مروة : اللووو
هاشم :اححم الوو كيف حالك
مروة:تموم وانت
هاشم :الحمد الله
مروة:شن فيه ان شاء الله خير
هاشم :ااه لاشي
مروة:ههههههههههه
هاشم :خيرك
مروة؛ لا شي مش من عوايدك هاليومين متغير هلباا
هاشم : ههههه لالا انتي يتهيألك
مروة : ههههه ان شاء الله
هاشم :ايييه.. شن اديري
مروة :شي مكسدة كيف سكرت الشيتات
هاشم :اها بالتوفيق
مروة؛ تسلم
هاشم :اا هي مع السلامة تبي شي
مروة :سلامتك،، سلام
وسكر هاشم وقعد يفكر يارب اني كيف حنعترفلها
اما مروة فقعدت يارب والله واضح عليه انه يحبني ياربي يكون شكي في محله❤️
__________
صبااحا 🌞☀️
ناضت بيان وهي تحس روحها دايخة ومش عارفة خيرها
ناضت بدلت وصلت ونزلت بيش تمشي للجامعة
لما وصلت بيان للجامعة :
بيان :اااه ياربي شمس هلبا اليوم
صوت من وراها : ماهو تبيك تروحي لان مافيش شمس وقمر يطلعو في نفس الوقت 🌓
بيان: درق وجهك ياسخيف 😣
عثمان؛ تي غير خيرك ياحلو
بيان:اسمع والله مش راي...
ويجي بوكس لعثمان من محمد👊👊
بيان: ااا😱😵 علاااش
محمد : والله مرة تانية نلقاك معاها تشبح شن يصير فيك يا ولد **$&#
طبعا عثمان مشي وهوا يهدد في محمد
عثمان :توا تشبح ياولد ال&#$*😠😡
محمد :برا زيد غادي اعلى ما في خيلك اركبه ياكللب 😡😠
بيان مش مستوعبة يلي صار
محمد تلفت لبيان
محمد : فيك شي... دارلك شي الحقير هادا
بيان بصوت عاالي :مافيا شي ولادارلي شي وعلاش درت هادا وشن واصلك انت بيش تدير هكي ومادخلكش فيا
نزلت دمعتها ومسحتها بسرعة بدون مايشوفها محمد
محمد: خييرك،، ااسف لو صايقتك بتصرفي هادا.. بس ما قدرتش نشبحه يضايق فيك ونسكت
ومشي وسيبها ا
بيان معاش قدرت قعمزت وبدت تبكي وهي مش عارفة علاش هكي قالت لمحمد 💔
اما محمد مشي هوا وقلبه مكسور ويتكلم بروحه
محمد :تي خيرني الزفت علاش درت هكي.. اصلا مادخليش فيهااا.. معقولة نكون نحبهاااا... ااافف اصلا انا حماار شن يلي خلاني نمشي جيهة كلييتهااا
.........
مشت بيان للمحاضرة وطلعت مع صحباتها وقالولها علاش درتي هكي وتكنطو منها وروحو
اما محمد هو مروح قال خن نخطم علي مطعم جعان
اول ما وصل دق قلبه بعد ماشاف ناديةبروحها مقعمزة
جي بيقرب وهو يضحك وفرحان ومش قادر
اول ماوصل......
نادية :اهلين
سالم :يااهلا.. عطلت هليك خليتك تستني سامحيني حبي
محمد انصدم ووخر وقعد يشبح فيها وهو مش مستوعب يعني كان يسمع بيهم انهم يحبو بعض بس لما شاف بعيونه تأكد.... وخر وطلع من المطعم وقعد يسووق هو معصصب
وصل للحوش وهو معصب خش طول رقد
__________
اما عند شهد تغسل في الماعين وتغني
ده حبيبي ده حبيبي🎶 والله حبيبي اشهدو دا حبيبي خد البي معااااااه 🎵🎵
شوي جتها اختها
اختها :الله الله ياسلام 😊😏😏
شهد :بسم الله الرحمن الرحيم امتي جيتي وانت زي الجني
اختها :من لما قلتي انه حبيبك
شهد :بتسكري فمك ولاكييف
اختها :به كان ماسكرتاش
شهد :والله ات..
اختها: تاليفونك يشرين 😂
شهد : احمدي ربك
شافت للتيليفون وضحكت.😅
اختها: وتقولي قليلة ادب تي والله م...
شهد لوحت عليها الشبشب
شهد :درقي وجهك ياكلبة يا..
وخدت تيليفونها ومشت لدارها هدرزت على علي
________
....... يتبع 💙
