لن اتنازل عنك
بقلم زهرة الاقحوان
البارت الثالث
سهير مرت ايام حملي ماحسيت بشي الحمد لله مو متعب حملي وعرفت جنس الجنين
بنيه وكريم طاير بينه من الفرح
ماظل ايام واولد
وعيالي ملتهين يتحضرون يرجعون لمسكنهم
سهير كريم اني تعبانه وهذي ايام الاخيره لحملي خلي اولد هنايه وراها نروح
لا حبي تولدين هناك احسن نستقر تعبنا من البهذله
ماطول انتَ هجي شايف اني قابل
عفيه بالسباعيه هجي اريدج
حظرنه غراضنه وحملناها وصلنا
الصدمه كانت اهنايه
الحكومه انطت شقه عن كل بيت هدم
يعني بيت اهل كريم كليتهم يكعدون سوى واحنه عائله جبيره
اكول كريم شلون راح تكفينه الشقه
كولي ياالله حبيبتي ماتظل هجي بس صبري والله يفرجها
مااعرف ليش حيل ضجت
ماطولت كم اسبوع ولدت
كريم لج شوفي سهير شلون حلوه بنتنا
اني تعبانه بس منظر كريم ويه بنتي انساني الالم
كريم سهير شوفي شكد مااحبج بنتي طلعت تشبهج
هههههه واني همات احبك شراح تسميها
يلوك الها اسم لينا
كانت بشرتها فاتحه وشعرها اسود مثل الكحل والرموش طويل والبراءه الي عدها تخليني ماتكدر افاركها
يالله حبيبتي كملت اوراقج امشي
لوحدك ظليت محد اجه ورانه شلون تركوك واني يدرون ماعندي احد
حبيبتي تدرين باامي تعبانه وملتهين بالهوسه وضعنا بعده مامرتب
يالله صيرلي سباعيه وكومي
سهير طلعت وبدأت معاناتي ومشاكلي ويه عيالي
بس نايمه
تاكل هواي
خدم عدها احنه
ام السحوره مدوخه ابنه
تحط سحر اله بالاكل
ظليت اقهر بنفسي عفت اهلي واجيت بالغربه شلون راح اعيش وياهم
كريم دخلت سهير ماكو وين سهير
خامده بعد وين
لاتحجين عليها يمه تدرين بيها الليل كله سهرانه مانامت
مو اكول انت مو طبيعي لازم مسويلك شي بس كحد يصدك
شبيج سهوره شعجب كاعده بالغرفه
😭😭😭😭😭كريم بعد مااكل
ليش شنو الصاير
ماتحملت كلتله كلشي صار
ماعليج حبيبتي صبري لخاطيري اني اجيبلج اكل بس لاتزعلين
ظل كريم بااستمرار ايجيب حلويات واكلات الها بالضم بدون ميلاحظون اهله
زادت المشاكل وصارت قضيه البيت سهير
سهير رغم كل الاذيه والكلام الجارح الي سمعته قررت اتحمل لخاطير كريم
صار عمر لينا خمس سنوات واني ضايكه المر بعينه
والدي توسط لكريم وعينه بدائره وبدأ كريم تتحس حالته
كريم من تعينت حبيت ارد الجميل الهم كلت اضم الفلوس واشتري شقه لسهوره تستاهل اتحملت
سهير بدت تتعب وماتكدر تكوم لحد ماعرفنا هي حامل
الحمد لله رغم الظروف والمشاكل بس فرحنا وصار عدنه حيدر
وبعدسنه صادت عدنا دنيا
كبرت عائلتنه لازم تطلع بديت ادور على شفه بدون ماتدري سهير حبيت اسويها مفاجأه الها
سهير مليت اذا تجي والدتي تصير مشكله ولان كريم زين ويحبني ظل الحجايه الي على حلكهم ام السحوره ام السحوره الخارمه خبيثه زاد كلامهم علي
ظليت اختنك المن افضفض كان متنفسي الوحيد احجيه لكريم
الحمد لله لينا كبرت وسجلت بالمدرسه
وكانت دائمآ احسها اكبر من عمرها تتحسس للكلام الي تسمع وتكبت الي تسمع ابدآ ماتتكلم فيه
كريم ظليت اعاني اهلي يستقبلوني مرتك هجي ومرتك كذا ادخل غرفتي استلم سهير تبجي وتحجي ظليت بين نارين بين اهلي ومرتي واي واحد اكون بجانبه اخسر الثاني
ظليت مااتمنى ادخل للبيت
ظليت ادور ليل بنهار على شقه اريد اطلع
وصدفه واني صاعد للشقتنا جارنا صاح علي
كريم مو تريد شقه
اي والله تعبت وانا ادور
خويه اخذ شقتي انا راح اسافر والسعر مانختلف عليه
الحمد لله صارت الشقه من نصيبي
اجيت لسهير
سهوره سهور كومي ياعيني
اووووو اتركني كريم اني كلش تعبانه
كومي ياعيني بسرعه لبسي عباتج
عباتي خير 😳
😡😡😡😡شبيج ماتكومين
لبست عباتي واخذت دينا على ايدي واحمد يركض ولينا كانت كاضه ايد ابوها وتمشي
كريم دكيت باب الشقه طلع الرجال ينتظرنه فارغه الشقه سلم المفاتيح
سهير كريم كولي شديصير 😨
حبيبي هذا بيتج
صدوك تحجي ذبيت دينا من ايدي
كلللللللللوش ربي ماقصرت
يالله سهير امشي نرجع
شتحجي انت ابد ماارجع
لج يامره كومي وبعدين نرتب امورنا
لاوالله ابد ماني متحركه اليوم اظل هنا
فرشت عباتي وكعدت هاي كعدتي
كريم 😳شبيج يامره
الله يساعد قلبك ياكريم اني ظل قلبي يوجعني عيني الجناين على كيفكم ويه الرجال مو مستلماته كركر😁😁
فديت المتفاعلات والله نورتو
زهرة الاقحوان
ESTÀS LLEGINT
لن اتنارل عنكِ
Chick-litمعاناة المرأه في وسط مجتمع جاهل امرأه ظلمت بسبب مجتمع وتم ابعادها عن اغلى شي لديها تعيش ابنتها في نفس دوامه الحزن لكن هل ستنصفها الحياة لمعرفة تفاصيل القصه تابعوني
