حين يستبد أدم

كشف الاسرار

اليوم جنت وية علي...عدنا شغلة...
وبرجعتنا علي راد انزل وياه
دخلنا لديوانهم....
علي...خوية كرم...اني متأخر بلي راح اكوله
لكن اعذرني ياخوية....
موتت سامر كسرت ظهري...
رغم كل مكسراته...بس يبقى اخوية الصغير
ويمكن هاي حوبة الي أذاهم
كرم...مافهمت لشنو تريد توصل ابو محمد
علي....والله ياكرم خجلان منك...وماعرف شلون ابديها وياك
كرم...كول خوية ترة خليت بالي
علي سكت ودنك....كرم رايد منك اطول بالك...ولا تنسى شماتنا هواي...
لاتنطيهم حجاية علينا
كرم عدلت كعدتي واني ماعرف ليش قلقني حجي علي
حجالي علي على كل الي سوته ذرى...وحجيها وياه
وية كل كلمة روحي تطفر للسما وترجع
واعصابي تغلي ....
كرم...علي شدحجي ...والتصوير
علي....باوع كرم...اختك موجودة...تكدر تعرف منها كل التفاصيل....
واذا ماحجت موجود موبايل سامر...مافتحته اني
بس افتحه لك...
اني صدكت البنية...لان سابقا شفت مصايب اخوية
طلعت من علي واريد اطير واوصل للبيت
سقت بسرعة...من وصلت شفت سعاد واكفة تغسل مواعين على السنك...
صحت بيها..وين موج
سعاد...خير خوية شصاير...
ماجاوبتها...دخلت...واجت موج بوجهي...
جريتها من شعرها سحل لغرفتها.
.وقفلت الباب...وهية ترجف...وامي وسعاد
يصيحون ...
سحبت المسدس...وخليته براسها...
كرم...لج طايحة الحظ...دحجيلي الصار...لو افرغ المسدس براسج...
موج...عن شنو احجي خوية ...
جانت ترجف ومكنفصة بالكاع...واني منحني فوكها
كرم....عن كل الي سويتي وية سامر
راسا دنكت تبوس رجلي...
موج...مامسوية شي والله خوية
دفرتها..لا تجيبين طاري الله...متبري منج...لج شكدودج وتلعبين هيج...
تريدين تنزلين روسنا...لا والله ادفنج اليوم
موج...ماعرف عن شنو تحجي
كرم سحبتها من شعرها بقوة...لج كلشي موجود بموبايله...
اكدر هسة اذبحج...بس اريد اسمع منج...
جنت اجر بيه وهية لازمة ايدي الي مجلبة بشعرها
موج...الله يخليك كرم...معلية همة الي رتبوها
كرم...احجيلي...
ظلت ساكتة...سحبت اقسام...
يطبج مرض...لحكي ذاك العار
موج...لا خوية احجيلك...
جريتها وشمرتها كبالي...
وكعدت مقابيلها على الكرسي
كرم ...احجي ولا تنسين...التلفون موجود اذا جذبتي
بشي...اعتبري دفنج صار حلال
موج...جنت اضوج من ذرى لان من ازوجتها انتة تغيرت...وجنت احجيلهم...وهمة بدوا يوزوني
على راح يخرب زواجج وزواج سعاد من ورة
ذرى...لان انتة عفت فرح
واشوف البيت كله صار وياهة ...واحمد عاف سعاد
وبعدين طلعت حامل...شغلتوني خدامة تصعد وتنزل اكل لها...والخانم نايمة فوك
بعدين شافتني مرة وية سامر...وهددتني تكولك
رحت حجيت لهم...كالوا بعد ماشفتي شي
ورجعوا يزنون براسي...
سكتت...رجعت دفرتها...كملي...
جنت اتمنى تطلع من البيت وترجع انتة تاخذ فرح
وترجع لمتنا مثل قبل...
ومرة كلت كدام سامر...اتمنة تسقط ابنها...خاصة من عرفتوا بيها ولد طرتوا بيها
كرم...كملي
موج...شو هذا كال...سقطيها انتي...خفت كلش...كتله لا شلون...
ومن داحجيلوهم...كالوا منو يدري ...دفعيها مرة من على الدرج...
هم خفت ...بس رجعوا كالوا اخذي من سامر حب مال اسقاط...ومن يوكع الطفل ...ذبيها براسها
كرم..وذاك الساقط جابلج الحب..ما كالج ممكن تموت بيه
موج...لا والله وماعرف ممكن يصير بيها شي
كرم...شلون شربته
موج...تذكر من رحنا لبيت عمي جاسم...
وهية بقت...جانت توصي ام خضير تسويلها عصير فاكهة وتبقي بالثلاجة ...
اني قبل ما نطلع خليته لها...
كرم...وطبعا انتي خليتي الحب بالمجر
هزت راسها...
بلحظتها فقدت كمت شبعتها كتل...وهية تون جوة ايدي...
لحد ماتعبت...كعدت بمكاني
لج ماكلتي ابن اخوية....ماخفتي البنية تموت ويصير تحقيق وتنكشفين.
والشغلة الاخيرة...
جانت كوة تحجي...سامر راد فلوس...
ومن كتلها راحت لعلي...رجع سامر هددني...
كال من نطيتج الحب سجلت لج...
جيبيلي فلوس انطيج الرام...
ورحت لذرى...توسلت بيها...
وماعرف مين اخذت فلوس ودته واخذت الرام
كرم....منو باك الرام
ماجاوبت...دفرتها...خافت وهية شابعة كتل
موج...اني
كرم...ليش...مو ساعدتج
موج...عرفتها راح دكولك
كرم...والصور وية احمد والتصوير الي وصلني
موج...مو اني والله ....بس اني عرفت
سامر راد يأذيها لان كالت لعلي...وهم لان تجاوزت عليه...
غير هو جان محتاج بعد فلوس واكو من انطاه..
كرم..لمن جنت تحجين غير كرم
موج....ضحى واختها
كرم...هنة نطنه الفلوس
موج....لا مرت عمي قاسم...وهية الي وزنتي...
رجعت اخلص عليها...ورادت تموت بيدي...لوما دخلت حامد وايهاب...وسحبوها مني
جرني خارج الغرفة بس احس راسي يريد ايطك
حامد اخذني بالسيارة...
كرم...حامد نزلني يم بيت عمي قاسم...
بوقتها جنت فاقد اعصابي...
نزلت ودخلت على عمي...
كتله اليوم مرتك كتلها حلال على ايدي...عمي حاول يهديني...وحجيتله كلشي سوته...
صاحها كدامي...من شفتها لو ما عيب..
ويكولون مد ايده على مرة...جان سحلتها
سالهة...كامت ترفع صوتها...ودكول يبتلون علية...
كلت لهم عندي تسجيل...راسا نجر بوشها
وعمي طلكها ...ودزها لاهلها
طلعت اني وحامد ...وهو يسوق
كرم...حامد انتة خويي...ما اريد يوصل الصار لحد
حامد....ترة داتهيني هيج...انتو اهلي ...
بس كرم...والتصوير...
كرم...فبركة...هسة فهمت جان اكو شي غريب التصوير...
ومع ذلك راح اخذ تلفون سامر من علي حتة اعرف شلون رتبوها
حامد...الله يعينك خوية....والله صعبة
رجعني للبيت...
وبدخلتي ...تلكاني ابوية...وكال تكعد هسة تحجيلي الي صار....
حجيتله...سحب سلاحه وراد يكتل موج...
وسعاد وامي كامن يصايحن وحامد سحب السلاح كوة من ابوية...
واني بقيت كاعد.بمكاني ...واني افكر شكد ظلمت البنية...واحس فد شي نزل من خشمي...من رفعت ايدي اشوف شنو...
باوعت دم......
وللحكاية تكملة