أحببته فجننته بحبي

الحلقة السابعة

محمد: اسمعي 😡انا مستحيل نتزوجك انا منحبكش نكرهك ومنبييييييييكش

لهذا ريحي روحك وريحيني بدون مشاااكل خيرلك

وصكر التليفون ف وجهها

حنان مصدومه وحامقه: تفيييييييي ياابن ال******* يا***** ت والله لمتشووووف

مشت حنان لامهاا وحكتلها اللي صار

رقيه: ههههههه يناري ايسخف هالمحمد ميعرفش من رقيه وبنتها

حنان: عندك خطه

رقيه: وتي روحك والبسي احلا لبسه عندك ومكيجي زين

حنان: ليييش

رقيه: ديري اللي قلتلك عليه بلا كلام زايد

حنان: باه

مشت لدارها وطلعت لبسه* قفطان اسود طويل فيه ورد احمر من الكمام ولبست اكسسوارات ودارت مكياج (( طالعه شينه ))

شويه ويجيها اتصال

حنان: الووو حبيبي

فهد: هااا شن صار معاك امتي بتتزوجي هالزفت وتجيبي فلوسه

حنان: عليش كل ماتتصل بيا تبدا ف هالموضوع,,, لا سلام لاكلام لاتسئل علياا بكل

فهد: اتفوتيني خير احنا بيناتنا اتفاق 😒

الاتفاق:- ان حنان تتزوج محمد وبعدها تاخد فلوسه بماا انها حتعتبر زوجته تحولن ل رصيدها بعدها تهرب مع فهد بالفلوس..

فهد هذا واحد فقير ماضيه اسود ومجرم شداته الشرطه ف هلبا مواقف سرقه, عركه,نصب...الخ

لما لقا حنان خدعها انه يحبها ويبي يتزوجهاا عاش معاها علاقه فتره وبعدين اقترح عليها الاتفاق

حنان وافقت وكانت تفكر ان بعد تقبض الفلوس تاخدهن وتهرب بيهن لروحهاا

وفهد كان يفكر بعد ماتعطيه حنان الفلوس يهرب بروحه بيهن وسيبها

ورقيه تعرف بفهد والاتفاق ومستمره معاهم ف كل خطوه مش تاخد حصتها من الفلوس

حنان: توا عندي ظروف ومشاكل صغيره نبي وقت

فهد: عطيتك سنه كامله مش تلطفي الجو قبل لايروح من السفر تواا نبي التنفيد

حنان: عشااان حبنا نبي وقت اكثر

فهد ف خاطره: ههههه "عشان حبناا" مسكينه 😒ت عشان الفلوس بس

فهد: بااه انزيدك وقت وتو انشووفك

حنان: شكراااا حبييييبي والله مافي___

طوط طوط طوط

صكر عليهاا

حنان: امبكري الحيوان محمد وتوا انت ت والله لماا تشوفهها اتصكر ف وجهي انا

خشت رقيه للدار

رقيه: واتيه

حنان: ايه

رقيه:.....

(( عند اسيل ))

مشت اسيل واسراء لدار اسيل

اسيل: شووفي لاب توب بتاعي

اسراء: ياااااااي يا اسيل ايهبل 😍واحلي حتي من بتاعي

اسيل: هههههه نعرف

تعالي اسمعي هالاغنيه

فتحوا اغنية سعد لمجرد وقعدن يرقصن ويغنن😍

ويصور ف صور عالسناب

بعد ساااعه

اسيل: حسني جعت

اسراء: حتي انا

اسيل: تعاالي معاي للمطبخ غدانا واتي

اسراء: شن غداكم

اسيل: والله منعرف....ماما قبل متطلع قالتلي الغدا واتي كان جوه خوتك وبوك صبيلهم

اسراء: لالا امالا خليه الغدا لخوتك وبوك انا تو انروح نتغداا ف الحوش

اسيل: بلا طروح الضيفات انتي زي اختي واكتر وان شاء الله حتصيري مرت خوي😂

اسراء: صكفمك حيواانه 😠

اسيل: ايزي ايزي ههههههههه😂

نزلن للمطبخ والغدا كاين فصوليا وبراك وامبطن

اسيل: فصوليا ياعيني غاليه عليا

اسراء: انديرو معاها بيتزا ع السريع

اسيل: ايه هياا..لاكن بشرط

اسراء: شنو

اسيل: انت ديريها لان طريقتك اتهبببل زي امتاعت المحلات😌👌

اسراء: اوكي اتفقنااا

طلعيلي المكونات بس

اسيل: باااه

اسراء سمت المكونات واسيل تعطيلها فيهن

اسراء: خميرة خبزه

اسيل: خميرة خبزه...خميرة خبزه

حييي معندنااش خميرة

اسراء: كييف بنديرها امالا البيتزا يافالحه

اسيل: لالا عاادي تو انقول لايوب ايجبلنا من الدكان راجي..

اسيل طلعت من المطبخ اتدور ف ايوب

اسراء: ها شن قال??

اسيل: مهنااش ف الحوش شكله طلع

اسراء: خلاص فوتي البيتزا اليوم

اسيل: لالا ويييين انا نمشي انجيب من الدكان القريب...معندكش سبله ايوااااه 😂هههههههه

اسراء: باه يابارده امشي بسرعه

نبيش نقعد بروحي

اسيل: به 10 دقائق بس

لبست اسيل قفطان اشهب طويل ومعاه جكيت جينز وسبدروها الابيض وطلعت😍

يتبع