ابن العم
البارت ١٠
جاوبت ام اميره وهيه تبجي
الو
ها خاله ليش جهاز اميره مغلق
خاله عفيه جاوبيني ليش تبجين
وك ريسان وك اميره بلمستشفى
ليش خاله جاوبيني الله يخليج
تتذكر ذاك اليوم من كتلك عمهه جايبلهه عريس
اي اتذكر غير رفظته
اي بس اول البارحه اجه عمهه وسالهه ليش مترظين تتزوجين كالتلهه ما اريد ظل يصيح وحجي عليهه حاجيته اني مفاد جان ابوهه مموجود كالتلهه اميره عمي رجاءا معليك بيهه اني كايلتلك اريد اتزوج ماريد عوفني بحالي
اي وبعدين
كام يعيط وشال مزهريه وركعه براس وصار عدهه فطر بلجمجمهه
من سمعت هيج حالت اميره نجنيت سديت التلفون واني صاير نار كلبي يدك مثل الطبل تهسترت كمت اكسر بلغرفه مالتي
اجتني امي تصيح عليهه يمه اسم الله عليك شبيك يمه
يمه راح تموت اميره
يا اميره ولك
يمه اميرة كلبي يمه حبي الوحيد كاتلهه عمه سمعتي والله اذا صار شي بيهه ماراح اسامحكم ابد اسمعي يمه روحي كلي لبوي منا الباجر اذا ماقبل يروح يخطبلي اميره صدكيني راح اطلع من البيت وبعد ما ارجع
يمه الله يهديك بس اصبر عليه شويه
اكلج ترحين لو اروح اني
رايحه يمه الله يهديه
راحت امي تحاجي ابوي واني ظليت اخابر عل ام اميره
ردة عليه كالت ريسان بعد شويه احاجيك راح يجي الدكتور يشوفهه
زين بس مو تنسين
لا ما انسه
سديت منهه ورحت للصاله اشوف امي شسوت وصلت يم باب غرفت ابويه اسمع ابويه يكلهه لو تطلع روحه مو يطلع من البيت ماراح اخطبهه
هنا اني وصلت حدهه عندي
طبيت عليهه كتله بويه تدلل راح تطلع روحي انشاء الله وبعد ما اطب البيتك
طلعت حته مخليته يحجي لميت ملابسي ورحت للعماره
اجرة غرفه بلفندق خليت غراظي وخابرت ام اميره
جان تكلي
هله خيه شلونج
خاله اكو واحد يمج
اي خيه هاذا ابو اميره هنا
خوش بس كليلي شلونهه اميره
لا زينه فتحت عيونهه والدكتور كال زينه
خاله وين بيا مستشفى انتو
لا لا ابد لا تجين خاله باجر طالعين احنه
ميخالف لازم اشوفهه
لا لاتجين ليش تعبين روحج
جا شلون ماشوفهه
الله كريم عود اني اخابرج
خوش انتظرج تره اني هنا بلعماره
ها خوش لعد اني اخابرج
سديت المبايل منهه
دك المبايل مره ثانيه شفتهه طلع اخويه علي
الو ها ريسان ينك انته
هجيت شتردون مني هسه صرت عزيز
علكيفك يخوي شبيك ويانه
مابيه شي
ريسان انته التريده شني
علاوي اني تعبت والله تعبت من ابويه علاوي اني احب وحده والي احبهه عمه كاسر راسهه بظربه وهسه بلمستشفى
لا صدك
اي والله. اني لا حوله ولا قوه ما اعرف شسوي البنيه جاي تتاذه من وراي واني ابويه داوي عليه عرفت هسه شبيه
ريسان ارجع يخويه واني احجي ويه ابوي
ميرظه والله ادري بيه
لعد شلون تظل طالع
لعد شسوي شتكول انته شنو الحل اعوف البنيه الي امنت بيه
لا خويه ميصير تعوفهه
لعد شنو الحل
الله كريم اني هسه رايح يم ابوك وشوف شيكول
تمام وعود خابرني
اي تدلل الله وياك
رجعت خابرت ام اميره
الو خاله شلونهه اميره
لا زينه والدكتور كال باجر تطلع
زين اريد اجي اشوفهه
اي تعال هسه مدام ماكو احد
يلله جاي انتو بلمستشفى العام
اي من تجي خابرني. اني ادليك
يلله خوش
رحت للمستشفى وصلت خابرت ام اميره دلتني عليهم وصلت
ها خاله شلونج
شلوني خاله بلظيم
اميره شلونهه
زينه طب شوفهه بسرعه واني واكفه هنا
طبيت لكيت اميره وجهه ازرك وراسهه لافينهه ومورم فقدة من شفتهه سديت حلكي وابجي مخنوك ليش هيج ياربي اني ممسوي شي يغظبك ياربي ليش هيجي وياي بجيت بحركه كعدت بلكاع دنكت راسي خليته عل جربايه وابجي بحركه اول مره ابجي بيهه
حسيت ايد نمدة عل راسي عرفتهه اميره جريت ايدهه لزمتهه بيدي كتلهه اروحلج فدوه
كالت لا ريسان لتكول هيج اني اروحلك فدوه
اميره ليش هيج يصير بينه
هاذا امتحان
شلون متحان كلش صعب اميره اني تركت البيت وراح اجي اتقدملج وحدي بلكت اهلج يقبلون
لا ريسان لا اني اعرفهم ميقبلون وبعدين ليش تركت البيت
تعاركت ويه ابوي من سمعت بيج
وهاذا عمج شيريد منج اله يزوجج
مو هوه الجبير ويكول مسؤلين مني
تره الله الجبير اميره ماراح ارجع اذا مقبل اخطبج
شفتهه تعبت متكدر بعد تحجي
اموره لتعبين نفسج وصيري قويه اخويه راح يحجي ويه ابويه بلكت يقنعه
اشرت اليه بعيونهه
دخلت ام اميره كالت يلله ريسان كوم روح ليجي واحد
اي خاله رايح لزمت ايدهه وعصرتهه حيل وكتلهه لتخافين متظيك الا تفرج
اشرت وكالت انشاء الله
طلعت من الغرفه رحت للفندق كلت خلي اخابر علاوي اشوفه اشسوه
دكيت دك مره مرتين جان يشيله كال الو
هاعلاوي شصار وياك
تتوقعون علاوي كدر يقنع ابو
تصويت حبايبي وتعليق فديتكم
أنت تقرأ
ابن العم
ChickLitالسلام عليكم ابن العم المقدمه #طائر بلا تغريد # عادات حطمت شباب دمرت عوائل ازهقت ارواح لاكن هل تركناها لا بل مازلنا متمسكين بها وهي ابن العم لبنت العم يعتقد البعظ ان هاذه العاده دمرت الفتيات فقط ولاكن هاذه قصتي ستكشف لكم وتؤكد ان الفتيان قد تأذ...
