مشيت الغرفه وانا حزينه لاني ما ح امشي المدرسه بعد اليوم اترميت في السرير وقعدت ابكي وابكي جات سندس مسحت دموعي وحضنتي عليها وقالت لي الدموع ده كلو عشان الدراسه وحلاااااتي ياناس بتبكي عشان حموها من المدرسه قال اسمعيني اصلا كده كده المدرسه دي سنه وح تخليها وهسه فضل شهر بس والناس تمتحن يعني الاجازه قربت م بتفرق معاك كلها شهر بس...
والله يا سندس انا بحب الدراسه ومرادي اكمل تعليمي...
ان شاءالله حبيبتي بتمني تكملي تعليم بس ده من الصعب...جات ايمان قالت هي خليها تحلم سااااي
نمت وصحيت مشيت الصالون ايمن لسع ماجاء كل دقيقه والتانيه بمشي بلقاهو لسع م جاء بعد شويه كده طلعت تاني بس سمعت صوته جنب الباب جريت ليه ايمن مالك اتاخرت كده ؟؟سرويه مالك جيتي بدري كده الليله انفقعت ليك بكي
ايمن:مالك سرو في زول زعلك احكي نحن اتفقنا على شنو مش قلتي لي تاني م بتبكي قلت ليه ايمن ابوي منعني من المدرسه قال لي بسيطه بتتحلا انتي هسي اقري كويس وانا بقنع ابوي تمشي تمتحني مع الناس حتى لو م قدرتي امتحنتي م مشكله بس لازم تمتحني ثامن ضروري بعد كلامه ده ارتحت يدااااب
طبعا ايمن ده مش اخوي وبس اقرب زول لي وهو الوحيد البفهمني بين اخواني كلهم المهم انبسطت شديد ومشيت الغرفه لقيت ليك ايمان وسندس بوشوشو م عارفه بقولو في شنو قلت ليهم هي انتو بتقطعو فيني مش ...اصلا م عندكم حاجه غيري ...
ايمان:حبيبتي والله نحن بنتكلم في موضوع انتي لسع صغيره عليو طبعا بكره علة علمك جايبن ناس يخطبو سندس والعقد يوم الجمعه وح يسوقوها معاهم طوالي
صح ي سندس واي انتي ح تبقي عروس احلي شي طبعا ايام العرس زول بفقدني ماااافي بمشي التلفزيون وبجي....ايمان تضحك وتقول الناس في شنو وهي في شنو والله سرو دي ...
جات امي الصباح صحتنا يلا قومووو يا بنات نضفن الحوش دا الناس ديل ح يصلو العصر نضفنا وحلينا العصير ومنتظرنهم وطلعنا السراير في الحوش وفرشنا احلى ملايات عندنا
انا متوتره شديد م عارفه ليه لو كنت انا بمحل سندس م عارفه اعمل شنو
شوويه كده وسمعنا صوت عربيه مشينا كلنا نستقبلهم من الباب جو نازلين كده فتحت عيوني وخشمي وبعااااين زي الهبله ياااخي ناس حلوووين حلا اول جات نازله الام الدهب ده من هنا لي هنا والعجب الحنه والتوب والبت لابسه بنطلون كحلى كده وتشرت احمر واقفه بعاين ساي جات امي اهلين اتفضلو اتفضلو يداب حتى قلت اتفضلو اتخيلو الناس واقفين ليهم فتره م فضلتهم ولا سلمت عليهم والتفت كده لقيت ايمان احسن انا هي بتعاين في الاولاد طبعا مزز يداب انتبهت ليهم ...قعدنا كلنا في الحوش ومشينا جبنا المويه والعصير قدمنا ليهم امي قالت ليهم بتكونو تعبانين اكيد من السفر اتفضلو جوا اخدو راحتكم
امهم اسمها زينب قالت كدي نادو للعروس نسلمو ليها مشيت ناديتا طبعا سندس بيضاء وطويله عثوووله كده جات سلمت عليهم
خالتو زينب: بعرفكم طبعا دي بتي سجي بتقرا طب السنه الثانيه ليها ودا اسعد مهندس كهرباء شغال في السعوديه وحسان دكتور اخصائي اطفال والطيب بتعرفوه طبعا(الطيب ده العريس) شغال في وزاره الماليه
ايمان قرصتني يا سرو والله سندس محظوظه عايني الناس ديل كلهم دكاتره ومهندسين اشي عليهم
والاولاد كانو قعدين جنبنا يعني اي حاجه قالوها بنسمعها قمت عاينت كده لقيتو بعاين لي قام غمز لي طوااالي طلعت ليهو لساني😜(غايتو جنس هباله)
قام ضحك وقال والله اتاري بنات القرى حلوات ونحن ما عارفين ولا مكياج ولاشي بالطبيعه حلوات واحد قال حقو الزول يخطب واحده منهن
حسان:بس اوعي تفكر في الصغير ياخ دي قررضه عديل انا عايزها
قمت طوالي مشيت ليهو قلت شنو قرضه ؟والله انا عسل قرض انت شعرك المنكوش دا ومشيت قعدو يضحكووو
امي:سرويه ودي البت دي الغرفه شكلها تعبانه خليها ترتاح حاضر يا امي مشيت معاها الغرفه طلعت تلفون كبيييير شكله حلو كده قالت تعالي ناخد سيلفي قلت ليها سيلفي دا شنو ضحكت وقالت طيب تعالي اقيفي جنبي وقفت جنبها اتصورنا وتاني صورتني براي وختت تلفونا ومشت الحمام شلت التلفون وبتبس فيه جات لقتني قالت وااااي فتحتى الواتس ورسلت صور لحسان اخوي ههههه الحمدلله طلع الصور صوري ...
قلت ليها طيب اخدي راحتك وطلعت ماشه الديوان عايزه ايمن ضروري وقفت في باب الديوان وبنادي أيمن أيمن أيمن
جاء طالع حسان ده شنو عدم الاوتكيت دا م تنادي براحه
انا ناديت ايمن م ناديتك اووو سرو العسل م قايلك دي اتي معليش بس اخوك طلع
انت الليله اصبر لي بشكيك لايمن قبيل قلت لي قرضه وهسه شاغلتني
سرو عشان قلت ليك عسل كده معناه شاغلتك طيب انا اسف دخل جوه وهو بضحك ماعارفه بضحك في شنو
في الصالون:-
والله يا اسعد البت الاسمها اسراء دي عسل عديييل ياخ وبريئه براءه م ناقشه حاجه وبتحب تتفلسف هههههه
ايمن:-الشباب مبسوطين م ضحكونا معاكم ياخ
حسان:بنضحك في اختك الصغيره دي مشاكسه وظريفه شديد جات قبل شويه بتناديك
والله يا الطيب انت محظوظ عروستك مزه واخواتا مزز
الطيب: م تكون فكرت في عروستي ها
حسان:معقوله ياخ نحن عيونا في البرااااعم
اسعد:والله حسان ده شكلو خلاص حب البت ههههه
يتبع.....
