#رحمة
#طيبة الربيعي
||البارت الثالث||
ام هيثم: السلام عليكم
رحمة: وعليكم السلام
ام هيثم: ممم شغل نضيف من اول يوم، نقطة الصالحج، سوي العشة وروحي بعد هذا هو اذا غسلتي الملابس
رحمة: غسلتهم وجففتهم وشريتهم وورة العشة اسفطهن قبل لا اروح
ام هيثم: تمام عاشت ايدج
رحمة: تعيشين انتي ست
وهاي جانت اول مرة وآخر مرة تكولي عاشت ايدج... بعدها مرت الايام عادية شغل وهدوء قاتل...من اروح البيتنة بس الغي وية ماما حتة ادوخ مني اكللهة شسوي همة هناكة عبالك اموات حتة وية بعضهم ميحجون...'طيبة_الربيعي'
ماما لحد هسه ممطمنة وتكولي اخذي اول راتب وبطلي...ام عبير اجتنة تصالحن هية وماما تعرف امي من خوفهة علية حجت هيجي وتعرف بينة شكد نحبهة ونعزهة لهذا السبب مناخذ علة بعضنة...
لكن حسين ضايج مني لان اشتغل واني محبيت انطي اهتمام وأملة زيادة ماريدة يفكرني رايدتة وميتة عالزواج لان فعلاً مافكر بهل موضوع واني بهيج وضع... حالتي متسمحلي احب واتمعشكَ...
ورة اربعة ايام بالضبط جنت داسوي العشة والبنات والأماية كاعدات بالحديقة سمعتهم طبو ووياهم صوت مال رجال ضحك وسوالف...
يمكن لو ابوهم لو اخوهم مادري...اسمعهم كعدو بالهول والفهمتة ابوهم لان البنات صاحن بابا...ورة شوية صاحتني الأماية...رحت
رحمة: نعم ست
ام هيثم: ابو هيثم هذي رحمة الخدامة الجديدة، سلمي علة ابو هيثم رحمة'طيبة_الربيعي'
اني مدنكة واحجي...باوعتلة رجال جبير بس أنيق ومبين معتني بروحة الى ابعد الحدود
رحمة: السلام اعليكم استاذ
ابو هيثم: وعليكم رحمة، اهلاً بيج، شلونة الشغل وياج مرتاحة؟؟
رحمة: اي الحمدلله نعمة
ابو هيثم: شنو انتي تروحين وتجين بتكسي؟
رحمة: اي
ابو هيثم: ام هيثم ميجوز هاي هيج فلوسهة كلهة تروح عالتكسيات، وهية ماشاءلله حليوة وبنية شابة
ام هيثم: كتلهة اخلي السايق يجيبج ويوديج مقبلت بعد براحتهة
ابو هيثم: لا بابا ليش متقبلين ميجوز تروحين وحدج وانتي بنية ماشاءلله عليج
رحمة: لا استاذ اني متعودة اروح واجي وحدي مو مشكلة ماريد ازحمكم
ابو هيثم: لا منا وجاي السايق يوديج
رحمة: لا استاذ والله ماكدر اني اريد اعتمد علة نفسي والة اروح واجي وحدي
ابو هيثم: هاي هية براحتج
رحمة: الله يسلمك استاذ
ام هيثم: يلة رحمة خلصي الي بأيدج وروحي بعد قبل لتظلم
رحمة: ماشي ست من رخصتكم
عفتهم ورحت للمطبخ ايدي علة كلبي... غير اهل المنطقة يدكولي طبل واصبعتين اذا سايق يجيبني ويوديني...'طيبة_الربيعي'
هو اني هيج وكوة خالصة من حجيهم مو زين ممطلعيني بنت شوارع لان اشتغل...حتة لو يعرفون بظروفي تبقة الناس الهة الظاهر...
YOU ARE READING
رحمة
Romanceتناثرت قطع طفولتي، انوثتي، برائتي... ببساطة ...هدم الذئاب حياتي رغم كل ذلك نسيت أن الله سبحانه يمهل ولا يهمل مد لي يد العون بعد صبرٍ طويل ... رحمة...ذات التاسع عشر سنة تُجبر على الصراع مع عثرات الحياة بمفردها.. مقطوعة من شجرة.. يتيمة الأب.. فاقدة ال...
