#نجماتك_رتبه_قلبي
البارت 8
#Rehab
رنيم،، مر شهر على قراءة فاتحتنه ... مااعرف ليش ديأجلون الخطبه ... مرات اصفن واكول ... احتمال علي مايريدني
وعمي جبرة عليه ... ومرات اكول لا خطيه ... عنده شغل وملتهي ... جنت كاعده بالكافتريا وحدي ... رهف مريضه ومااجت
صافنه ع وضعيتي ... وحسبه تجيبني وحسبه توديني ... تذكرت بيوم رجعنا ... من عقد عمار قبل شهر
جنه كاعدين كلنه بالصاله ... وعلي كاعد قريب من عندي ... اباوعله واتخيل شلون راح نصير تحت سقف واحد
وبغرفه وحده ... فاطمه كاعده بصفي ... همست بأذني ... كافي ولج راح يحسون عليج
رحمي حالج وعيونج ... راح يصير الج واشبعي بي ... 😉ومو بس نظرات ... لا راح تصير شغلات كبار 😂😂
رنيم،، درت وجهي عليها ... وهي تضحك ... عابت خجلت شنو هالحجي ... لو يسمعج شيكول
فاطمه،، ههههههه لا لاتخافين ... حتى إذا سمع هو احنه شحجينه ... وانتي شبيج فكرج راح بعيد
اجوز قصدي يعني ... راح تنامين يمنه وماترحين لاهلج ... 😒تفكيرج اااخ منه
رنيم،، لا والله اني تفكيري بعيد ... لو انتي قصدج نفس تفكيري
فاطمه،، ههههههه اي شبيج ... رجال ومرته يعني ... شيصير بينهم مثلا ... 😉كثري ب الرومانسية وياه ... اخوي شابع ظيم من ورة الجرائم
رنيم،، فااااطمه
كلها سكتت وتباوع علينه ... خجلت ودنكت ... وفاطمه تضحك ماسكتت ابد
عمار،، ماتضحكونه وياكم ... ورنيم شبيها وجهه ... صار طماطه وخجلانه
فاطمه،، ههههههه ماكو شي ... ماعليكم سوالف نسوان
رنيم،، كرصتها برجلها ... خررب فضحتني كدامهم ... كافي ولج الله ياخذج
كمت للمطبخ ... لو ابقى يمها ... هاي تفضحني ... وتحجي كلشي ... فتحت الثلاجة اريد اشرب ماي
حسيت اكو احد وراي ... انداريت لكيت علي ... واكف بالباب وصافن ... اه هلا علي ... محتاج شي
علي،، مشاعري مخربطه ... مااعرف شلون افسرها ... مو مشاعر حب وعشق ... اكدر اكول مشاعر إعجاب تجاه رنيم
جنه ملتمين واحس بنظرات رنيم ... عفتها ع راحتها ... ورة شويه اجت يمها فاطمه ... وضلن يتهامسن بالحجي بيناتهن
عرفت الحجي عليه ... من وجه رنيم وتصرفاتها ... وراها كلها انتبهت عليهن
استحت رنيم وكامت للمطبخ ... مااعرف شنو الي خلاني اكوم وراها ... حسيت اكو شي بداخلي يجبرني اروح وراها
خليتهم يرجعون يسولفون ... وكمت بدون محد ينتبه ... دخلت للمطبخ لكيتها فاتحه الثلاجة وتشرب ماي
ESTÁ A LER
نجماتك رتبه قلبي
Açãoقصه حقيقيه ممزوجه بالخيال ... ضابط من اهالي الناصرية ... يروي لنا ابشع الجرائم ... في الشارع العراقي ...وتبدأ قصه حبه مع ابنت عمه ...قصه تجمع بين الرومانسية والجرائم
