လန် အထက်တန်းပြီးခါစက သူငယ်ချင်းတွေနဲ့ စစ်လေ့ကျင့်ရေးစခန်းထဲ ၂ နှစ်လောက် ရောကောသောကော ဝင်ခဲ့ဖူးတယ် ။ ဆယ်ကျော်သက်အရွယ် ဖွံ့ဖြိုးနေတဲ့အချိန် စစ်တပ်ထဲမှာ သေချာလေ့ကျင့်ခဲ့တာဆိုတော့ ကိုယ်လုံးကိုယ်ထည်က ပုံသွင်းလိုက်သလို ကောင်းမွန်လှပါတယ် ။ နောက်ပိုင်း တက္ကသိုလ်တတ်နေတဲ့တစ်လျှောက်ကော အလုပ်ခွင်မှာပါ သက်တမ်းရတဲ့အထိ gym ကို ပျက်တလှည့် မှန်တလှည့်နဲ့ ဆော့ခဲ့ပါသေးတယ် ။ ကာယဗလမောင်တွေလို ခန္ဓာကိုယ်တော့မဟုတ်ပေမဲ့ ဈေးသိပ်မကြီးတဲ့ ချောကလတ် ခြောက်ကွက်နဲ့ သူ့ဟာသူ အဆင်ပြေပြေရှိပါတယ် ။
လန် ရဲ့ ခန္ဓာကိုယ်ဟာ မဆိုးလှပါဘူးလို့ ခင်ဗျားတို့တွေးကောင်းတွေးနိုင်မယ် ။ Six pack ရှိတာဟာ ပုံမှန်ယောကျာ်းတိုင်းရှိတဲ့အရာ မဟုတ်ဘူးလို့ ပြောကောင်းပြောနိုင်တယ် ။
ဒီနေရာမှာ ပုံမှန်မိန်းကလေးတစ်ယောက်ကို Six pack ရှိတဲ့ယောကျာ်းလေးကို ရွေးမလား ? ကား 6 စီးရှိတဲ့ယောကျာ်းလေးကို ရွေးမလား ? လို့မေးရင် အဖြေကရှင်းနေတာမို့ ကြည့်ကောင်းတဲ့ ခန္ဓာကိုယ်ဆိုတာ လန် အတွက်တော့ အဆန်းမဟုတ်ပါဘူး ။
လန် ရဲ့ နေပုံထိုင်ပုံကြောင့်လဲ တချို့မွေးရာပါအရာလေးတွေက ပြောင်းလဲလို့လာတယ် ။ မန်နေဂျာချုပ် ဒါမှမဟုတ် ဌာနမှူးက အချောင်ခိုကာ မပြီးသေးတဲ့စာရင်းတွေ လန် ရဲ့ခေါင်းပုံကျလာတာ များလာတော့ အိပ်ရေးပျက် ရက်ဆက်တွေကြောင့် မျက်တွင်းတွေတဖြည်းဖြည်းနက်လာတာတို့ .... ၊ ဝယ်သူတွေနဲ့ စကားများများပြောရလို့ လည်ပင်းကြောကြီးတွေ ထင်းလာတာတို့ ၊ ပါးစပ်ပြဲလာတာတို့ တွေပေါ့ ။
မွေးရာပါအချက်အလက်လေးတွေပါ လိုရမယ်ရ ထပ်ဖြည့်လိုက်မယ် ။ မျက်နှာကျကတော့ မြင်းမျက်နှာလို့ပဲ ခပ်ရှည်ရှည် မေးရိုးမဆိုသလောက်လေးကားတယ် ။ လူဖြူတွေကြားသွားရပ်ရင် လန်ကညိုတဲ့ဘက်သွားနေပြီး လူမဲတွေကြားသွားရပ်ရင်တော့ ဖြူတဲ့ဘက်သွားနေတယ် ။
