هي نوضو ننزلو 😃
نزلو شهد وبيان ومروة ومشو طول للكوجينة
دارت شهد القهوة
شهد :ااخ ياعلي والله تشوف
بيان :ههههههههه والله مختشة ياهبلة شن دخله هو
مروة:ههههههههههه لا دخله لان حبها وبيتزوجها
بيان :ههههه... حي حي القهوة
صبت شهد القهوة ورفعتها وخشت سلمت وعطتهم القهوة
ام علي وهي تفصفص في شهد تفصفيص
ام علي :ماشاء سلمها عروستنا احني
ام شهد :ربي يكمل بالخير
قعمزت شهد بعيد علي ام علي
ام علي : خيرك بعدتي يابنيتي
شهد ابتسمت ابتسامه خفيفة وناضت قعمزت جنبها وهي ساكتة ولا كلمة 😂
وبيان ومروة قريب يموتو في الكوجينة يبو يعرفو شن صار 😂
شوي وناضت شهد
خشت للكوجينة وهي نفسها مقطوع تقول كانت تلهد
شهد : ووه عليا نبي ميا نبي ميا
بيان :ههههههه شن فيه
مروة :ههههه شكله عطوها طريحة
شهد تشرب وخلاص
شهد :ياربي وهي تفنص ما خلت ما شبحت
بيان :ههههههههع كيف ياحنة بتولي مرت ولدها
مروة:هههههههه
خشت ام شهد
ام شهد :هي شوي وبيخش يشوفك الراجل
شهد زمطت ريقها
خلت امها تطلع وخدت كرسي وقعمزت
شهد :يااربي شنو هادا
بيان:هههههه والله جو تي هي كلها خمس دقائق
مروة :ياسرك عباطة نووضي
شوي شرين تليفون مروة ما ردتش وعشش الرقم علي الخط
مروة :خن نمشي نشوف مني دراه الكبد اهوا
بيان : بووك ينادي
شهد :ياحليلي اني
بيان :بري شوفيه خيره
شهد مشت لبوها قالها هاتي القهوة للراجل
خشت شهد
شهد :يابووبي جي جي
بيان :عارفة هي هاكي القهوة واتية
شهد ياحليلي هاتي وشاحك
خدت شهد وشاح بيان ومشت للمربوعة
خشت شهد
شهد : السلام عليكم
علي ماقامش راسه :وعليكم السلام
بوها :اعطي نسيبنا قبل
علي ضحك عجباته الكلمة ❤️😊
شهد عطت القهوة لعلي وهي ترعش علي قبل ما ياخد الطاسة مرر صبعة علي يدها
شهد :عضت هلي شاربها وغمضت عيونها
بوها :هي هي جاي
بوها :هي نستأدن شوي ينادو عليا
(طبعا هو ما ناداه خذ غير يبي يخليهم علي راحتهم 😂)
طلع وخلاهم
شهد قامت عينها فيه
علي :احم
وناض قعمز بحداها وشد يدها
علي :ياعمري ❤️ بتبدي حلالي
شهد :......😍😍
وبدو يشبحو لبعض
علي :عيونك 😍
شهد :خيييرهم (وجاية بتمسح بعدين تفكرت الكحل 😂😂)
علي :هبلوني ره 😍
شهد :هههه بارد
علي :كان بتقعدي هني بيصيرو حاجات حرام
شهد:ياسخيف (وقفت)
علي وقف معاها وشدها من يدها وباسها علي يدها
❤️
علي :اجريي فيسع اطلعي
شهد هربت وهي ميتة بالضحك وحاسة روحها بتموت من الخوف في نفس الوقت 😂😍😭
خشت شهد لبيان ومروة
مروة :اييه هادا هو ياوخيتي
بيان :ههههههخ ما يطلع منه
خشت عليهم شهد وهي ابتسامتها شاقة وجها 😆😊😅
شهد :......
... يتبع 🌸
