...........
اااااااااااااه علشان كده يعنى
ياسر:امير ماتحولش تكدب وتستخف بعقلى
امير:استخف بعقلك ايه يابنى انت
كل الحكايه انها كلمتنى علشان تعرف ايه اللى حصل مع فارس وبتحاول تدور على ياسمين علشان تبرا فارس
وملك وفارس يرجعوا لبعض
وهى مكنتش عايزة حد يعرف علشان كده انا مقلتش
ياسر:وهى مش عايزة حد يعرف ليه؟
امير:انا عارف يابنى
اهى بتقول علشان هى لسه مابقتش واحده من العيله وماتبقاش بتدخل ف خصوصيات وكلام كده
ماليش دعوة بيه انا
وانا حكتلها وقلت هساعدها وبدور على ياسمين
ياسر:..........
امير:ايه مش مصدق؟
ياسر:مش عارف
بس انا متاكد ان ف حاجه مش مظبوطه ورا البنت دى
امير:يابنى ارحم نفسك من الشك دا
هيكون ف ايه يعنى
ياسر:مش عارف
معلش جيت عطلتك وقلت كلام سخيف
بس انت عارف انا بحب اسر قد ايه
ومش عايز يحصله اى حاجه وحشه
امير:ياض اسر اخويا وانت كمان
واللى ياذيكم ياذينى
ياسر:ربنا يخليك لينا
اسيبك بقى واطلع ع الشركه علشان ورايا حاجات كتير
امير ماشى ربنا يوفقك
خرج ياسر وطلع ع الشركه واتصل امير بشذى وبلغها اللى حصل فقالت
انا كنت حاسه انه شاكك ف حاجه
الحمد لله انك قدرت تتصرف مؤقتا يهدى عليا شوسه على ما اشوف
الحاجات اللى ف دماغى دى
امير:شذى انتى لازم ف اقرب وقت تعرفى اسر انا مش عايز اخسرهم
شذى:............
امير:سلام دلوقت علشان سما بتتصل
شذى:ماشى مع السلامه
بعد يوم طويل روح اسر وشذى البيت بعد ماعدوا على ملك اللى رجعت زى الاول
او بتحاول ترجع زى الاول
وقالت انها هتروح الكليه من بكرة
طلعت شذى ونامت على طول لانها مكنتش نايمه كويس واسر كمان نام من التعب
وياسر اتصل بعلا واعتزر انه مش هيقدر يعدى عليها بس وعدها يعدى عليها الصبح يفطروا سوا
وراح نام
تانى يوم الصبح كانت شذى مع اسر ف العربيه رايحين الشركه اول ماوصلت المكتب لقت محمد بيتصل بيها وقالها ان ياسمين وكريم اصحاب بقالهم
7 سنين
وعرف انهم قريبين جدا من بعض وكان عندها يوم خطوبة فارس الصبح بدرى
شذى:انا كنت حاسه انه بيكدب
معلش يامحمد ممكن تخلى حد من عندك يراقبه ولا دا هيسببلك مشكله
محمد:ايه يابنتى اللى بتقوليه دا
ماتشغليش بالك انتى
بكرة بالكتير هتعرفى مكان ياسمين
شذى:ربنا يخليك يا محمد
*****************
قفلت معاه وشافت شعلها وشويه اتصل جاسر بيها وقال
فارس فين ناس لقوة مغمى عليه ف عربيته وهو جلوقت ف المستشفى
شذى:مستشفى
طيب هو عامل ايه؟
جاسر:هو كويس الحمد لله
شذى:طيب الحمد لله انا هقول لشذى واسر وهنيجى فورا
جاسر:ماشى انا عنده دلوقت وهمشى
شذى:ليه استنى لما نيجى
جاسر:لا انا همشى ورايا حاجات لازم اخلصها
شذى:ماشى
قفلت معاه ودخلت بلغت اسر اتخض عليه ولقت سلمى
بتتصل فقالتله
انها لازم تقولها علشان ماتزعلش منها
فلما عرفت اتخضت جدا عليه وملك لما عرفت كانت قلقانه اوى عليه لكن مابينتش
سلمى:تحبى تيجى معانا
ملك:لا
انا اصلا كان المفروض انزل الجامعه بس مرحتش علشان مش قادرة انزل
سلمى:ماشى ياملك اللى تشوفيه
ملك:...........
لبست سلمى وراحت ع المستشفى قابلت اسر وشذى وهو بيركن العربيه وطلعو
كان نايم ع السرير ومتركبله محاليل وقال الدكتور
ان جسمه ضعيف بقاله اكتر من 3 ايام من غير اكل
وهو رافض الاكل
فقال اسر لفارس
ايه الحاله اللى انت فيها دى
هو انت كده بتواجه المشكله
شايف ان دا الحل
فارس:............
سلمى:مش عايز تاكل ليه
انت عايز تموت يعنى
ايه اللى انت فيه دا
شذى:مش وقت الكلام دا يا جماعه
ان شاء الله المشكله تتحل
وفارس هيرجع زى الاول
فارس:انا خلاص مش عايز اى حاجه من الدنيا
انا خسرت كل حاجه
اسر:كل حاجه ايه اللى خسرتها
فارس:خسرت ملك
يعنى خسرت روحى خسرت الحياة
اسر:بطل الهبل اللى بتقوله دا
انت مخسرتش حاجه ولو على ملك
دا سوء تفاهم وهيتحل
وبدل ما انت بتموت نفسك كده روح لاقى حل
حاول تقنعها مش تنسحب
فارس:خلاص ملك بقت تكرهنى
سلمى:مافيش حد بيكره حد كان بيحبه
شذى:ملك محتاجه بس شويه وقت وهتسمع وهتصدق
فارس:هى مجتش معاكم ليه
هى مش عايزة تشوفنى صح
حتى وهى عارفه انى ف المستشفى مجتش تطمن عليا
شفتو
مش قلتلكم كرهتنى
اسر:بقولك ايه
بطل هبل بقى ولازم تاكل علشان تخرج من المستشفى
فضلوا يتكلموا معاه ويقنعوه وملك ف البيت هتموت من القلق عليه
لكن مش عايزة تتصل بيها علشان مايبنش انها قلقانه وخايفه عليه
وفضل اسر مع فارس اليوم دا ف المستشفى واجل شغله وراحله امير وياسر وحسام وفجاة لقت شذى ياسر بيقول
انتى عرفتى منين يا نور ان فارس ف المستشفى
شذى:جاسر كلمنى وقالى ان ف حد يعرفه شاف فارس ف المستشفى
سلمى:جاسر؟
ياسر:جاسر كلمك انتى ومكلمش اسر او سلمى ليه؟
شذى:علشان انا كنت كلمته وسالته لو يعرف حاجه عن فارس بعد ما سلمى قالتلى اشوفه فين
ياسر:امال هو فين
مش شايفه يعنى
فارس:مشى قبل ما يجوا بشويه
سلمى:.............
سالت سلمى نفسها ليه جاسر مشى وماستناش لما يجوا
حست انها متضايقه وف نفس الوقت عايزة تكلمه
حست شذى انها اتضايقت فقالتلها من غير ماحد ياخد باله
انها المفروض تكلمه تشكره
سلمى:بس هو الظاهر انه مش عايز يشوفنى ولا يسمع صوتى حتى
شذى:بالعكس
هو مشى علشان مكنش عايز يضعف قدامك
كلميه يا سلمى وماتكبريش
سلمى:............
خرجت سلمى كلمته ف التليفون وقالت
انا كنت عايزة اشكرك علشان فارس
جاسر: فارس زى اخويا وانا معملتش حاجه المهم يبقى كويس
سلمى:.......
جاسر:معلش انا مضطر اقفل علشان داخل على لجنه
سلمى:اه ماشى
جاسر:مع السلامه
سلمى:سلام
اتضايقت اكتر سلمى وحست بيها شذى ولما اسر قالهم يروحوا وهو هيبات
اخدهم امير ووصلهم للبيت وياسر وحسام روحوا هما كمان
وف العربيه قال امير
مش جاسر دا اللى قابلناه يوم الخطوبه قدام البيت
سلمى:...........
اه هو
شذى:...........
هو جه يوم الخطوبه
سلمى:اه جه وتعرف انه اتلغى وروح
امير:هو انا ممكن اعرف مين جاسر دا ولا ابقى بتدخل ف حاجات ماتخصنيش
سلمى:لا عادى بس الموضوع كبير
امير:زى موضوع هشام كده
سلمى:............
شذى:انت عرفت اللى حصل منين
امير:من ياسر
سلمى:اها
جاسر دا يبقى اللى عرفنى حقيقة هشام و............
واتجوزنا بس اتطلقنا
امير:اتجوزتوا واتطلقتوا ازاى
سلمى:هو كان متجوزنى ينتقم من هشام وطلقنى لما خلص منه
امير:ايه البنى ادم دا
سلمى:.........
امير:وانتى ياشذى ازاى تطلبى منه انه يساعدكم
سلمى:شذى؟؟؟؟؟؟؟؟؟؟؟
شذى:اه
انا نسيت اقولك ان امير يبقى ابن خالتى
سلمى:ابن خالتك؟
شذى:اه مامته تبقى اخت مامتى بس من اب تانى
سلمى:يعنى هو اول ما شافك كان عارف انك شذى وماقلش
امير:ماكنش ينفع اتكلم
وكمان انا واثق ان شذى مابتعملش حاجه غلط
وهى بعد كده فهمتن كل حاجه
سلمى:اااه
الدنيا دى صغيرة اوى
شذى:ماتقلقيش يا سلمى قريب اوى هقول لاسر بس زى ما انتى شايفه
كل شويه يطلع مصيبه تخلينى اجل الكلام معاه
سلمى:انا مش قلقانه بعد كل اللى عملتيه معانا ماينفعش حد يقلق منك
ولا ينفعش مايسامحكيش
امير:وصلنا
اتفضلوا يا اميرات وانا هروح بقى احسن سما اليومين دول حاسس انها مش طايقانى
علشان بسبها كتير لوحدها
سلمى:ربنا يعينك
خلى بالك من نفسك
طلعوا عند ملك فاول مادخلوا كان باين عليها القلق فقالت شذى
اتطمنى هو كويس دلوقت
ملك:انا مش قلقانه
انتوا كلتوا ولا اجيب حاجه ناكلها
سلمى:............
شذى:لا انا ماليش نفس شوفى سلمى
سلمى:ولا انا ليا نفس انا هدخل الاوضه اريح شويه
شذى:معلش يا ملك انهارده هتقل عليى وهبات هنا علشان اسر هيبات مع فارس
ف المستشفى وقالى ابات معاكم علشان مابقاش لوحدى ف البيت
ملك:طبعا ماتبقيش لوحدك ف البيت
انا مبسوطه اصلا انك جيتى
شذى:ربنا يخليكى
ملك:بصى انا اوضتى موجوده او لو عايزة تبقى لوحدك انا ممكن اروح انم مع ماما
سلمى:صحيح هى فين خالتو
ملك:مش عارفه خرجت من نص ساعه قالت نازله وسالتها قالت لما ترجع هتقولى
سلمى:اها
ماشى
عن اذنكم انا بقى
شذى:تعالى احنا كمان ندخل الاوضه عايزة اتكلم معاكى
ملك:.................
دخلوا الاوضه ولسه هتتكلم شذى فقالت ملك
بصى يانور لو هتتكلمى ف حاجه تخص فارس انا مش عايزة اتكلم
انا خلاص فقت من اللى كنت فيه
وماصدقت انى نسيت اللى شفته
مش عايزة اى حاجه ترجعنى خطوة لورا
شذى:انتى ظالمه قارس
ملك:انا ظلمت نفسى لما اتخيلت انه ممكن يبقى ليا لوحدى
شذى:انتى فاهمه الموضوع غلط
البنت دى لعبت عليك علشان توقع بنكم
ملك:نور انا شفته معاها ع السرير
مع بعض
مع بعض وبعينى
يعنى مفيش اكتر من كده
شذى:بس........
ملك:خلاص يانور
ارجوكى بلاش نتكلم ف الموضوع دا علشا بيتعبنى
ارجوكى
شذى:خلاص اللى تشوفيه
بس زى ماقلتلك اتعودى تسمعى الاول قبل ماتحكمى
********************
تانى يوم طلع فارس من المستشفى وعرف ان ملك راحت الكليه فراحلها هناك
وقفها مرضيتش تقف فنسكها من دراعها غصب عنها فقالت
سيب دراعى انت لو ممشتش وسبتنى هندهلك حرس الجامعه
فارس:اندهى اللى انتى عايزه تندهيه
انا مش هسيبك
ولسه بيتكلم لقى عامر قدامه فقال
انت ايه اللى جابك هنا
ملك:عامر جاى يوصلنى
فارس:يوصلك؟
جز فارس على سنانه وحاول يتمالك نفسه وقال
طيب امشى معايا ياملك احسن بدل ما اصور قتيل دلوقت
عامر:انت بتتكلم معاها ازاى كده
وسيب دراعها
راح زقه فارس وقال
ملكش دعوه انت
ملك:خلاص يا عامر
فارس:بعدين انت مش كنت مسافر ايه اللى جابك
عامر:لا ما انا لغيت السفر وقاعدلك
فارس:اه فاكر ان الجو خلى
لا يا حلو انت بتحلم
ملك:كفايه بقى يا فارس واتفضل امشى
فارس:طيب يلا اتفضلى معايا
ملك:لا انا هروح مع عامر
فارس:يلا يا ملك
ملك:قلتلك هروح مع عامر
وياريت ملكش دعوة بيا والزم حدودك معايا
فارس:..............
