ابن العم
البارت ٧
نسي المبايل علميز وجتني رساله وجان بلا رمز قرت جنان الرساله وجانت منشور خاص مسويته اميرة القلوب طبعا اني لسه معرفت اسمهه
جاوبتهه جنان وظلت تسولف وياهه وهيه متدري انها جنان مو اني لحد مطلعت من الحمام شفت جنان شكلهه مكلوب ولازمه مبايلي ودموعهه تجري عرفت بيهه عرفت راسن لكفت المبايل منهه وصحت بيهه شني هاي ليش تدورين بمبايلي
جاوبت وهيه تبجي
جنت حاسه بيك بس محد صدكني
شوفي جنان انتي تعرفين زين اني يجي يوم وحب بعد ليش هل حجي هاذا
متوقعتك تسويهه
ليش يابه اني من البدايه جنت صادق وياج
بس ريسان اني شنو قصرت وياك
انتي مقصرتي بس اني ابد مكدرت احبج
وهاي حبيتهه
اي حبيتهه وراح اتزوجهه
مسحت دموعهه وكالت اذا متطلكني متتزوج
تفاجأت بيهه
شلون اطلج ليش مو انتي كلتيلي راح اساعدك تتزوج
اي هذاك قبل
وهسه شنو تغير الي تغير اني حبيتك ريسان حبيتك وما اتحمل وحده تشاركني بيك
جنان افهميني ياعيني اني من اول يوم مو كتلج اني تره ما احبج وكتلج تره زواجنه وقتي بعد ليش هل عذاب
ريسان ما اكدر والله وك جنت ما انام اليل كوله واني اسمعك تكتب رسائل عبالك ما ادري لا ريسان اني عرفتك من اول يوم بس جنت ساكته كلت بلكت نزوه وتعدي بس هسه من حاجيتهه عرفت انته مراح تعوفهه ولهل سبب اني لازم اعوفك
باجر راح اروح لهلي ونته طلكني
عافتني وطلعت
ظليت صافن عل حجيهه شلون بيهه هاي وابويه اذا عرف شراح يسوي ظليت افتر بلغرفه وهاي جنان هم عافتني وطلعت مليت طلعت لكيته كاعده بلصاله وتبجي لزمت ايده وكومتهه خليت راسه عل صدري ومشيت وياهه للغرفه بدون كلام وصلنه للغرفه اخذتهه للجربايه شلت الغطه نيمتهه وحظنتهه ونمت ما ادري ليش
يمكن كسرت خاطري يمكن بديت اتعود عليهه بس كول الي اعرفهه متستاهل الاذيه
للصبح طلعت لكيتهه ماكو بلبيت ركظت طلعت للحديقه ماكو لكيت امي كاعده بلباب
ها يمه صباح الخير
باوعتلي وردت باوعت للشارع ياخير هاذا ريسان مرتك راحت لهلهه
شلون شوكت
قبل شويه خابرت لخوهه وجه اخذهه
وليش مكعدتيني
احسن لتتكافشون انته وخوهه
دنكت ورجعت للبيت
وراهه بدلت وطلعت شويه فتريت بلمنطقه شفت اخذتني رجلي الباب بيت عمي وكفت بلباب شويه ردت ادك الباب بعدين تراجعت رجعت للبيت طبيت الغرفتي ظلمه حسيتهه سجن مو غرفه تمددت عل جربايه دك فوني اشعارات
تذكرت هاي شلون من البارحه ممحاجيهه
فتحت الخاص لكيتهه كومه متصله بيهه
دكيت عليهه جاوبت وصوتهه يرجف
الو هاي وينك انته
الو اسف البارحه نشغلت
بس انته جنت تحجي وياي ونكطع الاتصال
ها اي مو نطفه النت
يلله اهم شي انته زين
اي زين ماعندي شي
لعد ليش احسك مهموم
وليش اكون سعيد
هوايه اسباب
مثليش
الصحه جمعة الاهل لازم نحمد الله عل كولشي
الحمد لله
ظلينه نسولف بعدين سالتهه انتي شسمج
واخيرا سالت
هههههههههههههههه ليش جنتي منتظره اسال
اي والله لان تراهنت ويه نفسي شكد تكدر تصبر قبل لتسال عن اسمي
هههههههههههههههه ومنو الفاز اني طبعا
شلون بلله
شوف نفسي كلتلي كول الشباب واحد اول ميتعرف عل بنيه يسالهه شسمج
اني كتلهه لا ريسان يختلف
اي بلله وشجاوبتج نفسج
هههههههههههههههه كالت لا حته ريسان هسه من ثاني مكالمه يسالج
فكتلهه تتراهنين
هههههههههههههههه بلله عل شنو تراهنتو
هههههههههههههههه معليك هاي بيني وبين نفسي
بلعافيه عليج فوزج عل نفسج هههههههههههههههه
هسه كليلي شنو اسمج
راح اسويه حزوره الك ونته اعرفه
هههه خرب يومج ليش هلدوخه مابيه حيل افكر
لا شغل عقلك شبيك
يلله عمي احجي
شوف اسمي موجود بقصر الملوك
ءءءءءء ملك
لالالا
زين تاج
لالالا
زين ورود
لالالالا
يو ايست هههههههههههههههه
شني بسرعه ايست شو
اكلج ما ريد اعرف اسمج هههههههههههههههه
هيجي لعد زعلت اني
وج تعاي خرب والله اتشاقه
يمعوده دتعاي وين رحتي
ماراح ارد عليك لمن تعرف اسمي
يلله اوكي
ءءءءءءءءء قصور
لالالا
لعد اميره
هههههههههههههههه واخيرا عرفته
هههههههههههههههه صدك اسمج اميره
اي والله
الله عليج حلو اسمج
والله جذاب مو حلو
ليش والله حلو انوبه اصيحلج اموره
اوكي
اكولج اموره اروح هسه وبعدين احاجيج
يلله اوكي
باي
باي
سديت التلفون وطلعت بره اجه ابويه واخويه علي ملي ابويه
ها ريسان رتاحيت هسه من كسرة ركبت البنيه
والله مو اني الي كسرت ركبتهه
جا منو ولك
انتو كتلكم تره ما احبهه بس انتو اصريتو
اشبعو بيهه
لك انته تريد تجلطني عبالي زلمه وعتمد عليك طلعت لا والله كلشي ماكو
بويه تره والله موتوني وعلي اطلع من البيت بعد ما ارجع
طلعتهم والله ثم والله ما تصيرلك مره ما طولني عايش
جنان راح تطلكهه وتظل بلا مره طول عمرك
اصلا بويه جنان كرهتني بلنسوان كلهه
طلع ابويه وعلي راحو البيت عمي واني بدلت ورحت الشغلي وهناك جنت كاعد وما احس الا واحد هاد عليهه بلمسدس
شتكولون منو هد عل ريسان
ما اوصيكم تعليق وتصويت
أنت تقرأ
ابن العم
ChickLitالسلام عليكم ابن العم المقدمه #طائر بلا تغريد # عادات حطمت شباب دمرت عوائل ازهقت ارواح لاكن هل تركناها لا بل مازلنا متمسكين بها وهي ابن العم لبنت العم يعتقد البعظ ان هاذه العاده دمرت الفتيات فقط ولاكن هاذه قصتي ستكشف لكم وتؤكد ان الفتيان قد تأذ...
