لن اتنارل عنكِ

البارت السابع

لن اتنازل عنكِ

بقلم زهرة الاقحوان

البارت السابع

كريم بابا انا محتاجك تجي وياي

ولك شنو تقصد😡😡😡

بابا ابوها مايقبل ترجع الا اذا اجيت انتَ وتعتذر

ولك ماتستحي جاي وتحجي هجي يمي حقير ماعرفت اربيك لك انتَ سكط

بابا  تدري انا شلون عايش وشلون متبهذل انا والجهال  بلياها يبه فدوه لخاطيري

اسمع كريم هاي اخر احجايه اكولها
اتبرى منك ومااريدك تنحسب ولد علي اذا جبت سيرتها واذا تريدنا من باجر تطلكها افتهمت😡😡😡

على صوت الوالد طلعو اخواني وخواتي والتمو الناس

ام كريم ياه من كل عقلك نرجع ام السحوره كلعتها افتكينه منها 😒
روح ارجع لعقلك

كريم درت واشوف الناس كولها ملتمه ولينا ودينا واحمد واكفين ولينا تبجي  منظرها هد حيلي

لينا المنطقه طلعو بصيحون عركه بيت ابو كريم  لزمت خواني وركت وبيبي طلعت وبعلو صوتها كلعتها ام السحوره
طشت بين الناس امي ام السحوره  تمنيت مانولدت ولاشفت هذا اليوم بحياتي

اجه بابا حضنه ورجعنه للبيت

كريم ايست من رجعت سهير بين اعناد اهلهاواهلي ضعنه وضيعنه اطفالنا
وانا اشوف جهالي وقلبي احترك عليهم 
جسمي كله خدر لكن مااهتميت الالم من قلبي مو من جسدي

صرت انا الاب وانا الام الهم  لينا كبرت وصارت شابه  واحمد كبر  بعد ماايست رغم كل محاولاتي برجعت سهير بس سهير ابد ماحاولت تسوي شي  وضغط اهلي باان اطلكها 
طلكتها غيابي وصار حبنه وحياتنا وصبرنه وتضحياتنه تجربه فاشله بالنسبه لعامة الناس تشوفها 😔

الى ان قررو اهلي يزوجوني   وفعلآ اختارو بنيه على معرفتهم  وصارت الخطبه وبالزواج طلبت لينا مني طلب ان اوديها لأمها  حسيت اكثر واحد من جهالي انظلم هي لينا  كانت حنونه ومحتاجه لأمها بس انا ماقصرت وياها

صار بابا بس تستقر الامور اوديج

وهنا تبدأ قصة لينا

لينا تزوج بابا وكانت حنونه علينا وتحبنه وبسرعه كسبت بابا وكسبتنا اني واحمد ودينا ظلينا نصيحلها ماما
احتضنتنه وكانت الام الحنونه النا

الحمد لله الله عوضنا فيها  بس ظلت غصه بقلبي اروح اشوف امي

ومر على زواج بابا سنه  بابا قبل اودينه لماما بعد الحاح منه

لينا الدنيا ماشايلتني حضرت ملابس واغراض اخواني  واخذنه بابا من الصبح بس الغريب بالامر  زوجة بابا لاودعتنه ومن ردنه نطلع ظلت نايمه مو من عوايدها 
يالله يمكن تعبانه ☺️المهم انشوف امي وبيت جدو 
واول ماوصلنه  كان منظرنه مؤلم

اخواني ظلو يبوسون بيد امي وعلى كتفها وبوجها وراسها
سهير  تعالي ماما  ليش مااشتاقيتي لأمج
يمه ليش رخاص عندج احنه
لا سئلتي مارف قلبج وحسيتي بينه
ليش يمه بنيه بعمر الورد سهله عليج تعوفيها
تدرين يمه الي بعمري بحضن امها تسمع وتاخذ نصيحه
واني اسمع حجي الناس الي مابيه رحمه ولا من الطيبه ريحه 😭

سهير  والله ماما مجبوره صح غلطتي ماحسبت حساب بيكم بس بعد ميفيد الحجي يمه خليني اشبع شوف منكم
صارت شوفتكم مثل هلال العيد علي

لينا بعد ماشفت ادموع امي حضنتها وماكنت اتمنى اكوم من عدها
امي بعد طلاكها دخلت اعدادية تمريض ونجحت من الاوائل وتريد تقدم على كليه

نسينه همومنه وتونسنه بيت جدو صح جدو همات ظلمنه بس كان حنين ويانه يحتار ايش يجيب وظل ياخذ احمد وياه وكانت احلى لحظات حياتنه
بعد شهر اجه بابا علينه ورجعنه
من رجعنه كانت زوجة بابا ماتطيقنه
مسمعيها كلام ان جهال كريم راحو يرون يرجعون امهم

بدأت السنه الدراسيه واني سادس اعدادي واحمد خامس ودينا بالثاني متوسط زوجة بابا صار عدها اولاد اثنين شفنه انواع العذاب والمعاناة اخذت زوجة بابا دور زوجة الاب مضبوط
كنت ارجع من المدرسه تستلمني  نظفي  انظف  مايعجبها
لينا غسلي اماعيين
لينا غسلي الزوالي
لينا طبخي
لينا غسلي ملابس
خاله حرام عليج مايصير اني طالبه والي وياي هسه لهين يدرسون يطلعون معدل مايصير كله علي
قللي هجي مراح اطلع معدل 😭

ولج والله صار عندج لسان وتصيحين اليوم يجي ابوكم وانا اعرف شلون اتصرف

احمد  لاتحجين هجي ويا اختي حرام كله عليها

ولك اسكت انتَ لو بيك حظ ماعافتكم امكم علي

والله لو مامره  جان عرفت شلون ارد عليج
اسمع اكلك اكل غير الوجبه الي اخليها مااريد اشوفك تاكل

ماكل من خير ابوي مو من خيرج 😤😤

وظل هذا وضعنه ورجعت المشاكل الى ان  ظلينا ناكل لوحدنه اني واختي واحمد

كملت ادراستي وكانت امي تتصل من الجيران في سبيل ترجعني
امتحنت وجاوبت وظلت يم الله

ان شاء الله تنجح  لينا وونفرح فيها
ويارب تفرج عليها 😘