نجماتك رتبه قلبي

#نجماتك_رتبه_قلبي
البارت 3
#Rehab
رنيم ،، وصلني علي للكليه ... لكيت باسم كدامي ... مثل المصدوم واكف وصافن

مااهتميتله عفته ومشيت ... دخلت للقاعه اجت رهف ... هلوو عمري صباح الخير

رنيم ،، صباح الفل شلونج

رهف ،، الحمد لله تمام ... اكلج رنومه الامتحان .. اتأجل ع المحاضرة الثانية ... تعاي نضرب اول محاضرة ونكعد بالكافتريا نراجع

رحنه للكافتريا كعدنه ... رهف جوعانه كومي .. جيبي اكل وتعاي

رهف ،، هالمرة ع حسابج ... لا تكولين لا

رنيم ،، ههههههه هاج عابت ... وتعاي يلا اسولفلج ... شصار من الصبح

رهف ،، هاج يلا جبتلج اكل .. يلا احجي ولج شكو

رنيم ،، 😊علاوي وصلني للجامعة

رهف،، لا بربج تحجين صدك

رنيم ،، اي والله شبيج ... ضليت اسولفلها شلون الخط مااجه ... وعلي وصلني ... اكلج رهف من نزلت من السيارة

باسم صار كبالي ... شافني اضحك ويه علي ... تدرين خايفه منه مااعرف ليش

رهف ،، ليش تخافين قابل انتي شمسويه ... عوفج من عنده ... اليوم ارجعله خبر

لج باعي باعي ... باسم صار كدامنه ... ونظراته غريبه ... ديربالج رنيم

رنيم ،، انداريت لكيت باسم ... كاعد قريب عنه ... ولج خايفه من عنده ... احس نظراته تخوف صارت

مو بيدي شسويله ... هو الحب غصب ... فهمي هالشي الله عليج

رهف،، لا تخافين ماكو شي .. يلا خلي نكمل اكل ... ونراجع الأستاذ يكول الأسئلة صعبه 😬

رنيم ،، لا صدك تحجين ... شكد مكروه استاذ حسن

رهف،، ههههههه شبيج ولج حباب ... بس اسئلته تشوي شوي هههههههههه

رنيم ،، امممممم 😉علينه ... يلا كافي واقري ... عوفينه من الأستاذ

صارت الساعه ب 10:30 ... دخلنه للقاعه بلش الامتحان ... سميت بسم الرحمن ... وبديت اكتب

صح الأسئلة بيها صعوبه ... بس اني شاطره ... الحمد لله اغلب إجابتي صح

قدرت شكد اخذ ... نسبة الخطأ جانت قليله ... سلمت الورقه وطلعت ... 10 دقايق وطلعت وراي رهف ... الحمد لله جانت مجاوبه

كملنه دوام اجه ... ابو الخط مصلح سيارته .. رجعت للبيت

علي ،، وصلت رنيم للجامعة ... شفت ولد صافن عليها ... ضليت واكف هي عافته ومشت

مااهتميت مدام هي ماعبرته ... رحت للمركز ... دخلت للمكتب ضليت اكلب بالملفات ... اذا اكو جريمه أو لا اليوم

ملازم علي ملازم علي  ... شلت جهاز المناداة ... نعم سيدي

تعال حالا للمكتب ... حاضر سيدي جاي ... طلعت من مكتبي ... رحت لمكتب رائد صلاح