علا:.........
ياسر:ها؟؟
علا:اه
ياسر:موافقه؟
موافقه تتجوزينى؟
ميلت براسها انها موافقه كان هيطير من الفرح
وقالها تعالى اركبى العربيه
ركبت لقت ورد كتير اوى فاتبسطتت وقال ايه رئايك
علا:ايه كل دا انت جبت المحل كله
ياسر:علشان تعرفى بس انى رومانسى
ربعدين مافيش حاجه عليكى كتيرة
جبتلك كمان حاجه بتحبيها اوى
بصى وراكى كده
علا:ههههههههههههه
عسليه
لا كده كتير
ياسر:مش كتير يا ونيس المهم تبقى مبسوط
علا:هههههههههههههههههه
بلاش رخامه بقى
ياسر:ههههههههههههههههههه
تعالى بقى اوصلك البيت واطلبك من طنط رسمى علشان ابقى عملت الصح
علا:.............
اخدها وراحوا البيت فتحت مامتها ودخلوا قعد وقال
انا مبعرفش اوى اتكلم ف المواقف اللى زى دى بس انا ليا امانه عندك يا طنط وعايزها
مرات عمه:امانه؟
امانه ايه يابنى
ياسر:علا
مرات عمه:...........
ياسر:انا بطلب منك ايد علا علشان تكمل معايا باقى حياتى
مرات عمه:..............
ياسر:قلتى ايه؟
مرات عمه:انا يابنى موافقه انا مش هلاقى احسن منك اديله بنتى بس الرائ رائ علا
انا مقدرش اجبرها على حاجه
ياسر:ادي علا موجوده اهو ناخد رائيها
بص لعلا وقال
ايه رائيك يا علا
تقبلى تكملى معايا حياتى اللى هنبينيها سوا
اتكسفت علا ومردتش فقال
اهو السكوت علامه الرضا
هى موافقه يا طنط قلتى ايه؟
مرات:اه بقى انتو شكلكم متفقين وانا تحصيل حاصل
عموما يابنى انا بتنمنلكم السعاده
انا موافقه على بركه الله
ياسر:ايوة بقى
انا اسعد انسان ع الارض
عايزين نعمل بقى الخطوبه على اول الشهر الجاى يعنى كمان اسبوعين
مرات عمه:مستعجل كده ليه
لسه لما نظبط نفسنا
ياسر:مش مستعجل ولا حاجه لو عليا عايزها بكرة بس ف شويه شغل لازم يخلص الاول فان شاء الله على اول الشهر الجاى قلتى ايه
مرات عمه:ماشى يابنى اللى تشوفوه
ياسر:تمام اوى كده وبعدين نحدد الفرح بقى مع بعض
مرات عمه:على بركه الله
بص ياسر لعلا وقال
من انهارده مافيش خروج غير باذنى ولا تكلمى حد ولا حد يكلمك
اى حاجه تعمليها عايز ابقى عارفها مفهوم
مرات عمه:هههههههههههه
من اولها كده
ربنا يستر عليكى يابنتى
ياسر:ههههههههههههه
علا: ابتسامة ابتسامة
ياسر:مضطر امشى بقى علشان ورايا شغل مهم اوى
علا:ماشى
لما توصل الشركه طمنى
ياسر:حاضر
عن اذنك يا طنط
مرات عمه:اتفضل يابنى
مع السلامه
راحت معاه علا لعند الباب وقالتله
توصل بالسلامه وقفلت وهو نزل راح الشركه
واول ما وصل كلمها يقولها واتكلموا شويه
وقعد يكمل شغله واتصل بمكتب السفريات
وحجز تزكرة كمان يومين لاسر
علشان يسافر لندن
ولما خلص شغل روح ع البيت نام من التعب
وشويه جه حسام لقاه نايم مرضيش يصحيه
قعد شويه على النت وكلم هدى ونام هو كمان
وجاسر اتصل بسلمى وقال
انتى هتيجى ولا تباتى؟
سلمى:لا هاجى ما انا قلتلك مش هبات
جاسر:طيب طالما مش هتباتى تعالى علشان الوقت اتاخر
سلمى:اتاخر ايه لسه الساعه 10
واسر هيوصلنى
جاسر:10 يعنى متاخر ولسه الطريق
سلمى:ماشى يا جاسر هقعد شويه وجايه
جاسر:ع الاقل اليومين دول اسمعى كلامى وهتخلصى منى خالص
سلمى:.............
جاسر:يلا سلام
قف السكه وهى بان عليها انها اتضايقت فقال فارس
كان عايز ايه دا
سلمى:يلا يا اسر علشان اروح
فارس:تروحى ايه لسه بدرى وبعدين انتى هتباتى كام يوم معانا
سلمى:مش هينفع يا فارس
جاسر تعبان وانا لازم ابقى معاه
اسر:طيب خليكى قاعده شويه
سلمى:معلش هاجى تانى وهبات بس لما يخف ويبقى مش محتاجلى
اسر:ماشى اللى يريحك
قامت سلمى سلمت عليهم ونزلت مع اسر وهى راكبه معاه فضل يتكلم معاها
ويسالها عن هشام وهى بتححاول تتوه
وحاولت تطمنه عليها وتمثل انها مبسوطه مع جاسر وحياتهم بقت ماشيه طبيعيه
علشان مش تقلقه
او يدخل ف حياتها
وصلت الفيلا سلم عليها ومشى هى دخلت لقته قاعد ف الجنينه والجو برد وكان سرحان
فطلعت جابت بطنيه وجت من وراه وحطيتها على كتفه وقالت
الجو برد
بصلها جاسر وقال
متشكر
لفتله الناحيه التانيه وقعدت ف الكرسى اللى قدامه ولسه هتتكلم تليفونها رن فارتبكت ولاحظ دا جاسر فقال
قومى ردى ع التليفون وماتشغليش بالك بيا انا هقوم اطلع دلوقت
سلمى:..........
قامت سلمى وردت فقال هشام
ياااه وحشتينى اوى
سلمى:مش هينفع كل شويه تكلمنى
جاسر ممكن يشك
هشام:يادى جاسر دا اللى خدك منى
ربنا ياخده
سلمى:..........
حست سلمى بوجع ف قلبها وحست ان نفسها ضاق اول ما دعى عليه
فقالت
هو معملش حاجه وحشه علشان تدعى عليه
سيبه ف حاله بقى
هشام:مالك زعلتى كده ليه
انتى نسيتى انه حرمنا من بعض ولا ايه
ولا خلاص قعدتك معاه خلتك تحبيه
سلمى:احب ايه بس
لا مش كده
ما علينا
بلاش تكلمنى كل شويه انا لما اعرف اكلمك هكلمك
هشام :اصلك بتوحشينى كل دجقيقه
لالا
كل ثانيه
انتى مش حاسه باللى ف قلبى
وحاسس انى متكتف علشان مش عارف اشوفك بسبب القضيه دى
سلمى:انت صحيح هتعمل ايه فيها
هشام:مش عارف هو مفيش حل غير انك تنكرى اللى حصل وتتنزلى عن القضيه
علشان اعرف اشوفك زى زمان
فاكرة زمان يا سلمى
احنا مكناش بنسيب بعض لحظه
سلمى:اه طبعا فاكرة
هشام:عايز اخلص بقى علشان اشوفك
سلمى:خلاص لو هى دى المشكله
لما جاسر بس يخف هروح اعمل كده
هشام:متشكر اوى يا حبيبتى
انا بجد مش قادر استحمل بعدك عنى
سلمى:..........
هشام:بعشقك
ومستنى اليوم اللى هشوفك فيه
سلمى:انت كمان واحشنى اوى ونفسى اشوفك
هشام:ربنا يخليكى ليا ومايحرمنيش منك
سلمى:طيب سلام بقى علشان جاسر شاكله جاى
قفلت معاه لقت جاسر وراها وسمع بس كلمه جاى
فقال
مين اللى جاى؟
سلمى:لا
دا كنت بكلم نور وبقولها سلام علشان انت جاى
علشان لو احتجت حاجه يعنى
جاسر:اه نور
ماشى
قلتلك ماتشغليش بالك بيا
اتكلمى ع راحتك وكنتى حتى اطلعى اوضتك
عن اذنك انا طالع انام
علشان لو حبيتى تكملى كلام مع نور
طلع على اوضته وحست سلمى انه شاكك فيها ومكنتش عارفه تعمل ايه
واسلوبه المتغير معاها دا مضايقها فسرحت شويه وقالت
انا متضايقه ليه كلها شويه وهتطلق وهيخرج برا حياتى خالص
وطلعت على اوضتها علشان تنام
وهى ع السرير قعدت تفكر ف هشام وكلامه وتفتكر اياماتها معاه والخروج والدلع وكل حاجه حلوة كانت بنهم
وراحت فجاه واتهدت احلامها بيه ف لحظه
ونامت سلمى لحد الصبح
واسر بعد ما وصلها طلع ع الكورنيش يتمشى شويه وبص للميه شاف فيهم عيون شذى
ولما اختفت حس انها وحشاه اوى فاتصل بيها وكان خايف تبقى نايمه
فتحت شذى وقالت الو
اسر:اسف لو صاحتك من النوم
شذى:لا انا كنت صاحيه
اسر:الحمد لله
اصلك وحشتينى اوى فقلت اسمع صوتك
شذى:.......
يا سلام لحقت
انا كنت لسه معاك
اسر:انتى بتوحشينى ف كل ثانيه وبتوحشينى وانتى قدام عينى
شذى:طيب بس بقى علشان هصدق
اسر:لازم تصدقى علشان دى الحقيقه
طيب تعرفى انى دلوقت ع الكورنيش وكنت شايف عيونك ف الميه
شذى:ههههههههههههههه
لا كده بقى انت زودتها
اسر:والله شفت عيونك ف الميه
شذى:...........
اسر:نور انا بحبك اوى ومش بتمنى حاجه من ربنا غير انك تبقى ليا
هعوضك عن كل حاجه وهتحلى حياتى
ردت شذى والدموع خنقه صوتها وقالت
انا كمان بحبك اوى وبدعى ربنا انه ميحرمنيش منك ولا يحرمنى من السعاده اللى انت سببها
اسر:خلاص يبقى بعد ما رجع من لندن نتجوز
شذى:مش هينفع تقرر دلوقت
اسر:ماتقوليش مش هينفع
انا بحبك وهفضل احبك تحت اى ظرف وخلاص قررت ومافيش حاجه هتغير قرارى
شذى:طيب لما ترجع من لندن بالسلامه ان شاء الله نبقى نقعد ونتكلم ف الموضوه دا
اسر:ماشى يا نور
روحى نامى بقى وانا هروح انام انا كمان
شذى:ماشى تروح بالسلامه
لا اله الا الله
اسر:محمد رسول الله
قفل معاها وركب عربيته وراح ع البيت لقى فارس قاعد بيتفرج هو وملك وخالته على فيلم
فقالهم تصبحوا على خير ودخل اوضته غير هدومه ونام
وبعد شويه قالت خالته
انا هدخل انام انا بنام على نفسى
يلا تصبحوا على خير
بص فارس لملك وقال
عايزك تفتحى بؤك وتقولى هدخل انام
ملك:اه هدخل انام
فارس:اترزعى يابت كملى الفيلم
ملك:هو بالعافيه
فارس:اه بالعافيه
اخرسى بقى واتفرجى وانتى ساكته
ملك:اخرس
ماشى متشكره
فارس:اه اعملى بقى نفسك زعلانه علشان اصالحك
لا بقى اخبطى راسك ف الحيط
ملك:..............
فارس:وبعدين انتى ربطه شعرك ليه
مش قلتلك بحبه مفرود
ملك:............
فارس:انتى يابت ماتردى
ملك:انت مش قلت اخسرى
ادينى خرست
فارس:بقولك ايه افردى وشك دا بدل ما ازعلك بجد
ملك:لا انا قايمه خلاص علشان اريحك
مسك دراعها وقال
والله مجنونه
ياهبله بهزر معاكى
ملك:ماشى وانا مازعلتش
فارس:والله
والميه وحداشر اللى اترسموا على وشك دول كانوا ايه
ملك:طيب خلاص اوعى سيب دراعى
فارس:طيب افردى وشك الاول
ابتسمت ملك وقالت اهو
حلو كدخه
فارس:اه حلوة
افردى شعرك بقى
ملك:لا مش هفرده
فارس:هتفرديه
ملك:مش هفرده
فارس:مش هتفرديه ماااااشى
حط ايده ع التوكه وبيشدها وهى بتحاول تفلت منه وتقوله
بطل رخامه يا فارس
فارس:علشان قلتلك افرديه بالذوق
ملك:اه طيب خلاص اوعى بقى علشان وجعتنى
فارس:انا اسف بس انتى اللى عنيده اوى
وانا بموت ف عنادك يا مجنونه
ابتسمت ملك وقالت طيب سبنى بقى اعدل شعرى اللى نعكشته دا
فارس:هاتى انا اعدلهولك
ملك:اوعى ايدك
هى سايبه
وبعدين انت هتبوظه اصلا
فارس:كده
ماشى انا غلطان
يلا يابت روحى نامى
ملك:هههههههههههه
تصبح على خير
فارس:تصبح على خير ايه انتى مابتصدقى
قلت مافيش نوم
روحى بسرعه شوفى هتعملى ايه ف شعرك
مع انه حلو اهو وزى العسل
وتعالى على طول
ملك:ماشى
فارس:ملك
ملك:نعم
ف ايه تانى
فارس:وربنا يا ملك لو ماسرحتيش شاعرك وجيتى ف ثوانى
هتشوفى هعمل ايه
ملك:ههههههههههههههه
لا والله هاجى على طول
فارس:ماشى اما نشوف انا قاعد اهو مستنى
ومابحبش استنى كتير
دخلت ملك الاوضه ظبطت شعرها وفردته على ضهرها وخرجت قال
ايوة بقى
يابختك يا واد يا فارس
ملك:ههههههههههه
بس بقى احسن ارجع تانى
فارس:ترجعى تانى ايه بس
انت تيجى تقعد جانبى يا قمر انت
ملك:فارس بطل بقى انا بتكثف
فارس:يا لهووووووووى ع القمر لما بيتكثف يا ناس
ملك:هههههههههه خلاص بقى خلينا نتفرج
فارس:هيييييييييح
ماشى خلينا نتفرج
ملك:ع التلفزيون ها
فارس:حاضر
ع الزفت
بص فارس ع التلفزيون وكملوا الفيلم واول ما خلص قالت ملك
اهو خلص سبنى انام بقى
فارس:انتى عايزة تنامى ليه؟
ملك:عايزة انام زى ما البنى ادمين بينامو
فارس:طيب ما انا عايز اشبع منك
ملك:فارس بقى
فارس:فارس بقى ايه بس
خلاص روحى نامى يلا
تصبحى على خير
ملك:وانت منم الهله
دخلت اوضتها وهو دخل نام والصبح صحيت بدرى ملك وعملت الفطار وصحتهم
وقعدوا يفطروا واول ما اسر صحى كلم شذى صحها علشان تفطر وتلبس وينزلوا مع بعض وقعد يفطر
ولما خلص اتصل بشذى كانت جاهزة ففتح باب الشقه ووقف لحد ما فتحت باب شقتها ونزلت هى كمان صبح عليها ونزلوا ركبوا العربيه وراحوا ع الشركه وبعدهم ع طول نزل فارس على الصيليه وملك دخلت الاكل وقعدت تتكلم مع مامتها شويه وشويه دخلت فتحت اللاب وفتحت الفيس لقت فارس كاتب على صفحتها
بموووت فيكى يا احلى حاجه ف حياتى
ربنا مايحرمنيش منك
فرحت اوى ملك واتكسفت ف نفس الوقت علشان كل اللى عندها شاف الكلام دا بس كانت مبسوطه اوى وحست بسعاده كبيرة اوى فعلقت عليه وقالت
وانا بموت فيك يا كل حياتى
وقفلت الفيس وهى مبسوطه ونامت ع السرير وسرحت ف اللى كان فاترس بيعمله معاها وتبتسم
************
سلمى صحيت الساعه 8 اخدت دش ونزلت ع الجنينه وكان جاسر مانمش طول الليل وكان بيبص عليها وهى ماشيه ف الجنينه ولقاها طلعت تليفونها وبتتصل بحد وبتتكلم فكان متضايق اوى وعمال يخبط بالعجاز على الارض وفضل واقف على امل يسمع حاجه او يشوف هتخلص امتى
كانت سلمى بتكلم هشام
انا صحيتك من النوم
هشام:لا يا حبيبى ما انتى عارفه انى بصحى بدرى
سلمى:اه بس خفت بردو اكون صحيتك
هشام:ولو صحتينى هبقى صاحى على احلى صوت ف الدنيا
فاكرة يا سلمى لما كنتى بتصحينى من النوم على صوتك الرقيق دا وتقوليلى صباح الخير يا حبيبى
سلمى:فاكرة كل حاجه بنا ومش انساها
هشام:وانا كمان مش ممكن انسى احلى ايام حياتى
سلمى:انا بكلمك علشان اقولك انى جاسر هيطلقنى قريب وانا بكرة ان شاء الله هروح علشان اخلصك من القضيه
هشام:بجد يا سلمى
يعنى هتحرر خلاص وهتبقى ليا
سلمى:اه يا هشام اخيرا
هشام:ياااه انا اسعد واحد ف الدنيا
سلمى:وانا كمان
عايزة بقى اقابلك بعد ما اخرج من القسم
علشان انت وحشتنى اوى
هشام:وانتى كمان
لما تخلصى كل حاجه وكله يبقى تمام كلمينى وهاجى اقابلك على طول
سلمى:ماشى
هقفل بقى علشان جاسر زمانه هيصحى
هشام:ماشى يا حبيبى
مع السلامه
قفلت سلمى وجاسر فوق بيغلى وهى بصت لقتها واقف ف الشباك فارتبكت ونزلت راسها وكملت مشى ف الجنينه وهو دخل ورمى العجاز ع المرايه اتكسرت وقعد ع السرير
حاسس انه مخنوق اوى ومتعصب هو شاكك ف سلمى انها رجعت تكلم هشام وبتكدب عليه
ومستنيه لما يطلقها ويرجعوا لبعض
حس جاسر انه متضايق علشان سلمى هتروح منه اكتر ما هو متضايق ان هشام اللى ضيع حبيبته منه هيرجع تانى لحياته ومخسرش حاجه
ولقى نفسه بيمسك الموبايل وبيكلم شذى اتفاجات شذى انه بيكلمها وقالت
ايه حصل حاجه معاكوا
سلمى كويسه؟؟
جاسر:اه كويسين انا لازم اقابلك
شذى:ماشى بس قلى ف ايه
جاسر:لما تيجى هتعرفى كل حاجه
شذى:ماشى عايز تقابلنى امتى
جاسر:دلوقت
انا هنزل على طول واعدى عليكى ف الشركه تنزلى ونقعد ف اى حته
شذى:ماشى
قفل معاها واخد عكازة ونزل شافته سلمى فراحتله وقالت
انت رايح فين؟
بصلها بقرف وقال
اروح مكان ما احب
ماتدخليش
اتصدمت سلمى من الرد ووقفت ساكته
فقال جاسر
اهو بالمرة تاخدى راحتك وانا مش موجود
سلمى:......
سبها جاسر مصدومه وخرج وقف تاكسى وركب راح ع الشركه وسلمى لما خرج مكنتش مصدقه اسلوبه معاها واتضايقت اوى وخافت يكون شك ف حاجه وخصوصا انها شفته باصص عليها فاتصلت بهشام وقالتله
هشام انا حاسه ان جاسر شاكك فيا
طريقته متغيرة اوى معايا
خلينى اروح انهارده اخلص كل حاجه ونتقابل
انا مش قادرة استحمل
هشام:مش قادرة تستحملى ايه
سلمى:مش قادرة استحمل بعدك وانا لوحدى
هشام:ماشى يا حبيبتى اهدى بس وروحى خلصى موضوع القضيه وكملينى هجيلك فورا
سلمى:ماشى انا هطلع البس واروح على طول
هشام:تمام
قفلت معاه واتصلت بجاسر كان قرب من الشركه قالتله
انا هخرج
جاسر:خارجه رايحه فين
ف مشوار كده هروحه وهتمشى وكده بدل ما اقعد ف البيت لحدى
جاسر بكل غضب قال
مشوار ايه يعنى
ماينفعش تقولى مشوار ايه اللى رايحاه
سلمى:براحه يا جاسر ف ايه
جاسر:ماشى خلاص اعملى اللى تعمليه
قفل ف وشها السكه نزلت الدموع من عين سلمى فمسحتها وطلعت لبست
اتصل جاسر بشذى وبيقول بغضب وصوت عالى
سلمى بتخونى يا شذى
سلمى بتخونى
شذى:بتخون ايه
اهدى بس ايه اللى حصل
جاسر:اللى حصل انى بعد ما اخترت احتها وقررت اطلقها علشان ماتعش معايا غصب عنها وترجع تعيش معاكم ف البيت
هى قررت تخونى وترجع لهشام
هشام اللى بيضحك عليها وكان عايز يعتدى عليها
شذى:اهدى يا جاسر طيب انت فين
جاسر:انا ف الزفت الطريق واتصلت بيا دلوقت تقولى خارجه
طبعا خارجه تقابله
شذى:انا مش ممكن اصدق ان سلمى تعمل كده
انت اكيد غلطان
جاسر:لا مش غلطان هى دى الحقيقه
شذى:طيب اهدى بس انا متاكده ان ف حاجه غلط
طيب مش انت بتقول هى رايحه تقابله
روح امشى وراها وشوف رايحه فين وانت هتعرف انك غلطان
جاسر:لا مش غلطان انا هروح وعارف انى هشوفها معاه
شذى:طيب اهدى يا جاسر ارجوك وبلاش تتصرف اى تصرف تندم عليه
روح وراها ولو زى ما بتقول لقتها معاه ارجوك تمسك اعصابك وبلاش تتهور ولما ترجع البيت
اسمعها وبلاش تحكم من غير ما تسمع
جاسر:ماشى
ماشى يا شذى انا ههدى بس متاكمد من اللى بقولهولك وانا مش هعمل اى حاجه
سلام
شذى:ماشى بس ارجوك ماتقفلش تليفونك علشان هكلمك
جاسر:ماشى سلام
قال جاسر للسواق يرجع تانى وبسرعه راح قدام الفيلا لقاها لسه بتركب تاكسى طلع ورا التاكسى لقاها راحت قسم الشرطة وغابت فترة جوه وهو قاعد مش فاهم حاجه
قاعد ف التاكسى بيفكر هى ممكن تكون بتعمل ايه وشويه لقاها طالعه من جوه واتصلت بحد وهى بتعدى علشان توقف تاكسى سمعها بتقول
خلاص يا هشام انا حليت الموضوع ودلوقت انت بقيت حر
نزل الكلام على جاسر كانه بركان ووحاول يهدى ويمسك اعصابه فزعق ف السواق وقاله ورا التاكسى دا بسرعه
مشى وراها ولقاها وقفت عند كافيتريا دخل وراها لقى هشام قاعد ع التربيزة وهى دخلت قعدت معاه وحس بحرارة اللقاء
كان هيروحلها بس افتكر كلام شذى وحاول يمسك اعصابه وراح ع الفيلا فضل يكسر كل حاجه قدامه ويزعق ويقول
كلكم خاينين
كلكم ماتستهلوش حبى
انا بكرهك
انا بكرهك يا سلمى
اطلعى من حياتى
انتى ماتستهليش
وقع جاسر على الارض ومكنش قادر والجرح نزل دم بسبب المجهود اللى عمله فحاول يقوم وقعد على الكرسى وشويه جت سلمى اتخضت من منظر الفيلا وقالت فى ايه؟
ايه اللى حصل؟
بصت لقت جاسر قاعد ع الكرسى جريت عليه وقالت
مالك
جاسر:ابعدى عنى
سلمى:ف ايه؟
جاسر:انتى كنتى فين؟
سلمى:ما انا قلتلك انا كنت ف مشوار
جاسر:انتى كدابه
سلمى:ايه؟؟؟؟؟؟
جاسر:ايوه كدابه وخاينه
سلمى:جاسر طيب اهدى
جاسر:ملكيش دعوة بيا
(قام جاسر من ع الكرسى وقال)
انا بكرهك
انتى احقر انسانه قبلتها
اتصدمت سلمى ودمعت فقال جاسر
خلاص وفرى دومع التماسيح دى
خلاص مابقتش اصدقها
طلعت غبى
علشان ورا الوش البرئ دا انسانه قذره
انسانه مبتحبش غير نفسها
خاينه غشاشه
سلمى:خلاص بقى كفايه
انا عملت ايه لكل دا
جاسر:انتى كمان بتسالى
يااااااااااااه ع الجبروت
يااااااااه
لحظت سلمى الدم اللى نازل منه فاتخضت وقربت منه وقالت انت بتنزف
زقها جاسر وقال
قلتلك ابعدى عنى
سلمى:جاسر اهدى ارجوك الجرح بينزل دم
جاسر:ايه خايفه عليا؟
سلمى:........
جاسر:ها
ماتنطقى
خايفه عليا ولا ماهتصدقى انى اموت علشان تروحى لعشيقك
سلمى:عشيقى؟!!!!!!!!!!!
جاسر:اه عشيقك اللى متفقه تخلصيه من القضيه وتتجوزوا اول ما اطلقك
سلمى:.......
جاسر:ماتستغربيش اوى كده
انا شفتكم مع بعض انهارده
والله اعلم بتكلميه وتقابليه من امتى
عايشه معايا وبتخوننى يااااااه ع القذارة
