امل: الي نديرو فيه مش شويا ... والله تموت كان عرفت
عبدو: شن الي نديرو فيه .. نحبك وتحبيني .. لاعيب ولاحرام
امل: نحب حبيب اختي ... انت عارف صح
عبدو: مش بيدي ولابيدك الشيء هدا ... حبيتك وحبيتيني ... خلاص وهي لازم تتفهم الشيء هدا
امل: مستحيل ياعبدو مستحيل ... شيماء أقرب وحدة ليا .. في خواتي... وهي معتبرتني صندوق اسرارها ونصها التاني .. تخيل تعرف انه نخون فاها .. والله تنهار وتموت
عبدو: وباهي هدا حل في رايك ... لانكلم فيك زي الناس ولانتلاقو زي الناس ... وكله ع سبه اختك ...
امل: كيف تبيني نكلمك .. واني عايشه معاها في نفس الدار
عبدو: ماهو قتلك خليني نحكيلها وننهو المهزلة هادي كلها
امل: اصبر شويا والله ماوقتها توا
عبدو: اوووف باهي ... لكن مش حانصبر اكتر
امل: حبيبي عادي نمشي معاها لي زكرياء
عبدو: لالا ياعمري فكينا
امل: علاش باهي ...والله كساد خليني نغير جو
عبدو: فوتي ياعمري لالا ... اصلا مستاحشك ... اول ماتمشي شيماء رني عليا نحكو
امل: امباه وحتى اني مستاحشاتك هلبا🙈
عبدو: حليلي .. نموت اني راه
امل: بعيد السو علي قليبي
عبدو: خلاص حبي نكمل الي في إيدي ... واول ماتطلع شيماء كلميني
امل: تمام به
~
~
~
~
~
~
~
ردينه: مها نلبس هدا ولاهدا ؟
مها:😳 ردينه انتي من عقلك ... تي راك ماشية لي حوش خالي مش لي عرس
ردينه: وخيرهم عاديات
مها: شن عاديات شوفي كم لون في اللبسة ... وشوفي قصرها ..
ردينه: دبشي كله هكي
مها: خودي من حوايجي
ردينه: تشوفي فيا مهبولة ... خيرني قعدة بعقلي
مها: مصح وجهك شن تقصدي
ردينه: شوفي لبسك كله اسود .. ويدره الكبد انتي وين والموضه وين
مها: اقل شيء مرتاحه من وجع الراس الي انتي فيه توا ردينه: غير فكيني توا وخليني نختار ... اممم هادي احلا .. خلاص بنلبس هادم
مها: ع خاطر يوسف صح
ردينه: وهو فيه غيره😍
مها: ردينه الولد مش شايفك بكل ... خلي عندك كرامه .. ومعش تجري وراه
الحلقة الاولي
Start from the beginning