في البلد :-
الناس مبسوطه لانو الليله عرس الغاليه ايمان ...
طبعا العريس ود عمي والعرس تم وانا اتصلت باركت للعرسان ...
ايمان:تسلمي سرو حبيبيتي وعقبالك كده ان شاءالله
انا سكت مسافه وقلت ليها امين
قالت لي مالك قايلاه كده زي الما عندك نيه في العرس
انتي يا سرو عندك حبيب ولا شنووو ؟؟
انا :حبيب شنو يابت لسع م مفكره في الحب
ايمان:الحب م عايز تفكير بتلقي نفسك واقعه فيه بدون م تحسي
ربنا يسعدكم يا ايمان يلا مع السلامه
مشيت انا غرفتي وفتحت الواتس لقيت رسائل من الرقم الغريب
مرحبا
سرو العسل
يا مزه
بحبك
مالك مطنشه م تردي لي
طبعا انا اتخلعت جمدت مكاني ده منو ده ياربي
رديت ليه انت منو ؟؟ولو سمحت تاني م تراسلني وحظرتو طوالي
اتصل لي بعد م حظرتو
يا سرو معليش بس انا بحبك وعايزك تكوني زوجتك انتي م تحكمي علي كده بالاول اسمعيني طبعا انا م حصل شفتك بس حكو لي عنك كتير وانك حلوووه شديد
انا: طيب انت منووو
انا بشير ساكن الرياض شغال صيدلي ...عرفت انك بتقري في جامعه السودان انا عايز اقابلك ممكن
انا:لا م ممكن ولا شي يلا سلاااام وختيت التلفون
اليله اول يوم دراسي بالجامعه جهزت وطلعت لقيت حسان منتظرني غايتو حسان ده تعبان معاي تعب بصحي قبلي بوديني وبجيبني وقالي لو جيت بمواصلات ح يزعل مني
انا:حسان امسك لي التلفون ده اصلح طرحتي طبعا مسك التلفون فجأه جاء اتصال من صاحبو بشه هو عرف الرقم استغرب طبعا
حسان: سروو ممكن تجيب لي مويه
انا:حاضر مشيت اجيب ليه مويه
حسان فتح سجل المكالمات لقى كل المكالمات من بشه واخر مكالمه امس الساعه10ومده المكالمه30دقيقه
حسان راسو بقى يودي ويجيب بس قال لا ياحسان ده رفيق عمرك مستحيل يخونك شيل الافكار السوداء دي من راسك
انا جبت المويه وجيت لقيت حسان بتبس في تلفوني قلت ليه بكل براءة تلفوني فاضي مافيه حاجه غير صوري
حسان :ممكن اشوف صورك
انا:اي ممكن
قال لي م تتصوري زي الناس مالك بتنكش شعرك
قلت ليه عايزه اعمله زي شعرك
حسان:بس انتي شعرك طويل
انا:قول ماشاءالله
حسان ضحك ضحكه حلوة كده اول مره اسمع ضحكتو غالبا ببتسم
قلت ليه هسه البضحكك شنو
حسان: بضحك في صورتك دي مالك عامله كده زي الاشباح منزله شعرك علي وشك
انا:جيب تلفوني خلاص لو عايز تشوف شوفني هاندي قاعده قدامك
وصلنا الجامعه كده نزلت مشيت طوالي قال لي سرو التفت عليه
قال لي ولا حتى مع السلامه ساي مافي
انا ضحكت ومشيت
اول واحده اتعرفت بيها في الجامعه بنت قصيرة كده اسمها ريم كنت قاعده مسكينه م بعرف زول جاتني وقالت لي مرحبا
انا:اهلين
ريم:انا ريم بقرا اعلام مستوى اول
انا:وانا برضو
قعدت جنبي اتونسنا كده لغايه م دخلنا المحاضره وطلعنا طبعا ريم بت مرطبه شديد ابوها مهندس معماري مشهور وامها مصممه
طبعا عندها عربيه قالت لي اوصلك ...قلت ليها لالا حسان جاييني
ريم: اوووو حسان ده حبيب القلب ولاشنو
انا :لالا ده بكون اخو راجل اختي..
ريم:طيب ح اقعد معاك لغايه م يجيك حسان ده
انا :طيب
قعدنا في بينش كده منتظرين.
حسان اتصل انا جيت يلا اطلعي سرو
انا: حسان جاء يلا نطلع
حسان: كيفكم ي حلوين
ريم :اهلين
انا:حسان دي ريم صحبتي
ياريم مع السلامه نتلاقى بكره اوكي
ريم :استني استني رقم جوالك لو سمحتي
اديتا الرقم ورجعت لي بي مسكول وحفظت الرقم
حسان:اها اليوم دا كان كيف
انا:تمام اتعرفت على ريم
حسان طبعا موضوع بشه دا معكر مزاجووو من جهه خايف على رفيق عمرو ومن جهةخايف على حبيبتو
المهم ماقادر يسأل ولا واحد فيهم سكت على كده وقال تاني ح يراقب تصرفات صحبووو
بس اسراء معقوله تحب بشه لا م اظن
اسراء جات نامت وصحت العصر مشت لي حسان لقتو مافي اتصلت ليه كذا مكالمه م برد فضلت صاحيه للساعه واحده وحسان م جاء فتحت الواتس مافي منو رسايل
قعدت ابكي م عارفه الببكيني شنو وكل شويه افتح الواتس مافي منو رسايل اخر ظهور ليه 8صباح
يتبع....
