Magisch Academy: The Heartless Princess

CHAPTER 20

"Uhm... Ma'am-" di ko na natuloy ang sasabihin ko ng sampaling ako ng babae. Napahawak ako sa pisngi ko na sinampal niya. Nakita kong dumami na din ang mga tao. Nagsimula naman ang bulungan. Kung bulong nga bang matatawag iyon kung halos isupalpal na nila sa mukha ko na kesyo halimaw daw ako, walang puso, kampon ng demonyo at anak ni satanas.

"Anong ginawa mo sa anak ko ha?! Halimaw ka talaga!! Pati bata pinapaiyak mo! Halimaw!" sigaw ng babae. Gusto kong umiyak pero walang lumalabas na luha sa mga mata ko. Gusto kong ipakita na nasasaktan din ako dahil tao din ako katulad nila pero ni isang butil ng luha walang lumalabas sa mga mata ko.

Naglakad na lang ako paalis dahil walang silbi kung sasabihin ko pa sa kanya ang nangyari. Di din naman siya maniniwala. Well wala naman talagang naniniwala sakin. Kahit nga mismo sarili kung magulang. Napabuntong hininga na lang ako saka pumasok ng bahay at di pinakinggan ang babae.

Pagdating ng hapon ay may kumatok ng malakas sa pinto ng kwarto ko. Pagbukas ko ay sampal agad ang bumungad sakin. Kotang-kota na ko sa sampal ngayong araw ah. Pagtingin ko si mommy pala.

"Ano bang sinabi ko sayo ha?! Diba kabilin-bilinan ko na wag kang lalabas ng bahay?! Bakit ba ang tigas ng ulo mo ha?!" galit na sigaw niya sakin

"M-mommy-"

"Wag mo kong matawag-tawag na mommy dahil wala akong anak na demonyo! Sana nga di ka na lang namin kinuha noong binigay ka samin ng babaeng iyon noong sanggol ka palang nang sa ganoon di nagkanda letse-letse ang buhay namin ngayon! Salot ka talaga sa buhay namin!" sabi ni mommy na kinagulat ko. A-ampon ako? No wonder ganito na lang nila akong pakitunguhan. Ni minsan hindi ako minahal ng adoptive parents ko at ipinamigay ako ng biological parents ko. What a great life.

"Ang dapat sayo mamatay! Wala ka namang silbi! Salot ka lang sa buhay namin!" sabi ni mommy saka hinila ang buhok ko at iniuntog sa pader. Nahilo ako sa sobrang lakas ng pagkakauntog niya sakin. Pakiramdam ko naalog ang utak ko dun. Kahit di ko tignan alam kong nagdudugo na ang ulo ko dahil may naramdaman akong mainit na likido na tumutulo sa mukha ko. Kinaladkad ako papunta sa kung saan.

"Mommy tama na po. Nasasaktan na ako. Di na po ako uulit" umiiyak na sabi ko

"Di na talaga mauulit dahil papatayin na kita!" sabi ni mommy

Nakita kong nandito kami sa banyo. Mabilis niyang inulublob ang mukha ko sa tubig. Di na ako makahinga kaya pinipilit kong magpumiglas. Pero ano nga bang magagawa ng isang 6 years old? Biglang may kung ano akong naramdaman sa katawan ko. Nakita ko na lang na tumalsik si mommy at malakas na tumama sa sahig. Nagkaroon pa ng crack dahil sa lakas ng impact.

Nanlaki ang mga mata ko sa nangyari. No! No! It can't be!

"M-mom" sabi ko at napahawak sa bibig ko habang lumalapit sa kanya. Umagos ang dugo sa mukha niya.

"Sheryl!"

Napatingin ako sa sumigaw. Nakita ko si dad na nanlalaki ang mga mata. Mabilis siyang tumakbo papunta kay mommy. Niyakap niya ito habang umiiyak.

"D-dad I-I'm sorry" sabi ko habang umiiyak. Mabilis niyang binaling sakin ang paningin niya at tinignan ako ng masama.

"YOU! You killed my wife!! Wala kang utang na loob! Pagkatapos ka naming pakainin at bihisan ito ang igaganti mo samin?! Halimaw ka! Isa kang demonyo!" galit na sigaw ni daddy