~~He~~ အပိုင်း(၄)
ညဘက်ကို ဘယ်အချိန်အိပ်အိပ်မနက်၇နာရီဆိုသည်နှင့်အကျင့်ပါနေသည့်ခေတ်သစ်၏မျက်လုံးအစုံက အလိုလိုပွင့်လာပြီဖြစ်သည် ။ပုံမှန် အိပ်ရာကနိုးချိန်တွေဆိုလျှင်အိပ်ချင်မူးတူးနှင့်ထပြီးအလုပ်သွားဖို့ပြင်နေကျဆိုပေမယ့် ဒီမနက်မှာတော့ဖြင့်နိုးနိုးချင်းလူကိုသူပိုင်ဖက်ခေါင်းအုံးလိုအားရပါးရခွအိပ်နေသည့်သုထက်ကို မြင်လိုက်ရတာမလို့ ခေတ်သစ်ရင်ထဲတွင် နှစ်ကျိပ်ရှစ်ဆူဘုရားပွဲလှည့်သွားတော့သည်။ ခုနေများသူ့မျက်နှာသူမှန်ထဲတွင်ကြည့်မိလျှင် သကြားရည်ဆမ်းထားသလိုချိုရဲနေမည့်စပ်ဖြဲဖြဲမျက်နှာကြီးကိုမြင်ရမှာဖြစ်သည်။
ညကတစ်ညလုံးနီးပါးခေတ်သစ်အိပ်၍မပျော်နိုင်ခဲ့သည်မှာ အိပ်မောကျနေသည့်သုထက်၏မျက်နှာလေးကိုမျက်တောင်မခတ်တမ်းငေးကြည့်မိနေခဲ့ခြင်းကြောင့်ဖြစ်သည်။ သုထက်ကိုပိုင်ဆိုင်ခွင့်ရလိုက်ခြင်းအားမယုံကြည်နိုင်သေးသောခံစားချက်သည်လည်းသူ့ကိုတော်တော်နှင့်အိပ်မပျော်စေခဲ့ပေ။
အရင်တုန်းကအိပ်ရေးပျက်ပြီဆိုလျှင်တစ်နေကုန်လေးလံထိုင်းမှိုင်းနေတတ်သည့်ခေတ်သစ်က ဒီနေ့မနက်မှာတော့ပုံမှန်နေ့ရက်များထက်ပင်လန်းဆန်းတက်ကြွနေတာကြီးကတော့ထူးဆန်းလွန်းပါ၏။ ချစ်ရသူကိုရင်ခွင်ထဲထည့်သိပ်ပြီးအိပ်စက်ခွင့်ရခဲ့ခြင်းကြောင့်ပင်ဖြစ်မည်ထင်သည်။ ဒီလိုမနက်ခင်းတွေကိုသူမကြာခဏစိတ်ကူးယဉ်ကြည့်ခဲ့ဖူးပေမယ့်လည်း လက်တွေ့ကပိုပြီးကြည်နူးရကြောင်းကိုမူတကယ်ကြုံတွေ့ရမှသာသိခွင့်ရလိုက်ချေသည်။အိပ်မောကျနေဆဲသုထက်၏ပါးဥဥလေးများက အနမ်းပေးဖို့ရန်ခေတ်သစ်ကိုညှို့အားပြင်းပြင်းနှင့်ဆွဲဆောင်နေကြလေရာ ထိုညှို့အားကိုခေတ်သစ်မလွန်ဆန်နိုင်စွာစောစောစီးစီးအနမ်းသူခိုးလုပ်လိုက်မိသည်။
'မောနင်း ဘေဘီ'
သုထက်ပါးပြင်ထက်ကိုကြွေဆင်းခဲ့သည့်အကြင်နာဖွဖွသည်မြတ်နိုးရခြင်းအတိပြီး၏။
'သောက်ကလေးလေး ချစ်လိုက်တာကွာ'
သုထက်ကိုအသည်းတယားယားနှင့်ဖြစ်ညှစ်ဖက်ထားမိပေမယ့် နိုးသွားမည်ကိုတော့ဖြင့်နည်းနည်းလေးမျှခေတ်သစ်မစိုးရိမ်မိပါချေ။ သုထက်သည်ကာလနဂါးနှင့်သွေးမတော်သည့်ဆွေမျိုးရင်းချာဖြစ်ကြောင်းကို ငယ်ငယ်ကတည်းကကျောင်းတက်ရန်သွားနှိုးနေကျအတွေ့အကြုံအရသိနေခဲ့သောကြောင့်ဖြစ်သည်။ ဒီကလေးလေးက သူအိပ်နေပြီဆိုလျှင်သူ့ကိုဘာလုပ်လုပ်ဘာမျှမသိတော့သည့်အိပ်ပုတ်ကောင်ကလေးပင်ဖြစ်၏။
YOU ARE READING
♥ သူ♥ //COMPLETED//
General Fictionချစ်ရပါတဲ့ကလေးငယ် ကျေးဇူးပြုပြီးReading listထဲထည့်တဲ့နေရာမှာ သတိထားပေးပါနော်