ووواي سجمي العشاء اذن والبت دي للان م رجعت ياربي تكون مشت وين ابوها هسه يجي من الجامع ويلقاها مافي ..يالطيف بتكون وين ...
يا سندس وايمان قومن امشن فتشنها من بيوت صحباتها وابوك لامن يجي انا بتصرف بقول رسلتكن
في النادي...
انا طبعا في النادي ايوا البت البفتشو عنها انا إسراء بقراء في سابع طبعا بحب اشاهد التلفزيون بس م عندنا تلفزيون بالبيت والرجال بس بشاهدو في السوق (اللي هو النادي الانا فيه هسه دا)
المكان كلووو رجال الا انا البت الفي وسطهم حنست ايمن اخوي عشان يسوقني معاه وساقني معاه، ،,
ابوي زول صعب شديد ولا اقول ليكم قريتنا عموما لسع ناس رجعيين شديد اولا م عندهم حاجه اسمها تعليم البت ، تقري الاساس وتتزوجي ...انا طبعا بختلف تماما عن بقيه اخواتي سندس وايمان ومصطفي وايمن انا اصغرهم طبعا انا شطوووره دايما بجي الاول والله زعلااانه شديد لانو باقي سنه وفوضتي دي ح تنتهي....سنه وح يزوجوني ههههه طبعا مجنونه انا
في البيت:يا أمي قالو م لقوها طلعو من درس العصر سوا
فاطمه(دي الام):يارب تصبرني طيب لو م مشت لواحده من صحباتها ح تكون فين مشت وين الزمن دا
سندس:يا أمي انا سامعه صوت ابوي شكلو برا نعمل شنو
طبعا احمد الزين زول سمعته ممتازه في الحله واي زول بتمني بناته لانهن بنات أصول بالجد
يا إسراء يابت يا إسراء تعالي
نعم يا ابوي
انا ناديت اسراء،يا ابوي اسراء نامت عشان كده انا جيتك ،،خلاص اعملي لي كبايه شاي سريع...
ونحن بالنادي م جايبين خبر انو الزمن اتاخز أيمن الليله ابوي بكتلني ،، لا م اظن فقدك انتي عارفه امي بتعمل المستحيل عشان تغطي ليك غايتو تعبانه معاك تعب امي دي
خلاص سيب الكلام الكتير وقوم أرح ونحن جااااارين جري شديد وجينا داخلين زي الحراميه براااااحه ،،شفنا ليك زول جايي علينا جسم برد خلااااص الليله موووتك يا إسراء لما قرب مننا طلعت دي امي ،،عايزه افتح خشمي اتكلم قفلت لي خشمي واشارت لايمن بيدها بمعني امشي،،وساقتني انا لغايه غرفتنا ولقيت ايمان وسندس صاحيات امي قالت لي كنتي وين للان خوفتيني عليك ؟؟
امي انا مشيت مع ايمن التلفزيون وحضرت الكوره بين برشلونه والريال وبعديها حضرنا فيلم زاااابط لو شفتو التلفزيون بجيبو فيه حاجات عجيبه ...ابوي جاي من الحمام سمع الكلام وجا غرفتنا ...كنتي وين يابت؟؟
انا انا مشيت التلفزيون مع ايمن...ده اخر الدلع البتدلعك امك اها شفتي يافاطمه بت تمشي تقعد وسط الرجال عشان تشاهد اااخر زمن؟؟ طبعا انا خايفه وحاضنه امي ومكنكشه فيها ابوي عايز يضربني كف بس الكف جاء ع وش امي طبعا انا دموعي نزلن بحررر،،،ابوي طلع طوالي ونا ببكي وبقول لامي سامحيني ،،لا ي سرويه هسه لو ابوكي ضربك الكف ده انا بكون موجوعه اكتر منك امشي نومي والصباح نشوف وانتي عارفه ابوكي م ح يسكت للعمله العملتيها دي والله انا خايفه عليك يا بتي
اها الصباح صحيت وطبعا نسيت الحصل امس لبست وماشه المدرسه ،،
ابوي:ماشه وين يابت تاني بعد اليوم مافي مدرسه يلا ارجعي اصلا البنات م منكن فايده غير بتشوه سمعه اهلكن
يتبع.....
