في الليل مؤخر
عند شهد 🌸
مقعمزة تتفرج شوي شرين تليفونها...... ناضت مشت لدارها وسكرتها وردت
شهد :الووو
علي :ياقلبي شن الجو
شهد :تموم شن شكلك روااق
علي:ياسلام وكيف تبيني مانفرحش 😍
شهد :اووو قول خيرك فرحني معاك
علي : هي بسم الله..... ااااا كلمت امي عليك
شهد :اهييي شنو😨😵
علي :خييرك بسم الله
شهد :كمل كمل يافضيحتي
علي :ايه قتلي الاسبوع الجاي بتجيكم بيش انت تقولي لامك 😊😊
شهد : ووه عليا مش قلنا مزال
علي :اما مزال مانقدرش نصبر اني ره
شهد :اااف باهي قتلي قبل ماتقوللها
علي :عارفك مش حتوافقي
شهد :به توا نقوللها... ياعليك حالة وخلاص
علي : شهد
شهد :ها
علي : نحبك 💓
شهد : مش عارف انت تختار في الوقت يلي اني نعصب فيه وتجي تقولها ولا شن
علي :هههههههههه بيش تعرفي بيش تهدي ياعمري
شهد:ههههههههه اهبل
علي :بيك ياحبي
وقعدو يهدرزو لين قريب ترقد
______
عند مروة... 💙
مقعمزة تقرا..
ااممم توا هادا صح🤔.. لالا شكله صح.. ااافففف شن هادا ياربي 💔
والله لما نفتح نت
واول مافتحت النت لقت رسالة من هاشم 😨
مروة :اووويييلي حي 😍😍
لقاته باعتلها
اهلاً
مروة :اهلينّ
هاشم :شن جوك
مروة :تمام وانت
هاشم :الحمد الله
........ قعدو ساكتين فترة
هاشم :هدرزي ههههه
مروة :ههههههههه هدرز انت
هاشم : بكري شفتك
مروة:ويين
هاشم :في الجامعة مع باسم
مروة :اهااا كنت نبي منه الشيت
هاشم :اها بس
مروة :ايه
هاشم :😊😍
مروة :خيرك 🤔😂😂
هاشم :شي شي.... هي تصبحي علي خير
مروة تفكر يارب خيره هادا شن جاه.. والله امرك عجيب يا حبيبي
مروة :وانت من اهله 🌸
سكرت منه ورقدت
___________
عند بيان.... 💜
مقعمزين عيلة بيان في الصالون
شوي بيان وقفت بتمشي لدارها شوي حست بدوخة..
وطاحت
تلمو عليها العيلة كلها ويلي يبخ في الصنة ويلي يرش في المية ويلي يضرب في الكفوف وهي مغمى عليها...
شوي وفاقت
بيان:ااخ راسي
امها : بسم الله يابنتي خوفتينا عليك
بيان :شن صار
امها :فجأ دختي
بيان :اااه راسي
امها :توا ارقدي وبعدين ساهل
بيان :........
طلعت امها وسكرت الدار وبيان قعدت تفكر في محمد هل حيكون من نصيبها وربي يستجيب لدعائها ولا حتاخدة نادية وقعدت تفكر وقالت اللهم لاتعلق قلبي بما ليس لي
_____
عند محمد متكي في داره علي الاب توب..
شوي تنهد واتكى علي الكرسي
محمد :اااخخخ ياربي.... ااففف انحس في روحي مرات غبي هلبا توا اني نحبها وهي تحب شخص تاني ومش مدورتني يارب شن هادا هل اني قلبي ما يتعلمش ولايفهم ولا عقلي ما يفكرش... به جديدة بكري قالت ان في شخص تاني به منو هادا الشخص يارب وريه ليا.... اللهم لا تعلق قلبي بما ليس لي
وتنهد وناض بدل وصلى ورقد
_______
