#رحمة
#طيبة الربيعي
||البارت الثاني عشر||
عفتة وطلعت امشي سريع ورجلية يرجفن.. حقير كلهم نفس الشي مابيهم واحد يخاف ربة.. وصلت للمطبخ سمعت صوتة
فاروق بهمس: رحمةة وج رحمة اووكفي والله مو قصدي
دخلت حسيت بي جرني.. دفعتة
رحمة: شنو فرقك عن هيثم هسه ثنينكم استغليتو ضعفي ونظرتولي بهل نظرة القذرة، ماريد اشوفك بعد!
ركضت الغرفتي وسديت الباب.. گعدت عالسرير گوة التقط انفاسي.. حتة انتة استغليتني.. اني الغبية شوداني يمك شنو الي خلاني اوثق بيك وانتة من ضمن جنس ادم..'طيبة_الربيعي'
اني الغبية سويت بحالي هيج.. شوداج يمة الله ياخذج انشاءلله.. بس هو شلون گدر يسوي هيج؟؟؟ شلون يستغلني واني بهل حالة..
للصبح بالي مشوش ومخدتي غرگانة بدموعي.. غفيت يمكن نص ساعة بعدها صحيت مفزوعة علة دگة الباب.. نايمة بملابسي وحجابي.. عدلت نفسي وفتحتة.. نسرين
نسرين: صباح الخير
رحمة: ها حبي صباح النور، شوكت اجيتي
نسرين: هستوني بدلت واجيتج، شنو منايمة؟؟
رحمة: لا نايمة هستوني گعدت
نسرين: مبين كلش تعبانة، اليوم اني اشتغل عنج انتي ارتاحي
رحمة: لا يمعودة شالسالفة اني اموت اذا ابقة گاعدة الشغل راحة
نسرين: ميخالف اليوم اني حابة اشتغل، متشوفين نفسج شلون تعبانة
رحمة: تعاي فوتي هسه
دخلت وحجينة عالشغل.. أصرت انو هية التشتغل اليوم
واني گتلهة عالأقل اوگف وياج.. طلعت هية تبلش واني دخلت اسبح.. الموقف انعاد ابذهني..
اول مرة اجرب هل شعور.. شعور غريب.. جنت مفكرتة يختلف عنهم.. بس ليش اني؟ البنات يركضن وراه وهو ممعبرهن.. شمعنى اني راح اتخبل..
YOU ARE READING
رحمة
Romanceتناثرت قطع طفولتي، انوثتي، برائتي... ببساطة ...هدم الذئاب حياتي رغم كل ذلك نسيت أن الله سبحانه يمهل ولا يهمل مد لي يد العون بعد صبرٍ طويل ... رحمة...ذات التاسع عشر سنة تُجبر على الصراع مع عثرات الحياة بمفردها.. مقطوعة من شجرة.. يتيمة الأب.. فاقدة ال...
