أعتذر الرحيل

٥

الفصل الخامس
عاد طارق المنزل وجد رهف فى انتظاره
طارق / تعالى ي تارا
رهف / مين دى
طارق / حاجه ماتخصكيش
رهف / ازاى يعنى  ماتخصنيش طبعا تخصنى افرض الاخت دى بلغت الصحفيين
طارق / لاماتخافيش دى أامن منك
رهف / طيب هى تبقى لك ايه
طارق وهو يقرب تارا منه / حبيبتى ارتاحتى
تارا / تشرفت بمعرفتك ي رهف
رهف بغرور  / اكيد طبعا لازم تتشرفى انتى تطولى
طارق بتحذير /  تارا خط احمر فاهمه ولا لا
رهف / وهى هتقعد فين البيت مافيهوش غير اوضتين
طارق / هى ف اوضه واحنا ف اوضه
رهف وهى تنظر ل تارا / اصلها كانت ناقصه تركتهم وغادرت المكان
تارا / هى مالها
طارق/ سيبك منها تعالى اوريكى اوضتك
تارا / بس بصراحه عسوله قوى اتمنى انه يكون جواز حقيقى
    طارق / ما انتى عارفه اللى فيها انا بحب واحده تانيه
تارا / مش  دى اللى انت كنت ساكن جنبها طول الفتره اللى فاتت
طارق / اه هى وبطلى كلام بقى ويلا بينا     
**************************
عادت رغد من العمل ووجدت مى فى انتظارها (مى  ساكنه  مع رغد فى نفس البيت )
رغد / اخبارك ايه 
مى / كله تمام انتى عملتى ايه فى الشغل
رغد / يوم متعب قوى
مى / ربنا يوفقك
رغد / امين ي رب ادعيلى احسن اللى اسمه زياد دا يشل
مى / هههههههه بس وسيم ومز قوى
رغد / على نفسه
مى / طيب ماتقوليش الكلام دا لحد لتروحى فى داهيه 
رغد وهى تنهض  / هقوم  اغير  هدومى لانى هلكانه  جدااااا
مى  / اوك وانا هعمل العشاء
وهنا رن هاتف رغد وكان المتصل طاارق.

رغد / الو
طارق / كنتى نايمه 
رغد / لا لسه جايه من شويه من الشغل
طارق / شغل ايه
رغد / ماتشغلش بالك  المهم قولى رهف عامله ايه
طارق / كويسه بس انا مش قادر اصدق ان رهف دى تبقى اختك انتوا مختلفييين تماما 
رغد / لا  اختى واغلى ما عندى كمان 
   طارق / قوليلى اللى حصل بينكم وبعدك انتى وهى عن بعض  
رغد / الموضوع كبير قوى
طارق / انا مستعد اسمعه
رغد / هيكون افضل انك تسمعه منها هى
طارق / ازاى يعنى
رغد / مع الوقت هتعرف رهف عامله زى الاطفال اللى فى قلبها على لسانها ومتحاولش انك تعاند معاها لانها ممكن تقتلك عادى جدا
طارق / يالهوى تقتلنى هو انا عايش مع سفاح
رغد / ههههههه يعنى حاجه زى كده
طارق / ربنا يستر
بعد ان اغلق الهاتف توجه الى الغرفه وجدها نائمه فى فراشها
طارق ( ياترى انتى بريئه فعلا ولا وراء البرائه دى فى كان تانى  متسخبى بكره نشوف  ) نام هو ايضا فى فراشه وانتهى اليوم على خير
************************
فى اليوم التالى استيقظ زياد مبكرا على غير العاده وتوجه الى عمله  قبل وصول الجميع
عندما وصلت رغد المكتب وجدته هناك
رغد / صباح الخير
زياد / صباح النور اتأخرتى ليه
رغد / انا متأخرتش ي فندم انا جايه قبل معادى حضرتك اللى جاى قبل معادك
زياد / انتى غلطانه وبتتناقشى معايا كمان
رغد / حضرتك انا مش غلطانه انا جايه نص ساعه بدرى عن المعاد اللى مستر جلال قالى عليه
زياد / انا عايز اجى ألقاكى موجوده  هنا فاهمه ولا لا 
رغد بنفاذ صبر  / حاضر
زياد / يلا روحى شوفى شغلك وحضرى للاجتماع
رغد / حاضر ي فندم  عن اذنك
زياد / استنى اطلبى لى  قهوة  وهاتيها انتى بنفسك
رغد / افندم ؟
زياد / ايه فى ايه هتتكبرى على القهوة
رغد / لا مش هتكبر هجيبلك قهوة حاجه تانيه ؟
زياد / لا كده خلاص لو احتاجتك حاجه هقولك
رغد / تمام انا حبيت افكر حضرتك  ان فى اجتماع النهارده مع مديرين المحلات و كمان انا  هعدى  على الفندق وهبلغت المهندس المسؤال عن الديكور كل اللى حضرتك عايزة وهقول كمان لمنظم الحفلات على الكارت اللى حضرتك اختارته اى حاجه تانى
زياد / تمام
رغد و هى تغادر / من اول اليوم غلاسه كده صبرنى ي رب