سلمنا ع بعض وقعمزنا .. طلبنا .. كان عبدو مقعمز قدام الباب واني مقابلاته ... والبنات جنبنا .. فجاأه قام عيونه ع الباب وإبتسم بروحه ... استغربت لفيت لقيتها امل .. اشرتلها بيدي .. جتنا وعبدو ماحولش عيونه من علاها وهو مبتسم ✨
هدايه : هادي امل 😒
اني: اي علاش ؟
هدايه : مابركك يالأولا
عبدو بالشويا :هدايه 😒
ردينه: شن تقصدي
امل: ها هههه رودي خيرك .. وقعدت تفنص في عبدو
عبدو: احم تفضلي
قعمزت امل جنبي ... قعدنا نهدرزو عادي .. ومرة مرة هدايه تحدف كلمه .. بس اني مش فاهمه شيء
رتاج: هادي خير عمها
ردينه: تبي بونيه ع كرشتها 😠
مها: ههههههههه سمعاتك ياوسخه
هدايه: اني خاشه للحمام
عبدو: باهي
اني: حبي وين سارح
عبدو : في عيونك ياعمري
اني: خلينا ناخدو طاولة بروحنا
عبدو شبح لي أمل: علاش ياعمري حتى هني عادي
اني: به ع راحتك .. وتلفتت لي أمل
اني خاشه للحمام بنساوي وشاحي
امل: انوض معاك
عبدو فنص فاها
اني: لا عادي خليك
امل: به زي ماتبي ..
خديت شنطي ونضت .. عبدو حط يده ع دقنه وسرحان في أمل ... خدت فونها وبعتتله مسج "حبي نزل عيونك البنات معانا تو يحسو "
رد علاها "مش قادر كان نلقا نخطفك ونهرب بيك "
قرت المسج وضحكت .. حطت فونها وشبحتله
ردينه: خيرها امل تبتسم زي الهبله
مها: وخيره عبدو يشبحلها هكي ؟
ردينه: كيف يشبحلها
مها: شيء شيء عادي
~
~
~
~
هدايه : من اكبر انتي ولا أمل
اني: امل !
هدايه: امممم ديري بالك منها
اني: من مني ؟
هدايه وهي إدير في روج وتشبحلي من المرايا : من امل اختك
اني ضحكتلها : ههه امل اختي ؟ خيرك انتي؟
سكرت شنطتها وقربت مني : خليك علي نياتك😒 .. وطلعت
اني: خيرها هادي 😕 ... ساويت وشاحي وطلعت ... لقيت امل مغيرة مكانها ومقعمزة جنب هدايه
