Seducing Danrick Hidalgo (R-18)

Chapter Thirty Seven

🍺

HINDI nakagalaw si Jeasabelle sa kinatatayuan. Hinayaan niyang rumehistro sa isip niya ang nagaganap. Nag-iinit ang matang nakatutok sa naghahalikan sa harap niya.

Nakapatong si Gianna sa nobyo at mainit ang palitan ng dalawa ng halik. Kitang-kita ng mga mata niya kung paano tugunin ni Danrick sa marubdob at mainit na paraan ang labi ni Gianna. May pagkauhaw sa gwapong mukha nito. At ang parehong mapaghanap ang haplos ng mga ito, agresibong hinahawakan ang isa't isa.

Marahas na pagsinghap ang nagpahiwalay sa dalawang imoral. At nagpapasalamat siyang hindi sa kanya nagmula iyon, kundi sa sekretarya ni Danrick.

"J-Jeasabelle.." gulat na sambit ni Danrick. Tila may kumirot sa dibdib niya. So, it's Jeasabelle now? Nasaan na ang Belle? Nasaan na ang babe? O kalimutan na? Dahil bumalik na ang sexy model nitong ex sa kandungan nito, estranghera na siya?

Napatiim-bagang siya. Pinanatili niya ang titig sa lalaki. Bakas ang sakit sa mukha niya, oo. Pero hindi siya iiyak.. Hindi siya iiyak sa harapan ng ex nito.

Naghiwalay ang dalawa.

Humakbang siya. Pinalipat-lipat ang tingin kay Gianna at Danrick. "Kumusta naman?"

Tumigil ang mata niya sa lalaking handa niyang mahalin habambuhay.. Ang lalaking handa niyang pag-alayan ng lahat.. Ang lalaking mula pa noon ay pinakaaasam na niya. Lahat ay gagawin niya para dito. Gagawin niya kahit ano para lang hindi ito umalis sa tabi niya.

Alam na niyang darating din ang eksenang ito.. Ramdam niyang hindi magtatagal ay muling babalik kung sino talaga ang mahal nito.

Ngunit hindi niya alam na ganito kasakit niya masasaksihan na hindi niya pag-aari si Danrick at kailanman ay hindi niya ito maaangkin ng walang kahati.

"Belle," sambit ni Danrick. This time tinawag na siya nito sa talagang tawag nito sa kanya. "It's not what you think it is."

Mapait siyang ngumiti.

"So, what is this?" tanong niya, may talim sa boses niya. "Alam mo susurpresahin pa naman sana kita. Hindi ko naman alam na ako pala ang masusurpresa. Sana may paputok na rin para nashook ako ng bongga." She fake a laugh. Naramdaman niya ang nag-uumapaw na tensyon sa loob ng silid na iyon. Walang ibang nagtangka na magsalita. Nag-iwas ng tingin sa kanya si Danrick.

How dare him?

Ang dami niyang gustong isumbat dito. Gusto niyang saktan ito. Gusto niyang umiyak dito..

"Dan, I'd better get going."

Si Gianna ang pumutol ng katahimikan. Akmang lalagpasan siya nito. Ngunit marahas na hinagilap niya ang braso nito. "At tingin mo ganun ganun ka na lang e-exit, girl?" Tumikwas ang kilay niya sa nanghahamon na paraan. "You're not going anywhere, bitch."

Napasinghap ito. "Bitawan mo ako. Nasasaktan ako."

Hindi niya napansin na mariin niya na itong hinahawakan sa braso. Binitawan niya ito ngunit itinulak papunta kay Danrick.

"Belle, pag-usapan natin ito. Don't make a scene, please. Babe."

"Gumagawa na ba ako ng eksena? Wow! Hiyang-hiya ako sa 'yo, Danrick. Ang kapal rin naman ng pagmumukha mo para sabihin sa akin 'yan!" Kulang na lang ay duraan na niya ang gwapong mukha nito.

Tumingin ito sa bandang likod niya. "Please leave us alone," sabi nito sa sekretarya na tila may balak pang manood sa eksena nila. "Belle," lumapit ang lalaki sa kaniya.

"Wag kang lumapit.." Umatras siya, nag-iinit ang mata. Parang may punyal na nakatirik sa dibdib niya, at sa bawat ng segundong nakatingin siya sa lalaki, mas lalo niyang nararamdaman ang sakit. Tila malaking sugat iyon sa dibdib niya na lumalawak ang hapdi.