صدمة حياتي

الحلقة الثانية عشر

محمد ضاغط ع يدي ومسكر عيونه 💓

اني لفيت عليه وقعدت نشبحله .. حسيت موقعي غلط كنت قريبة منه بكل وخرت وقعدت نجبد في يدي .. محمد إنتبه لي نفسه وطلقني ✨

اني: نبي نطلع

محمد وهو مش قادر يتكلم: باهي اصبري شويا مرات ماطلعش

اني: به .. ولفيت للجيهة التانيه شفت المدكرة مفتوحه وحاطها ع سريرها "😍 هدا وقتك .. وشفت لي محمد لقيته منزل راسه ومش منتبهلي .. قعدت نوخر بالشويا والإبتسامه علي وجهي .. واني شديتها من هني ومانشوف غير محمد طيارة لي عندي وواخد مني المدكرة "✨

محمد: كم مرة قتلك معش تاخداها

اني : باهي قولي شن فاها

محمد: حاجه تخصني باش تفهمي 😠

اني قعدت نشبحله .. هدا خيره يعيط عليا هكي .. شبحتله من فوق لي لوطا وطلعت من الدار وسكرتها بالقوة ✨

محمد تنهد وقعمز ع السرير : اووووف علي وشك كنت حانغلط .. تي قربها مني موترني ومش قادر نشد روحي ... تيي ااااه ياشيماء كان تحسي بيا بس 💔

~

~

~

رتاج: تي وين كنتي قلبت عليك الدنيا

اني: ااه في الحمام .. خيره وجهك انتي

رتاج: راسي يوجع فيا

اني: في التلاجه فيه بنادول خشي خودي

مها: حتى اني راسي تو نجيب ليا وليك

رتاج: اديري فيا خير مش قادرة نوقف

خشت مها للكوجينه خدت البنادول ... وعبت اميه وجت بتطلع يوسف خش ✨

يوسف: سلامتك خيرك لاباس

مها: ااه الله يسلمك صداع شوي

يوسف: اكيد من تعب القرايا خودي راحه شوي وخفي ع روحك

مها: وانت شن دخلك 😒 .. وطلعت من جنبه

يوسف حس بسكين خش في قلبه .. رغم انه الكلمه عاديه بس كانت كبيرة بالنسبه لي يوسف ... "مش عارف خيرها مش طايقتني والله انحبها ومستعد اندير اي شيء علي خاطرها .... بس هي نحس فاها تكرهني او مش عارف .. اوووف شن درتلها باش تكرهني هكي 😔"

ردينه: يوسف تبي حاجه 💓

يوسف وهو يعيط : لااا مانبي شيء اخطيني 😠 .. وطلع من الكوجينه وخلاها واقفه مع علامه الصدمه علي وجهها ... دمعت عينها من حرقت قلبها وحبها ليه رغم انها متأكدة انها مايحبهاش .. بس كانت ديما تكدب علي نفسها وتوهم فاها بحبه "💔

~

~

~

امل شربت إميه وتسمع في صوت الريح ... قعدت ترعش وخاايفه خشت لي دارها تجري وسكرتها وهي ترعش .... خدت فونها واتصلت بعبدو ✨