ابن العم
البارت ٨
سمعت صوت واحد دخل عليه وشايل سلاح
منو هاذا احمد
احمد اني اخو جنان وبن عم ريسان جنت بلبيت سمعت جنان تبجي وتسولف لمي عل ريسان وشلون هاملهه ويحب وحده بلمبايل متت قهر اخذت سلاحي ورحتله للشغل دفرت الباب ودخلت عليه من شافني وكف عل حيله وصاح احمد
اي ريسان احمد ابن عمك واخو جنان الي ذليتهه من خذته لليوم الي رحت تتمعشك من وراهه
ريسان وكفت عل حيلي وفتحتله صدري وكتله اظرب يخوي والله ما همني الموت بس يهمني انته والحجي الي راح ينحجي علينه
هههههههههههههههه كلش همك اني لو الناس لو هامينك ماسويت سوايتك
شوف خويه احمد اني ما انكر انهو احب وحده بس لازم تسمع مني وبعدين شتريد تسوي سوي وثق بلله ما راح ارفع ايدي عليك لانك خويي وعظيدي
شراح تكول مثلا
شوف احمد اني اول ما كلي ابوي نخطبلك جنان كتله اني ما هاويهه احسبهه حسبت اختي والله شاهد علي بس ابوي ظل يلح وخيرني بين يتبره مني وبين زواجي من جنان
واني ماخليت واحد ما كتله تره اني ماهاويهه وحته الهه كتلهه قبل الزواج كتلهه تره اني ما هاويج احسبج مثل اختي كالت اني هم كتلهه جا ارفظيني كالت ما اكدر لان اذا رفظتك معناتهه عندي علاقه وهلي يكتلوني شفت حجايتهه صح رحت لبوي وكتله تره حته البنيه ما هاويتني كلي معليك بيهه وره الزواج اتفقت وياي انو بس الكه البنيه الي احبهه اتزوج وروح اسالهه بس هسه من صارت صدك غيرة رايهه واني لليوم ما كدرت احبهه بس عمري ما ذليتهه ولا قللت من قيمتهه
هاذا يخوي العندي وبعد بكسفك تريد تكتلني هاذا صدري مفتوح الك
احمد من سمعت من ريسان ظليت صافن معقوله لعد احنه وين جنهه ليش اذينه اختنه واذينه ابن عمنه نزلت سلاحي وكتله اذا حجيك صدك ليش اني ما ادري بيه
ابي هددني اذا حجيت الواحد يتبره مني
كعدة بلكاع حطيت ايدي عل راسي كتله ليش هيج ريسان حتى اذا تريد تتزوج ليش تريد تطلك جنان
والله العظيم ماريد اطلكه واني كتلهه تظلين معززه مكرمه بس هيه مقبلت
تمام تمام
احمد وين رايح
مع السلامه ابن عمي
راح احمد واني ظليت الوب شلون شراح اسوي خاف من ردة فعل ابوي للصبح منمت خلص دوامي رجعت للبيت
لكيت ابويه ماكو بس امي كاعده بلمطبخ
ها يمه شلونج
شلوني يمه
خير شصار
ولك تخاربو ابوك وعمك وبوك وكع وخذو خوتك للمستشفي
لا بلله ركظت بعد ما شوف بملابس الشغل وصلت للمستشفى لكيت اخوتي كاعدين باب الانعاش
ها علاوي رظاوي شلونه ابوي
ولك جلطه براسه شلونه بعد
يابويه ظليت ادك عل راسي
وصيح اني السبب ولكم اذا صار شي بابوي اكتل روحي
ظلو يسكتون بيه وره ساعتين طلع الطبيب كال الحمد لله عده الخطر هسه ظل عل مراقبه
نكدر نشوفه
لا هسه الزياره ممنوعه الباجر ونشوف
كالو اخوتي واحد يبقه والباقين نروح للبيت
كتلهم اني ابقه ماروح روحو انتو
ظليت يمه الثاني يوم صحه اجه الدكتور كال راح نطلعه بس لازم تنتبهون عليه
طلعته للبيت اول ما طلع
كلي ريسان ماريد اشوفك
بويه والله اسف
اني مريظ مابيه حيل اصيح
يمعود ريسان روح هسه وبعدين نسولف
طلعت من البيت واني طالعه روحي رحت يم بيت خالي
ظليت يومين بعدين دزو عليه عمامي
رحت لاكاني احمد كلي ريسان لازم تطلك اليوم
لا احمد شتكول انته
هاذا الحجي لازم تطلك ومتطلع اليوم اذا متطلك
توسلت بيهم ماكو قافلين لكيتهم جايبين الشيخ طلكت وطلعت وصلت للبيت كلت لمي اني طلكت جنان
يا ولك ليش ستعجلت
يمه عمي دز عليه وجبرني اطلكهه
ولك لا تحجي لا يموت ابوك
يمه هوه شوصلنه لهنا غير ابوي
هسه روح الغرفتك ارتاح يمه
دخلت الغرفتي طلعت المبايل اتصلت عل اميره
الو
هلو ريسان شلونك
موزين خيرك شبيك
اميره راح اسولف وياج بموظوع وريد جواب
احجي ريسان
اميره اني احبج
وين رحتي جاوبيني
شتريد اكلك
اريد الصدك
بس انته مشايفني
مراح يفرق عندي اني حبيتج انتي مو شكلج
يلله اريد جواب
واذا جاوبتك شراح تسوي
اسوي المستحيل حته تكونين اليه
ها شكلتي
اني هم احبك
الله عليج
اي والله اموت عليك
هههههههههههههههه اااااااا ه ه ه ه شكد جنت منتظر اسمع هاي الكلمه منج
وهسه ريسان شراح تسوي
شوفي اصبريلي شويه خليني اكون نفسي كم شهر وجي اخطبج
ماشي اني مستعده انتظرك العمر كوله
نجي عل اميره شويه
اني اميره عمري عشرين سنه الوحيده لهلي مدلله عندي ثلث اخوان ابويه موظف امي خريجه بس متوظفت جنت اسمع بلحب بس معايشته جنت اتمنه احب وعيش قصه مثل كول بنيه بعمري بيوم جنت اتصفح بلفيس جذبني منشور شخص كولش حلو قريته دخلت عل صفحته ظليت اكلب بمنشوراته كمت يوميه دخل عل صفحته وشوفه شنو ناشر الا ان بعد اكثر من ست اشهر نشر بيت شعر واني احب الاشعار جاوبته بيت شعر رد عليه همبيت شعر ظلينه واحد يرد ع ثاني الا ان تعبنه ظحكنه ظلينه نسولف وتطورت العلاقه بيناتنه ظلينه اكثر من ثلاث اشهر وراهه اعترفلي انهو يحبني
واني هم عترفتله بس ما ادري جان بكلبي غصه مامفهومه
ظلينه نحب بعظ فتره كلي اريد اشوفج تواعدنه بمكان عام رحت اني والدتي للسوك نتسوك وكتله اني راح البس شال اخظر وهوه هم كال راح البس قميص اخظر هههههههههههههههه رحنه للسوك وهناك ظليت منتظره وامي راحت تتسوك واني واكفه يم محل كماليات فخابرني ريسان كلي انتي وين اني هسه بنص السوك كتله تعال يم محل الكماليات الي باخر السوك وفعلا واكفه بلمحل وجان يدخل ولد لابس اخظر جان يكول هلو كتله ،،،،،،،،،
يلله المقابله عل بارت الجاي تعبت هههههههههههههههه
أنت تقرأ
ابن العم
ChickLitالسلام عليكم ابن العم المقدمه #طائر بلا تغريد # عادات حطمت شباب دمرت عوائل ازهقت ارواح لاكن هل تركناها لا بل مازلنا متمسكين بها وهي ابن العم لبنت العم يعتقد البعظ ان هاذه العاده دمرت الفتيات فقط ولاكن هاذه قصتي ستكشف لكم وتؤكد ان الفتيان قد تأذ...
