عمر: 😳 شن تقولي ؟
حولت نظرها من الروشن وشبحتله : تجوز نسيبه!
عمر: نسيبه بنت عممي؟
سلمى: علاش تعرف غيرها
عمر: عقلك صارله حاجه ؟
سلمى: لا... وهدا طلبي !
عمر: طلبك مرفوض
سلمى: يعني شنو ؟
قرب منها ووقف قدامها .. وخرت خطوه .. قدم منها .. هي توخر وهو يقدم ... لصقت ع الحيط .. حاصرها .. بتطلع من الجنب .. حط يديه ع الحيط وقعد مسكر علاها .. نزلت راسها وجسمها كله يرعش
سلمى: وووخخخخر😣😣
عمر: كيف تبيني نتجوز غيرك !
سلمى وهي منزله راسها : درتها مرة
عمر: عارفه سببي
سلمى: وحتى هده لاها سبب
عمر: تقدري تشوفيني زاف غيرك ؟
سلمى: معش تفرق معاي
عمر : قيمي راسك
سلمى: مانبيش وحول من قدامي
قدم وسكر علاها بجسمه .. مد انامله وقاملها راسها ... رخت روحها .. وراحت في نظرات عيونه ...
عمر بصوت هادىء: استاحشتك💔
سلمى:.....
عمر: يحرم عليا نتجوز غيرك .. ويحرم عليا نمس غيرك ... ولو هدا طلبك باش تسامحيني .. فا بلاش منه
عيونها تعبو دموع وهي تشوفله وتسمع في صوته .. حولت نظرها لي مكان تاني وتكلمت: وخر بنمشي💔
عمر بصوت مخملي: انحبك💓
نزلت راسها وتكلمت: واني معش نحبك وخر وخليني نمشي
عمر: قيمي راسك وقولاها
سلمى: مانبيش .... ووخر خليني نمشي 💔
مد انامله تحت دقنها وقاملها وجهها ..شبح لي عيونها .. وتكلم بصوت هادىء: قعده تحبيني وماتقدريش تنكري💔
دموعها نزلو وقعدت ساكته ... مسح دمعاتها .. ومرر صبعه على خدها ... سكرت عيونها بقوه وكلها ترعش .. قرب وجهه منها بالشويا ... نبضات قلبها زاادو .. وانفاسها يعلو .. سكرت قبضه يدها بقوه .. وجسمها بالكامل متشنج !!... رخت يدها ،وجسمها، وعيونها ... اول مالتصقو شفايفه بشفايفها ... لحظه وتانيه ودقيقه! .. فات من وقتهم !.. تمنت لو الوقت يوقف في هالحظه! .. تمنى لو كانت حلاله ويراضاها بطريقته! ... وخر وجهه شويا .. وهي وجهها احمر وتاخد في نفس بصعوبه... يحرك في صوابعه ع وجهها ويشبح لي عيونها
عمر : انحبك .. انحبك .. انحبك💓
دموعها نزلو .. ودفاته بالقوه : حقيييير😭😭 .. اخر مرة تقررب مني 😭 ... معش نبي نشوف وجهك 😭 ... خدت شنطتها وطلعت تجري✨
