حين يستبد أدم

صدمة تنتظرني

يسعد يومكم...متابعينة الاعزاء...بالبارت السابق صار خطأ بالاسماءنتيجة الاستعجال حتة انزل البارت لكم
صححت البارت ...بس اتمنة عليكم ماتستعجلون علية...حتة تطلع القصة بالمستوى الي تريدوه..تحياتي
#حين يستبد أدم
همس ليل
البارت الخامس عشر
جنت كاعدة على الكرسي  ومادة ايدي على الميز كدامي.....وبيدي الورقة..
وفى بوعده كرم...قبل اسبوع تم على زواجناسنة
واليوم دز الورقة....
مثل ما كال ...بس ماجنت مصورة راح يسويها
ظليت اباوع على الكلمات....
اريد احشرها بدماغي...حتة اصدك
البيت فارغ اهلي ابيت عمتي حسنة ...
معزومين على الغدة...بس اني ما حبيت اروح
افكاري جانت تتسابق بدماغي...
سمعت صوت وصولهم...من دخلوا وسلموا
رفعت عيني لهم ...
ام ريم....ماما شبيج وجهج اصفر
ابو ريم...بنتي احجي صاير شي
كمت على حيلي...وانطيته الورقة...وعفتهم وصعدت
بس اني على الدرج..سمعت امي تساله
_شنو هاي الورقة
_طلاكها
شهكت امي...واني كملت طريقي لغرفتي
دخلت وقفلت الباب وراي...
وكفت مقابيل المراية مال الكنتور احاجي نفسي
هاذرى شمتوقعة...
توقعتي يصحى ضميرهم ويحجون الحق...
شكد غشيمة لعد...
بابا كلمن يدور مصلحة نفسه...
وانتي رحتي بالرجلين...
وين عقلج الي جنت تتباهين بيه...
نزلن دموعي يتسابقن...
خليت راسي على الجامة...
ليش كرم ...ليش كسرتني...
ماتوقعتها منك....
نزلت للكاع وارتجيت براسي على الكنتور..
ايدي على حلكي اكتم شهكاتي بجيي..
*******
كرم....
رجعت للبيت...لكيت اهلي منجمعين بالهول...
سلمت ...ومن داصعد ابوية حاجاني
_بوية وين جنت
_بالمحكمة
_خير ياستار
_طلكت
امي لطمت على صدرها...صخام
ابوية وكف...شلون بوية شكلت
_طلكت
_شنو بوية مالك جبير...بكيفك تتصرف..شو ماخذت شور احد
_بوية على راسي من فوك...بس خلي ارتاح واسولف لك
ترخصت منه وصعدت
من دخلت لغرفتي...صارت دشداشتهة كبالي...
جانت معلكة بالزاوية...الجهة المقابيل الباب
اذكرت يوم صحت على سعاد تجمع باقي اغراضها
كتلها عوفي هالدشداشة
ليش ما ادري...يجوز ماردت تخلى الغرفة من عطرها
ويجوز ردت اعذب نفسي بذكرها...
تنهدت...بدلت وتمددت على الجرباية...
مرت خمس اشهر عل الصار....بس احسه البارحة
وكلما اذكر...يرجع نفس الوجع عندي
انداريت على صفحتي...وحسيت برطوبة على خدي
معقولة دمع...اني العمري كله مابجيت...حتة من جان جدي يعاقبنا ...ما ابجي اكابر...
هسة نزلت دمعتي....
ليش هيج ذرى كسرتيني
اذكرت....
من سافرت للهند...اشتاقيت لها...
وحسيت كلبي حيل تعلق بيها...
جنت اخابر اسالها شلونج...بس حتة اسمع صوتها
هناك قررت خلص كافي عاد بعد وعذاب
من ارجع ابدي صفحة جديدة...خلي يولي الفات
علينا بالجاي...
فتريت اشتريت هدايا للكل...
بس لها جان ابالي شي مميز....
جنت من اشوف رجليها وهية لابسة دشداشة قصيرة
اتخيل حجل عليهن...
واشتريت لها حجل من هذا الي يصير برجل وحدة
وبيه اجراس وورد....
بيوم وصلت للمطار...لكيت ايهاب ينتظرني
الي يشوف كعدتي بالسيارة مسيطر....
مايدري بكلبي يسابق السيارة ...
يريد يوصل لها....
وصلنا وتلكوني اهلي وحتة حامد وسعاد جايين
بس عيوني جانت ادور على رويحة القلب...
ماصدكت خلصت سلام...حتة اصعدلها..
بس حسيت بضوجة لان ماتلكتني مثل البقية
فتحت الباب...وشفتهة مدنكة على الجرباية تعدل بالفرشة...
رفعت راسها...من شافتني وجهها ضحك...
وعيونهة تبسمت...
وكفت على حيلها...
ايي هيج اريد ملكاها ....
اريد اشوف الفرحة بعيونها...
_حمد لله على سلامتك شوكت وصلت
_الله يسلمج...هسة
تقربت ووكفت مقابيلها...شلونج ذرى
_بخير...ناقصني شوفتك
هالكلمات فجرت الشوك الي بداخلي
مديت ايدي وسحبت راسها...بست كصتها
_اشتاقيتلج...
كلتها وشفايف على كصتها
ابعدت عنهة شوي وبديت اتمعن بوجها
بالعيون الي مشتاق لشوفتهة
بالشفايف الي ظليت احلم اذوكها...
دنكت عليهة ارتشف من عسل هالشفايف
فاجأني تجاوبها...وخلاني اريد اكثر واكثر
جريتها لي...وحاوطتهة باثنين ايدي...
اريد ادخلها بضلوعي...
ايديها الي حاوطت اجتافي...
ونفسها الي تخردل....سلبلي عقلي
ابتعدت اسحب نفس...وارجع اشم عطرها
واني ادفن وجهي بركبتهة....
سمعت صوت تنهيدتها...
_ذرى مالي صبر...بس عيب من عمامي جوة
اريد نكون براحتنا ...مو باستعجال..
الليل لنا...
احمر وجهها...اول مرة اشوفها بهالشكل
_خرب...هو ابوية وكته هسة يعزمهم على الغدة
_فرحانين بجيتك بالسلامة
جان صوتها اقرب للهمس...
ابتعدت كوة عنها...بدلت ونزلت
وطول كعدتي وية عمامي ...
بالي مشغول بيها...وباستجابتها
بعز احلامي ما اتوقعت هيج تستقبلني...
_ايهاب وين الجنط
_صعدتهن بغرفتك
صعدت اريد انزل الهدايا الي جبتها لاعمامي
بس وصلت للغرفة ومديت ايدي اريد افتح الباب
سمعت صوتها...والحجي جمد ايدي على يدة الباب
_شكد نذل انتة...لك مو عيب عليك هيج تسوي
سكتت كأنما تسمع شيكول الشخص الثاني
ورجعت جاوبته....ادري شتحصل اذا هيج سويت
هم سكتت...بس هالمرة من حجت جان صوتها حاد
ومنفعل...اذا وصلت لكرم.....انتة الخسران
وصار صنطة...
فتحت الباب ودخلت...هية فزت وجان التلفون بيدها
_شبيج اخترعتي
_لا هيج...تحتاج شي
_اي وين الجنط
طلعتهن واخذت الهدايا ونزلت...
لحد ماطلعوا عمامي وولدهم مافهمت شي من الي حوالي...
من راحوا ...طلعت شفت الحصان ...ومناك اتمشى
واني افكر...
متو هذا الي جان تحجي وياه....
بشنو جان يهددها...
وشنو الي تخاف يوصلي...
تعوذت من الشيطان...خلي ارجع افتهم منها احسن
وبهالاثناء...دك تلفوني مسجات
فتحته...اجت تلث صور لذرى...جانت بنفس فستان حنة سعاد...
جوة الصور مكتوب شوف مرتك لمن دازتهن
احترك دمي...بس الصور الي بعدها...
هية الي طيرت عقلي..
جانت لذرى واحمد....
وحدة بسيارة احمد اثنينهم...
وحدة واكفين على جسر سوة
وحدة...هو متجي على السيارة وهية مقابيله
والاخيرة...وكفتهم كلش قريبة ومن دققت عرفتهم بحديقة بيت اهل احمد...
رجعت طاير للبيت...واعصابي تغلي
فتت لكيت ذرى وسعاد بالمطبخ يحجن...
من شافني سكتن...تقدمت لذرى وجريتها من ايدها
كومي كدامي
_شبيك كرم
_كتلج امشي كدامي...
صعدنا لغرفتنا...وبس دخلنا قفلت الباب
_خير كرم شصار
_وانتي يجي من وراج خير
شمرت التلفون كدامها على الجرباية...
فهميني شنو هاي...وأشر على التلفون
شالته وفتحته...راسا شهكت
_كرم خلي افهمك
_شنو تفهميني...تكوللي شكد اني زوج مسافر وانتي تلعبين براحتج ...لو شنو
_كرم...قبل ماتحكم اسمعني...ذني الصور مال حنة سعاد اي واحد يكدر يصورني من البنات ويدزهن
_رغم اني حذرتج من هالشغلة...وماسمعتي الكلام...
بس لنفترض...وصورج ياخانم وية احمد...
_والله كرم مقصودة ...شي مرتبط بشي
تقدمت عليها وجريتها من زندها حيل
_كلهم متقصديج...يعني جابوج كوة وكفوج يمه...واخذولج صورة
سكتت...هزيتها حيل...احجي
_شحجي وانتة بهالعصبية
_شلون ترديني ....واني اشوف نفسي صاير طرطور
_كرم...الله يخليك...اهدى ونتفاهم
هزيتها بكل قوتي...وج شهدى...داحس راسي راح يطك...
لج ليش...دريدين تكسرني....هيجي بهالطريقة
_لا كرم...لا تجرحني بالكلام...اذا يريحك اضرب ...بس لا تحجي هالكلام...وبعدين تندم
فقدت اعصابي...ضربتها راشدي...ورجعت ثاني وثالث
وبعد النار بصدري تغلي
وج محذرتج...وكتلج مالج علاقة باحمد...
تساهلت وياج هواي...والظاهر انطيتج عين اكثر من اللازم...
دفعتهة عني....
_كتلك والله مقصودة...
قاطعتها...كلشي مقصود...اسقاطج مقصود...الصور مقصودة...
ضربت مراية الكنتور بيدي بقوة...
جرحت ايدي وهية اجت تركض...
ايدك كرم...من وصلت يمي جريت راسها من شعرها
_من اذكر شكد جنت زوج....صدكت بيج وشكيت بكل اهلي...وهو محد يدخل هنا غيرج..
شلون نسيت يامة هددتي تكسريني..
شلون لعبتي بعقلي وقنعتيني مو انتي..
لج انتي فد وحدة ساقطة...
مدت ايدها على حلكي...لا كرم...لا تجرح اكثر
دفعتها حيل...بحيث وكعت بالكاع
_ليش عندج احساس...الي مثلج حرام واحد حتة ينزل نفسه ويمد ايده عليها
جانت ايدي تكطر دم...هية كامت ...
_رحمة الله والديك ابن عمي...بس خليك مذكر كل الي كلته..
لان من يجي يوم وتعرف الحقيقة...ساعتها لو دنك تبوس رجلي ما راح اسامحك
_لو تنصاغين ذهب بعد ما اكلبج واريدج...
طلعت ونزلت...من شافت سعاد ايدي ...
اجت على السريع اضمتها لي...
ذرى...اخذت ملابسها...واخذها ايهاب لاهلها
خابرني عمي بعد فترة
كتله حفاظا على سمعتها لان بنت عمي...راح انتظر تكمل سنة وادز ورقتها
ورغم ذلك...الرقم الي دز الصور...حاولت اعرف لمن ...عن طريق الشركة...
طلع كلك متناقل من ناس لناس
********
سعاد....
صار سبع اشهر من ازوجت...بقيت الاربع الاشهر الاولى بدون حمل
وعمتي ماتركتني بحالي....
رغم قايمة بكل البيت...بس ماعرف شبيها تتحجج علية....
خوب من تأخر حملي تخبلت....
دكوم وتكعد...دكلي روحي للدكتورة خاف مابيج خلفة
وهذا وحيدي....اريد اشوف ضناه
على اساس هية مراعيتني...
بس والله ابد ما اجاوبها.....لخاطر حامد
جان مدللني...وابد ماسمعني حجاية تغثني
حتة من كتله خلي اروح للدكتورة...
كام يحجي علية يكول ...شبيج تخبلتي
ليش شكد صار مزوجين...
والحمد لله بعد خامس شهر لزواجنا...طلعت حامل
برجعت كرم للهند ...
جان فرحان ومرتاح...ذرى كالت اريد احجي وياج شي ضروري....من نخلص غدة العزومة نحجي
هستونا كعدنا ودخل عصبي علينة كرم...
جر ذرى حيل...بحيث كلنا تفاجأنا...وبس جنة نسمع صوت كرم العالي...
محد يكدر يتدخل بينهم...نعرف طبع كرم
وامي ظلت ادكول هاي عين وصابتنا...
نزل ايده تكطر دم....وذرى اخذت ملابسها وراحت
لاهلها....
وبعد فترة دز علية اجمع ملابسها ...
وذاك يوم وهذا يوم...محد يعرف شصار...
صار خمس اشهر ...من رجعت ذرى لاهلها
اني بقيت متواصلة وياها ودائما حامد يوديني عليها
ومن سألتها على الي صار
جان جوابها...بعد ماتسوة احجي الي صار
هسة امي خابرتني تبجي...دكول كرم طلك مرته
اني انصدمت...اعرف اخوية يحبها...
رغم ما يكابر...بس هو تاذى ابعدها...
دائما معزول...وكئيب...وهواي ملهي نفسه بالشغل
حامد...الله يساعد الحلوين...
جنت واكفة اطبخ...وكف وراي...شطابخة...
انتبه علية ما اجاوب...لان جنت مخنوكة بدموعي
حامد...شبيج سعاد...
دارني عليه...هاي شنو الدموع...صاير شي
سعاد...كرم طلك مرته
حامد سكت وابتعد عني
_شو ماكلت شي
_ادري
_منو كلك
_جنت وياه من راح للمحكمة
_اشو ماكلت...وبعدين ليش وافقته
_ما كلت لان مسالة تخص اخوج هو يكول..عيب يأمني واحجي...
وبعدين منو كال وافقته...بس تعرفين كرم...من يقرر شي محد يوكف بوجهه
_جان حاولت وياه....حتة مانعرف شنو الصار
_والله سعاد ماعرف شكولج...بس لوما المسألة جبيرة
مايتصرف هيج
كعدت على الكرسي ابجي...والله ذرى حبابة...شبيه اخوية
تقرب يمي حامد...خلة ايده على جتفي
_سعاد...هاي شغلة بينهم مانعرف سبب المشكلة
اكو امور بين المزوجين ماتنحجي للباقين...
جنت اريد اخابر ذرى واستحي...شكول لها
مر يومين...وحامد كال اذا تريدن اوديج عليها
_والله استحي...شكولها
_بالعكس هسة لازم توكفين بصفها...
وداني...مرت عمي تلكتني تحجي من ورة خشمها
بس عمي وسما لا ملكاهم حلو...
جانت ذرى بغرفتها...ترخصت اصعدلها...
ردت اشوفها وحدنا...
صعدت ودكيت الباب...وصراحة بداخلي خايفة...
وجنت كلش خجلانة...
بس من شافتني شبكتني حيل...
_شو طولتي...
_حبيبتي تعرفين ...وحام وتعبانة ...وعمتي مامقصرة
_هاي بعدها...هية ماتراعيج على الحمل
_بس اول ايام دارتني وفرحت ...
وهسة من تشوف حامد يساعدني اذا تعبانة ...
تتخبل...
_ميخالف حبي....من تجبين وتشوف حفيدها...
تتعلق بيه وتفك ياخة
جانت تحجي وهية لازمة يدي...لحد ماكعدنا على جربايتها
_ذرى والله مستحية منج....
_ليش
_ماعرف ليش هيج سوة كرم...وحتة ماعرف شنو صار بينكم...
بس ترة حتة اهلي ماقابلين عليه
_لا ...على شنو مستحية...لو انتي علاقتج بية لان جنت مرت اخوج...وهسة راح تنتهي
_شلون تحجين هالشكل...انتي خيتي...واكثر الله شاهد...
بس خاف انتي ماتريدين تتواصلين وياي بعد
_جان استحيتي...اصلا اني ماعندي صديقة مقربة
وصرتي صديقتي...
حتة ريم اختي هم مو قريبة لي مثلج
_لعد ليش ماتحجيلي الصار
تنهددت....باعي سعاد ماحجيت...لان ماردت يوصل خبر لكرم...
ردته هو يحاول يعرف الصدك...
بس هاي مرتين خذلني...وماحاول يوصل للحقيقة
والاتعس...كسرني كدامهم...
وخلاهم يشمتون بية....
بوقت اني جنت ازامط بيه على كولتكم...
واكول رغم عصبيته...وكبرياءه...بس انسان ذكي
وراح يفهم...
_همة منو...وشنو الي صار...احجيلي خلي افهم
_هسة احجيلج....لان بعد مايهمني...
بس هم اطلب منج الموضوع بينا...
_ليش ...اذا بيه برائتج...ليش اضميه...خلي كرم يعرف هو غلط وياج
_مو كتلج بعد ماتسوة...وكرم خلص انتهى من حياتي
ومابقاله مكان بعد الي سواه
والموضوع بيه اذية لهواي ناس..
_احجي ذرى خليتي بالي
_باعي قبل ٧ اشهر من رجعت بعد اسقاطي...
رجعت وابالي شي واحد...اعرف منو الي خلي الحب
وقسمت يمين الله....بس اثبت برائتي...
اعوف كرم...ومابقى لحظة وياه...
بس الصار غير كلشي...اسلوب كرم...وتفهمه...
وشلون راعة مشاعري ...
وخلال سفره...عرفت اني حبيته لكرم...
هاي ردتج تعرفين قبل ما ابدي احجيلج الصار بالاسبوعين مال السفر
********
علي....
كرم اقرب واحد لي من ولد عمي...
اني وياه صنف واحد...حتة اقرب من اخواني
احمد من اخوتي ...حباب بس مشكلته طول عمره
يقارن وية كرم...
ماعرف ليش ينتحس منه....
وزاد هالشي...من خطب كرم بنت عمنا
وسامر...هذا كارثة....صح هو صيدلة...بس حيل مدلل..وكلشي يريده يجراله
ولا عبالك ترباة عرب....
اني وكرم جدنا ربانا....غير تربية ابوية وعمامي...
ازوجت من وكت...هستوني بالعشرين من عمري
ابني بطولي عمره ١٤ سنة....
وزوجتي ابوية رشحها لي ...بنت خالي الشيخ
واني ماجان ابالي وحدة معينة...
وهية خوش بنية وحبابة ومطيعة...
من ازوجنا لسة ما طلعت عن شوري...
كلشي اريده يجرالي....
من رحنا لبيت عمي ...نحاول انفذ طلب جدي...
ودخلت بنته علينة....
من يومها وكرم شفته نعجب بيها...
استغربت منه...عرفت راح يصادمون...
اثنينهم شخصية...وهاي بنت عمي جرعة كلش
بس بأدب...ماعدها تجاوز
وشفت بيت عمي حبوها...
حتة فرح اختي .....حمدت بيها
صراحة اني ما حاجي وياهة ابد....
على كد السلام...من امر على بيت عمي
هاي اذا لمحتها...لان مضيفهم مفصول عن البيت
اليوم تفاجأت من سمعت من ابوية كرم طلك مرته
وعرفت من يوم الي زعلت قبل اشهر...
الموضوع له علاقة بالي صار بعد سفر كرم
وحذرتها...كتلها اذا كرم درى ماراح يفوتها لج
ولا راح يقدرلج الي دسويه.....
لان راح يعتبره تقليل من شأنه...
هو الرجال ويعرف شلون يصرف...
بس هية الله يسلمها راسها يابس....
ومثل ماجنت متوقع صار...
اعرف زين كرم...وشلون يفكر...
ولو اني بمكانه اسوي نفس الشي. ..
لكن حق لازم اروحلها واحاول افهم الصار
واجب اءدخل وانطيها حقها....
تستاهل مرة والنعم منها...سدت بظهر رجلها
اذكرت من خابرتني بعد سفر رجلها بيومين
ذرى...الله يساعدك خيي
علي...كل الهلا
ذرى..خيي ابو محمد...اني بنت عمك ذرى
علي....على راسي......كولي خوية محتاجة شي
ذرى...اي والله اكو شغلة كلش ضرورية...
علي...كولي خوية ...ماقصر وياج ان شاء الله
ذرى....لا مو مال تلفون...راح اجيك للبيت...
بس كون موجود...واريد اشوفك وحدك
علي...ادزلج واحد من الولد
ذرى...لا ...راح خلي ايهاب يجيبني...بس  اكول جاية على فرح
علي...براحتج
بس بداخلي ماعجبني حجايتها...
ليش هالجذب...خلي انتظر واشوف....
******
موج....
من شافني اخوية وية سامر...
وهو طفر وعافني....
اكلت كتلة معدلة من اخوية...وفوكها راح رجع مرته
من اجت صارت ام البيت...
تأمر وتنهي...خاصة بعد ما ازوجت سعاد
واشوف كرم هواي متساهل وياهة...
حتة فرح الي جانت صاحبتي...
وجنت ماخذة موقف من ذرى علمودها هم صادقتها
وبيوم خطبتهة طلعت ذرى تعرف عنها...
واني ضمت علية....
النوب هذا سامر لا حس ولا خبر....
ولا كال شسوالج اخوج...طلعتؤ سلامات لا
كرم بطلني...يريد يبقيني خدامة جوة ايد مرته
وبقيت تحت انظارهم...خاصة سعاد ظلت تراقبني
ومكدرت اخابر سامر....
لان محد يدري عندي موبايل...
سامر بوقتها جابلياه...واشترالي سيم كارت
واني عندي مصروف...
بطريقي قبل ما اصعد بخط الرجعة اشتري كارتات
من يم المدرسة
وفعلت انترنيت عليه......جنت اتواصل وية سامر من تنام سعاد....
شلون بيه هذا...غير يسال ...ولو جان تلفوني مضموم
بس يجوز كالهم اريدها
هالسكت كرم عليه وما كتله....
بعد ما زوجت سعاد...وبقبت وحدي بالغرفة
شحنت الموبايل وانتظرت لحد ما ناموا اهلي
ووحدي بالغرفة....فتحت الموبايل
ودكيت عليه....
حجينا...وظل يعتذر على ان خفت عليج...
وماردت مشاكل وية اخوج حتة مايبطل يزوجنا
ومن هالحجي ....
بس ماجنت اكدر يوميا اتصل بيه...
اخاف لا يلكوفوني....
لحد يوم وجانت المصيبة...
وللحكاية تكملة