أعتذر الرحيل

٢٨

الفصل الثامن والعشرون
كان تيم واقف مع البواب والخدامه والناس التى قامت بمساعدته فى مأمرة الدنيئه 
تيم وهو يعطيهم الفلوس / متشكر جدا ي جماعه انتوا عملتوا معايا احلى واجب
البواب / لا ي بنى انا مش هاخد فلوس
تيم / لييه ي عم الحاج
البواب / لانى عملت الموضوع دا علشان اخلص اختك الغلابه من الراجل بتاع البنات دا مع انى  قولت عليها كلام وحش بس لما عرفت منك انه بتاع بنات وصايع وانها مصممه على الجواز منه كان لازم انقذها واطلب منها تسامحنى ي بنى على الكلام اللى قولته عليها
تيم / ماتخافش اكيد هقولها
البواب / والله هى محظوظه لان عندها اخ زى حضرتك بس هى مش عايشه معاك ليه
تيم / امور عائليه شكرا جدا ي راجل ي طيب
البواب / الشكر لله ي بنى  وربنا يستر ولايانا
تيم لنفسه  / عملت خير دا انت لو عرفت اللى انت عملته مش بعيده تقتلنى بس مش مهم المهم انى خلاص هخلص من طارق ورهف هتكون ليا لوحدى
……………………………….

عاد طارق الى المنزل  وجدها تلم ملابسها واشيائها فى شنط
طارق / بتعملى ايه   لم تجبه ولكنها كانت تلملم اشيائها بعصبيه
طارق بزعيق / بقولك بتعملى ايه
رهف بنرفزة  وصوت عالى / مش شاايف بعمل اييه
طارق بعصبيه ويمسك يدها   / لما تتكلمى معايا تتكلمى بصوت واطى وتبوصيلى وانا بكلمك
رهف / انت  ماكلش كلام عليا
طارق / انا مش عايز يكون ليا كلام عليكى اصلا بس هتفضلى هنا لوقت ما فرح زياد ورغد يتم  وبعدين ابقى غورى مكان ما انتى عايزة  لان رغد لو عرفت حاجه ممكن تلغى الفرح علشانك وانتى اصلا ماتستهليش حاجه 
رهف /  اولا مالكش دعوة بأختى انا هتصرف  ثانيا ياريت تتكلم معايا بأسلوب كويس
طارق / مابخدش رأيك انا بقولك وخلصنا   ترك الغرفه وذهب
رهف بزهيق / ف ستييييييين داهيه
ونامت فى غرفتها وهو بات خارج المنزل 
………………………………….
فى اليوم التالى استيقظت رغد وأدت فريضتها وهاتفت رهف
رهف بصوت متعب / ألو
رغد / مال صوتك انتى قولتى ل طارق
رهف وقد تذكرت ما حدق بألامس  / لا المهم انتى جاهزة
رغد / ايوه قدامى حوالى ساعه واطلع من البيت
رهف / تمام وانا كمان هجهز وهاجيلك على هناك
رغد  /انتى متأكده انك كويسه
رهف / ايووا يلا بقا روحى شوفى وراكى اييه
بعدما أغلقت الهاتف نظرت الى مى التى كانت الحوار
مى / انتى هتفضلى تقلقى نفسك ع الفاضى كدا
رغد / انا عارفه صوتها اكيد حصل حاجه
مى بزعيل / ارحميينى علفكره انتى فرحك بعد كام يوم يعنى مفروض تتشغلى بفسك وبس
رغد  / طيب اسكتى  انتى مش عارفه حاجه  انا هقوم اروح ل مادى هتيجى ولا قعدة
مى/ لا طبعا هاجى فرصه  زى دى هتيجى كام مره يعنى
رغد / طيب يلا ي مجنونه   توجهوا الى الاتيليه مادى
.................................
دخلت صافى مكتب طارق وجدته نائم به
صافى وهى توقظه / طاارق ! طاارق قووم
طارق / اييه ي صافى ف اييه
صافى / انتى نايم هنا لييه
طارق/ لا ابدا بس اتأخرت شويه ف الشغل ف كسلت اروح البيت
صافى / اتأخرت ازاى انت ماشى قبلى
طارق / رجعت تانى  أجرمت يعنى
صافى / لا خلاص براحتك  هروح اجيبلك فطار ونفطر سوا اييه رأيك
طارق / اوكى
ذهبت على الفورلاحضار الفطار وعادت وجدته يشرب سجائر
صافى بزهول / انت من امتى بتشرب
طارق / من النهارده
صافى وهى تأخذها منه/ لا مافيش تدخين مفيش حاجه تستاهل انك تخسر صحتك علشانها
طارق / انا خسرت كل حاجه  مش هتيجى على دى
صافى / بس لسه ف عندك  رهف ودى كفيله انها تنسيك كل حاجه
طارق / انا طلقت رهف ي صافى
صافى بزهول / لييه
طارق  بأندهاش /  ماتوقعتش منك الرد دا فكرتك هتكونى مبسوطه
صافى / لا مين قالك كدا  يمكن لو الموضوع دا حصل من فتره صغيره كنت ممكن اتبسط بس دلوقتى لا  انا بتمنالك الخير وبتمنى انك تكون مبسوط حتى لو مع واحده غيرى الحب مش انانيه ي طارق  انا اه بحبك بس انت بتحبها يبقى اكيد هى اللى تستاهلك وانا فعلا تمنالكوا السعاده وبعتز على المواقف الغبيه اللى كنت بعملها ف الاول 
طارق / مفيش داعى للاعتذار  ..هى مابتحبنيش  يعنى عايشين ف دايرة مالهاش  نهايه
صافى / مين قالك انها مابتحبكش
طارق / شوفت دا بعينى وسمعت كمان من البواب انها لسه على علاقه بحبها القديم وسألتها اذا كانت قابلت حد فاليوم دا كذبت عليا وقالتلى لا
صافى / ما يمكن  انت بيتهيألك
طارق / بيتهيألى بقولك البواب قالى انها كل يوم بتزور الشخص دا هتكون بتروح لييه
صافى / يمكن بيكذب ممكن يكونوا بيعملوا كل دا علشان يوقعوك فيها
طارق/ دا على اساس انها محور الكون والكل بيتأمر عليها
صافى / مش بعيده علفكرة
صافى / برضو لازم تتأكد ي طارق علشان ماتندمش بعدين
طارق /خلاص الموضوع انتهى وقفلى عليه بقا خلينا ف الشغل اهم من الكلام الفارغ دا
...................................
قبل ان تتوجه رهف الى الاتيليه قابلت ميرى
رهف / اللى قولتلك عليه دا ماتوقليهوش ل اى مخلوق خلقه ربنا فاهمه
ميرى بدون فهم */ بس لييه
رهف / انا حابه أعملها مفاجأه
ميرى / مش فاهمه
رهف/ مش لازم تفهمنى ي ميرى المهم تعمليها بتاريخ تانى يوم فرح رغد وللمره التانيه أيااكى تقولى لحد
ميرى / طيب زطارق يعرف
رهف بنرفزة / يوووووه مش هنخلص هتعملى اللى بقولك عليه ولا اشوف حد تانى
ميرى / خلاص خلاص اللى انتى عايزاة  هعمله
رهف / سورى اذا كنت اتنرفزت عليكى  بس بجد انا متضايقه جدا
ميرى / عادى  ي حبيبتى ولا يهمك انتى عارفه انك اختى الصغيره
رهف / ربنا يحفظك ي ليا  انا همشى بقا اوكى
بعدما وصلت  الى الاتيليه  قابلت مادى
رهف / هاى مادى ازيك  رغد جت
مادى /  كويس بس انتى شكلك مش بظبوط 
رهف / لا ابدا مفيش خلصت فستان رغد
مادى / اه وهى دخلت تقيسه جوة  بس انا مش مطمنلك
رهف / بالله عليك ي مادى انا مش قادره اعافر مع حد ف الكلام 
خرجت رغد وهى مترتديه الفستان نظرت اليها رهف ادمعت عيناها
رهف وهى تحتضنها  / بسم الله ما شاء الله قمر ي حبيبتى  
رغد / بجد حلو
رهف / لا انتى اللى حلوة ومخلياه احلى
رغد / طيب انتى بتعيطى ليه دلوقتى
رهف / مبسوطه بيكى ي حبيبتى 
رغد / وانا كمان مبسوطه لاننا خلاص بقينا مع بعض ومفيش حاجه هتفرقنا عن بعض تانى
رهف  وهى تحتضنها / انا بحبك قوى
مااادى / ممكن بقا تبعدى  علشان اشوف الفستان
ابتعدت رهف عن رغد / حاضر
بعدما انهى مادى عمله خرجت الفتايات وجلسوا ف احدى الكافيهات
رغد / هاا طارق عرف انك حامل
رهف / اه طبعا
مى بفضول / عمل اييه اول ما عرف
رغد / انت مالك انتى اييه الفضول دا
مى / الله ! انا عايزة اعرف الاغنياء بيحتفلوا ازاى ب الحاجات دى زينا ولا ليهم طريقتهم
رهف بسخريه / لا بيحتفلوا  بطريقه لايمكن تتخيليها
مى / اييه ؟
رغد / بطلى بقا فضولك دا   ..... قوليلى مبسوطه
رهف / اه
رغد / اومال انا ليه حساكى مش مبسوطه
رهف / لا مين قال كدا
رغد / يعنى علشان شغلك وكدا  والحمل هيأثر عليه
رهف / انتى عارفه انى بحب الاطفال قد اييه
رغد / اومال ف اييه
رهف / مفيش حاجه بطلى تفكير بقا
مى / بالله عليكى تقوليلها اهى شغاله على الحال دا من الصبح لحد ما هشد ف شعرى منها
رهف / هههه طول عمرها كدا شايله هم الكل  صدقينى انا كويسه انتى بس ركزى ف امور الفرح علشان اخلص منك انتى وزياد علشان زهقت منكوا بجد
رغد / اييه الغلاسه دى 
ظلوا يضحكون  وقضوا معا اوقات جميله
اثناء حديثهم نظرت الى احدى الطاولات المجاورة رأت عليا جالسه ف شرود
رهف توجهت اليها وجلست بجوارها / مالك ي عليا ف اييه
عليا / هااا لا مفيش
رهف / لا فى مالك  هو احنا مش اتفقنا اننا نكون صحاب
عليا / رهف انتى اييه اللى غيرك كدا انتى ماكنتش طيبه كدا
رهف وهى تحاول ان تلطف الجو / اييه هو انا كنت شريره قبل كدا ولا ايه
عليا / لا مش قصدى بس ماكنتيش بتصدقى اى حد من غير دليل 
رهف / لا سورى مش فاهمه قصدك
عليا / خلاص خلاص ماتحطيش ف بالك
رهف / طيب فكى مفيش حاجه تستاهل  اييه مش هتقوليلى مبروك
عليا / على اييه
رهف / انا حامل
عليا بشرود / مبرووك  عن اذنك  تركتها وذهبت
..............................

عادت الى منزلها القديم التى كانت تعيش فيه قبل ان تتزوج ب طارق
رهف وهى تتحدث عبر الهاتف  / انا اتصلت على حضرتك علشان اقولك تقول ل طارق انى هبات النهاردة ف بيتى القديم
جسار / لييه ي بنتى
رهف / عندى شغل ومش هقدر اروح واجى والبيت هنا قريب من الموقع
 
سمعت دقات على الباب توجهت لفتحه  / خليك معايا هفتح الباب وهاجى
رهف / نعم ؟.................
..................................
بعدما انهى زياد عمله توجه الى بيت رغد
رغد وهى تفتح الباب / اهلا تعالى
زياد وهو يعطيها علبه شوكولا / اتفضلى
رغد بفرحه  وهى تأخذ العلبه / الله شوكولا
زيااد / لا والله هى الشوكولا اهم منى
رغد / لا مش كدا بس الصراحه الشوكولا دى العشق
زيااد / فعلا ماغلطش اللى قال قلب البنت شوكولا
رغد وهى تأكل منها / اه طبعا ماغلطش
زياد / طيب اعزمى طيب دا انا اللى جايبها
رغد / لا ما انتى مابتحبهاش
زياد /اييه الطفاسه دى ما علينا  انتى عايزة شهر العسل فين
رغد وهى تأكل من الشوكولا  / اى حاجه
زيااد وهو يأخذ العلبه منها / سيبى دى خالص وركزى معايا
رغد بزعل/ لا هاتها
زياد / هتاخديها بعد ما نخلص كلامنا 
رغد / ماشى قول بسرعه عايز اييه
زياد / يااادى النيله بقولك سيادتك عايزة شهر العسل فين
رغد / امممم ميلانو
زيااد /  حلوة ميلانو  طارق كان قالى انه هيجى معانا هو ورهف
رغد / اييه دا بجد  هتبقا حاجه حلوة قوى وهتنبسط
زيااد / انا هتصل  على طارق وهنروح نحجز التذاكر
رغد / طيب ما تخليهم يجوا النهارده بليل ونتفق على البروجرام مع بعض
زيااد / علفكره دا شهر بتاعنا احنا
رغد / ايوا وبتاعهم هم كمان ما انت عارف
زيااد / ماشى هكلمه واقولهم
.............................................
رهف بخوف / انت عايز اييه
كان يقف امامها شخص يمسك بمسدس اغلق الباب خلفه  / جاى اخد روحك وامشى
رهف / هو انا عملتلك اييه
الشخص / انتى ماعملتيليش حاجه بس عملتى لحد تبعى
رهف / مين ؟
الشخص / جسااار بيه
رهف / .......
..............................................

يتبع