أحببته فجننته بحبي

الحلقة الثامنة

لبست اسيل قفطان اشهب طويل ومعاه جكيت جينز وسبدروها الابيض وطلعت

.......عند محمد.....

صكر علي حنان

حس روحه تضايق غير ملابسه ع الشط

وركب سيارته وقعمز ايفكر

محمد: تواا انا وين نمشي.. مستحيييل انروح للحوش بعدين تستلمني

الحويجه هياا الثانيه

لاكن وييين بنمشي??

خطرت عليه اسيل

محمد ف خاطره: زعما نمشيلهم

ولع سيارته وماشي لحوش اسيل

.....عند ايوب.....

ايوب: بكم الكنافه

صاحب الحلويات: الكيلو ب50د

ايوب: هممممم والبقلاوه

صاحب الحلويات: الكيلو ب30د

ايوب: تمام نبي منهن كيلو كيلو وزيد حلويات راقيه من عندك

صاحب الحلويات: تم ب 150د من فضلك

ايوب عطاه الفلوس: تفضل

صاحب الحلويات: ممكن نسئلك سؤال

ايوب: نعم

صاحب الحلويات: كان عندك مناسبه المقدار اللي خديته ميسدش

ايوب: لالا معنديش مناسبه..عندي بقره ف الحوش تكلني وتكلك (يقصد اسيل😂)

صاحب الحلويات يحسابها مرته: ههههههه امالا تسدكم😂

ايوب: ههههههه هي السلام عليكم

ركب ايوب سيارته وروح للحوش

طق طق طق

اسراء كاينه ف المطبخ باديه ف البيتزا ..رايحه كلها دقيق حتي من شعرها

(غيرت قفطانها مش ميمسخش ولبست توته من ملابس اسيل ودارت شعرها كوده)

اسراء مشت بتفتح

اسراء: منووو

ايوب: انااا ايوب

اسراء قلبها يطق: حييييييي انا بروحي ف الحوش

شن نفتحله ولالا😰

قعدت سرحانه

ايوب ايطق: ت افتحووو الباب

اسراء بتوتر: هي جاايه

فتحت اسراء الباب وتقابلت هي وايوب

ايوب لما شافهاا هكي قعد يضحك من قلبه😂

اسراء: ايه اضحك عليا

ايوب: شوفتي منظرك ههههههههه

اسراء بتضحك: هاهاها ضحكتني😒

ايوب: طالعه زي الشيف لاكن شيف طرف

اسراء تحشمت هلبا وجهها ولي احمر

ايوب قعد يشبحلها: هههههههه انبصر معاك

ايوب: جبتلكم كنافه وبقلاوه وحلويات

اسراء شبحت فيه: جبت بقلاوه

ايوب: ايه مهو عارفك اتحبيها 😍

اسراء:وشن عرفك

ايوب:لان انا انحبها حتي انا😎

اسراء:😒 😍

اسراء خدت الشكايره من ايوب ومشت للمطبخ

ايوب صكر الباب ولحق عليها

ايوب: وين اسيل

اسراء: مشت بتجيب خميره من الدكان

ايوب: والله ومن قاللها تمشي بروحها😠..

اسراء: انا قلتلها..لان نبي اندير بيتزا لاكن معندكمش خميره انت كنت طالع لهدا مشت بروحها

ايوب: باه حسابها بعدين

اسراء: انصبلك الغدا

ايوب: ايه والله بنموت من الجوع

اسراء خدت صونيه وقعدت تصبله ف الفصوليا وحطتله براك وامبطن وبيبسي

ايوب قعد يشبحلها ويتخيل فيها مرته ويبتسم😍

اسراء اللتفتله: خيرك اتبسم

ايوب انتبه ع روحه: هياااا جعان

اسراء: هاااااك

اسراء جت بتطلع من المطبخ بتمشي لدار اسيل

ايوب: تييييييييي هيييييي...وين ماشيه ومسيبتيني تبيني نتغدا بروحي

اسراء اللتفتتله: مصح وجهك لا بلكي تبيني انقعمز ناكل معاك😒

ايوب يبتسم: لالا نبيك اتوكليني

اسراء كشخت وجهها

ايوب يشبحلها ويضحك: ههههههههه😂

اسراء: سامط

ايوب: لاكن تعرفي حاجه

اسراء ساكته

ايوب: تهبلي وانتي حامقه😍

اسراء معرفتش اترد عليه بس ابتسمت

ايوب معطهاش فرصه ناضلها وباسها ع فمها

اسراء:.😱😲

يتبع