The Legendary Gamer

TLG 6 : Walo

Guys, kung may makakasalubong kayong Magian Cirques sa Chapter na ito at hindi niyo siya magets... Para po mabigyang linaw kaso advance na, ang Magian Cirques po ay isang Magic Circle iniba ko lang po ang tawag! Maraming salamat!

¥¥¥¥¥

Nandito ako sa taas ng isang abandunadong gusali.

Alam kong walang ganitong lugar sa amin. Madumi ang paligid, lanta ang mga halaman, mas nangingibabaw ang kulay itim. Walang matitingkad na kulay ang iyong makikita.

Mula dito, kitang kita ko ang aming palaruan, kung gaano ito kabaliktaran ng aming mundong kinalakihan.

Gumilid ako dahil naramdaman kong may balang lumipad papunta sa akin. Ng akin itong nailagan, tumalon talon sa iba't ibang bubong ng mga gusali. Alam ko na nakasunod siya saakin habang nagpapaulan ng mga bala.

Bumaba ako sa may kalsada na nakatalikod sa kanya. Naramdaman ko nanaman na nagpaulan ulit siya ng bala kaya humarap na ako at nagpaulan rin.

Tinapat ko ang aking kamay sa kanya. "RAZU BOULETTE- KABOOM!" May lumitaw na Magian Cirques na kulay violet at ang lumabas doon ang Razu Boulette.

Razu Boulette, isa itong enerhiyang kulay pula na pabilog kung lumabas sa Magian Cirques. Nakapagtumama sa sayo ay ikamamatay mo sa loob ng benteng minuto.

Magian Cirques, isa itong pabilog na naikot at may iba't ibang designs at kulay na parang hologram kaso may kapangyarihan. Depende ang designs sa isang Gema at kulay ng kanyang buhok ay siya ding kulay nito.

Nung tumama ito sa kanya ay may malakas na pagsabog ang naganap kasama na ang makapal na usok. Nang mawala ang usok, wala akong nakitang bangkay niya.

'Scield Activate'

Scield, isa itong uri ng kalasag o proteksyon sa ano mang mahika at sa mga nakamamatay na gamit.

Pagkactivate ko pa lamang ng may naramdaman akong may tumamang enerhiyang itim saakin.

'Magian Cirques Stafo, activate.'

Stafo, isa itong uri ng Magian Cirques na kapag tumalon ka sa ere ay may maapakan ka, kaya ikaw ay puwedeng tumayo sa ere.

Tumalon ako sa ere, pataas ng pataas. Hanggang huminto siya kaya napahinto rin ako. Nawala ang makakapal na ulap na nagpapataklob sa aming paglalaban at katawan.

Nakita ko ang pagngisi at sabay pagapapakita ng mga alalang paano ang pagpatay saaking ina. Naramdaman kong nagiba ang kulay ng aking mata.

Ang kulay itim na iris ng aking mata ay naging kulay dugo at ang kulay matingkad na lilang pupil ko ay naging malalim na kulay pink.

"Masasama kayo, ang dapat sa inyo ay MAMATAY!" Hindi ko na kontrolado ang aking sarili, pero alam ko ang aking ginagawa. At ang higit sa lahat ay, hindi ako babalik sa dati hangga't hindi ko siya napapatay.

Marami akong binigkas na mga mahika na nagpahirap sa kanya. Ang dugo ng tangis at paghihinagpis na mabigyan ng hustisiya ang pagkamatay ng aking ina ay nananalantay saakin.

Tumaas siya ulit, sa bandang maulap at madilim na langit. Binuksan ko ang aking H.G at hinanap ko siya. Dahil sa Itim na enerhiyang kanyang tinama saakin ay madali ko siyang mahahanap gamit ang H.G ko. Ng makita ko ang itim na bilog sa mapa ay agad akong tumalon pataas.

"Razu Boulette...Kaboom!" nagkaroon ng malaking butas ang gitna ng ulap. Tumakbo ako roon at nakita ko siya, hindi lang siya, may kasama pa siyang iba na siya kong ikinangisi.