نجماتك رتبه قلبي

حست اكو احد وراها ... اندارت عليه وتفاجئت ... ضلت تمتمت بالحجي

علي،، هلا رنيم ... لا سلامتج بس اجيت اشرب ماي

رنيم،، آه اي هسه انطيك ... طلعت الدولكه انطيته ... شرب ورجعه

أنتجه ع الكاونتر ... عبالك مايريد يطلع ... بقيت واكفه وساكته ماحجيت شي

علي،، صفنت عليها ... ملامحها حلوه ونازكه ... وخجوله كلش عكس زهراء ... صفنت عليها من فوك ليجوه

اكو شعور بداخلي ... صحه تمنيت أكون قريب عليها ... المس ايدها ... اباوع بعيونها الواسعه ... ياريت لو مامتعرف ع زهراء ولا شايفها

أحم رنيم ... رفعت راسها تهت بعيونها ... بقيت اباوعلها نسيت كل الحجي ... تقربت عليها

صارت أنفاسي الحارة ويه أنفاسها ... مبين عليها مصدومه ومتفاجئه ... أول مرة أكون قريب هالكد منها

حاولت اتلاشى نظراتها التذبح ... كمت أتلفت منا ومنا ... حتى الكلام الي ردت احجي نسيته

عبالك سحرتني بعيونها ... وطيرت كل الحجي العندي ... درت وجهي ع الباب ... كتلها روحي اطلعي بره

رنيم ،، بقى علي واكف يمي ... استحيت من عنده ... دنكت وماحجيت منتظرته ... اريد اسمع منه أي شي

صاحني رفعت راسي اله ... بقى صافن عليه ... المسافه الي بيناتنه ... جانت مو كلش بعيدة

اتقرب عليه ... واني احس كلبي وكف ... دكاته زادت احس رجليه ماتعيني ... صار قريب عليه

أنفاسه اتطخ بوجهي ... تمنيت يتقرب أكثر مني ومايبتعد ... تمنيت بساعتها احضنه وافرغ كل شوقي اله

اكله شكد احبه ... وشلون داتعذب من وراه ... بقى صافن بعيوني ... احس تخربطت أحواله كلها

كام يتلفت كل شويه ... يحاول يبعد عيونه عني ... ردت احضن وجه بيدي ... واكله لا تبعد هالعيوان ... اني هميانه بيهن من ساسي لراسي

ردت اروي شوكي ولهفتي ... ردت احسسه شكد مشتاقتله ... ردت ابوسه بحلكه واكله شكد مشتاقه اروتي بيهن

ردت اكله اني عطشانه ... واريدك ترويني ... تفاجأت من طردني ... سحبت روحي مثل المذلوله وطلعت بهدوء

علي،، احس بيها وبحبها بس اخاف ... ومن بقينه وحدنه بالمطبخ ... وصارت قريبه عليه ... قريت كمية الحب الي تمتلكها إليه

كمت ابلع ريكي بلكوه ... وهي قريبه عليه ... خفت لا اسوي شي واني ابن شيوخ ... خفت عليها من عندي

كتلها اطلعي بره ... وكلبي يكلي بقيها يمك ... اروي شوكك بيها ... هي ملك الك سوي الي تريدي

خليت عقلي هو الي يحكم ... وخرت عنها وطلعت بره ... بقيت وحدي واكف ... رفعت راسي خليت ايدي ع كصتي ... مسحت العرك اوووف .... شبيك علي اهدىء