رحمة

بارت 19

#رحمة
#طيبة الربيعي
||البارت التاسع عشر||

بهذا اليوم اني چنت وحدي بالبيت فاروق وعلاء رايحين بشغلة شغلهم صار كلة سوة ونسرين تشتغل ابيت ام سامي بس تمر علية بوقت استراحتهة..

چنت هستوني مصلية وداحضر مواد الدولمة لان فاروق اشتهة وگال علاء ياكل يمنة اليوم.. هو اغلب اوقاتة يستحي يتغدة يمنة فااني اوديلة الاكل ومرات نسرين تسويلة اكل..'طيبة_الربيعي'

فسمعت الباب اندگت واني كل ضني هاي نسرين.. شمرت شالي علة راسي هيچ شلون ما كان ورحت فتحت الباب.. صارت بوجهي مرة تطلع بالتلاثينات هيچ او اقل بس مو صغيرة.. ما محجبة ووجهة متروس مكياج بس صراحةً حلوة

رحمة: تفضلي عيني اهلا وسهلاً
-انتي مرة فاروق؟
رحمة: اي اني، انتي منو بلا صغراً بيچ

اشو هاي دخلت وهجمت علية وسحلتني من شعري بالگاع

-خطااافة الزلللم ام الرياااجيل الوصخةةة تاخذين رجلي وبكل عين صلفة تگعدددييين ابيييتة والله لشوفچ انجوم الظهر اليييووم والله
رحمة: لججج اتررركيني منوو انتيييي
-اننيييي روووووى ولج روووى مرتك وابن ابنة وحبيبتة الااااولى يا قذااارة ياا زبااالة

واني روحي رايحة بين ايديهة ايريد اخلص نفسي ماااگدر.. كل همي چان اخلص شعري من ايدهة گطعتة تگطع ابچي وادعي عليهة وعلة فاروق الحطني بهيچ موقف..'طيبة_الربيعي'

روحي رااحت صرخت بأعلى صوووتي وماحسيت الة والحرس والأمة كلهة فوگ راسي خلصوني منهة بالگوووة

نسرين: ادبببسزززز انتي تعررفين هاي منوووو والله اليوم فاروق يدددفنننچ
روى: خلييي يجييي ولچ الة اااكلچ باسناااني

طلعوهة الحرس والبنات وام سامي بقو يمي يريدون يفتهمون مني واني وحدي كلشي ممفتهمة.. بس الي افتهمتة فاروق خاين ونذل.. ام سامي طلعت لان ذيچ صوتهة يلعلع والبنات بقو يسألون..

گاعدة بالگاع وابچي علة حظي الملطم والمصخم.. اباوع شعري منثور بالگاع وثوبي مشگوگ من الچتف

امال: والله حلوة هاي جبتي عركاتچ البيتنة
حلا اختهة سكتتهة: امال مو وقتچ سكتي، يلة بنات امشو خل نشوف المصيبة هاي شنو

اخذتهن وطلعن.. واني مصدومة وحيلي مهدود فقدت وگمت ابچي يمكن هسه يلة استوعبت الصار وفاروق متزوج واني الثانية

نزلت علية نسرين: منو هاي الكلبة ليش هيچ سوت بيچ
ابچي واحچي: لچ نسرين متزوج، طلع متزوج وهاي مرررتة، الله ياااخذني اننني مااارتااااح'طيبة_الربيعي'
نسرين: شنوووو
رحمة: والله لچ گلبي وجعني ركضي جيبي البخاخ مداگدر اتنفس