أعتذر الرحيل

3

الفصل الثالث
بعد خروج الفتاه دخلت رغد الغرفه
زياد / نعم انتى مين
رغد / رغد  الزين
زياد بدهشه  / رغد الزين  مش ممكن
رغد / جوازك من رهف هيتلغى
زياد / ودا رأى رهف كمان
رغد / اعتقد بعد ما تسمع التسجيل اللى سجلته ليك انت والبنت اللى كانت معاك اعتقد انها هتلغيه وبفضيحه كمان
زياد / هو النهارده يوم التهديدات  ولا ايه
رغد / انا مش بهدد انا بنفذ
زياد /  علفكره انا ممكن انسفك وحالا ومفيش حد هيعرف مكانك
رغد / انت فاكر ان انت الوحيد اللى ذكى فى ناس مستنينى تحت لو عدت  نص ساعه ومخرجتش  من هنا هيجوا هم والصحفيين
زياد / انتى عايزة ايه دلوقتى
رغد / تلغى جوازك من رهف
زياد / دا هيسبب خساره كبيره لمتجرى
رغد / انا هتصرف
زياد / هتعملى ايه
رغد / اى حاجه تحميها منك
زياد / بس انا عندى شرط فى المقابل ...........
رغد / انا موافقه عليه
*******************
كانت رهف مرتديه الفستان منذ مده وفى انتظار زياد ولكنه تأخر
رهف ل ميرى بعصبيه  / فين زياد اتاخر لييييه
ميرى / اهدى ي رهف زمانه جاى
رهف بن ر ميرى  / عدت ساعه واتصلت عليه مبيردش وفى خمسين الف صحفى بره
ميرى / ماتقلقيش
عليا بشماته / ايه ي رهف هو العريس هرب ولا ايه
رهف بغرور  / مش انا اللى عريسى يهرب اكيد هو عامل مفاجاه علشان كده اتأخر
عليا بسخريه  / ممكن برضو
رهف بعصبيه / هقتلك ي زياد بس اما اشوووفك
******************
كان طارق يباشر على العاملين ويعطيهم الاوامر لكى يكون العرس باحسن صورة  وهنا رن هاتفه
طارق/ ايوه ي رغد
رغد / انت فين
طارق / انا فى فندق  (لونا)
رغد / انا كمان هناك ممكن تنزل انا قدام البوابه لو سمحت بسرعه
طارق/ خير فى حاجه
رغد / لو سمحت تعالى بسرعه بااى
بعد بضع دقائق  كان طارق امام رغد
طارق/ فى ايه قلقتينى
رغد / لازم تتجوز رهف
طارق/ نعم رهف هتتجوز زياد النهارده
رغد / لا انا مش موافقه على جوازها منه
طارق / وانتى دخلك ايه بالموضوع
رغد / لان رهف اختى
طارق بدهشه  / نعم
رغد / ايوه رهف اختى التوأم كمان
طارق بزهول / مش ممكن طيب ازاى
رغد / دا مش موضوعنا لو سمحت ساعدنى اختى هتضيع منى زياد ناوى انه .....
طارق مقاطع حديثها / عارف
رغد / عارف انه ناوى يضيع مستقبل اختى وسكت
طارق / وانا كنت اعرف انها اختك منين وبعدين رهف مش صغيره
رغد / لا صغيره رهف خسرت حاجات كتيره قوى فى وقت واحد  ابوس ايدك ي طارق ساعدها 
طارق /  حاضر هساعدها علشانك انتى بس
رغد وهى تمسك بيده / متشكره قوى مش عارفه اقولك ايه
طارق/ انتى مش عارفه غلاوتك عندى ي رغد  طيب وزياد
رغد / انا اتفقت معاه على كل حاجه بس انا عندى طلب مش عايزه رهف  تعرف انى قولتلك انها اختى
طارق / متقلقيش بس هتفهمينى كل حاجه 
رغد / بعدين ي طارق لازم تروح تجهز دلوقتى مفيش وقت قدامنا
***************************    
احدى العاملات / العريس جه
دخل طارق وهو مرتدى حليته السوداء وبرفانه الذى يفوح فى المكان باكمله
رهف بنظره استغراب /  انت مين و جاى هنا ليه 
طارق/ انا العريس
رهف / نعم ي اخويا؟؟ عريس ايه انت عبيط
طارق/ هو انا فعلا عبيط انى هتجوز وحده زيك بس يلا ما باليد حيله
رهف بحيره  / فين زيااد وانت مين وايه اللى بيحصل  هنا
طارق/ هتعرفى كل حاجه بس تعالى ننزل الناس قربت تمشى
رهف  بعصبيه / انا مش هتحرك من مكانى غير لما افهم ايه اللى بيحصل
طارق بزعيق  / هتمشى معايا ولا لا
رهف بشئ من الخوف / ح حاضر
طارق لنفسه  / مكنتش اعرف ان  عندى شخصيه قويه كده   
خرجوا الى القاعه حيث يوجد الناس والمدعوين  ولم تكن دهشتهم اكبر من دهشه رهف حول تغيير العريس وبعد فتره دخل زياد القاعه
رهف وهى تنهض من مكانها / زيااد
طارق وقد امسك يدها واجلسها مكانها / اتهدى واقعدى
رهف بعصبيه  / انت مجنون سيب ايدى
طارق/ بت انتى لسانك اطول منك علفكره كل اللى زياد هيقوله هتوافقى عليه وبعدين هفهمك كل حاجه
توجه زياد الى الاستيدج 
زياد / مساء الخير حضراتكم اكيد مستغربين اللى بيحصل دلوقتى بس فى الحقيقه انا عملت الخطه دى علشان اجمع بين طارق ورهف فى الحقيقه دى كانت خدعه منى   انا ورهف مفيش اى حاجه بينا  لكن طارق ورهف بيحبوا بعض من زمان بس كان ف مشاكل بسيطه  بينهم  عشان كدا انا عملتها مفاجاه ليهم وليكوا انتوا كمان علشان اثبت لهم ان هم لبعض مهما عملوا و ربنا هيجمعهم ب بعض مهما عملوا   دلوقتى انا اكملت خطتى بالكامل مبروك ي طارق انت و رهف
تعالى صوت تصفيق الحضور  وتوجه زياد الى حيث يجلس طارق ورهف
رهف بعصبيه  / انت ازاى تعمل حاجه زى كده
زياد ببرود / بلاش عصبيه ي صغننه احمدى ربنا انى بعتلك  حد ينقظك كان من الممكن انى ماجيش واخليكى حديث الصحف
رهف / انا عملت فيك ايه لكل دا
زياد بنبره مستفزة   / مبروك ي عروسه  ربنا يكون فى عونك ي طارق
رهف ل طارق / انا هقوم اقول ل الناس دى كلها انى مش موافقه
طارق/ وحياتك انا كمان مش موافق عليكى بس هتقدرى حضرتك تكونى  حديث الصحف لو عايزة كده اتفضلى وانا هكون مبسوط جدا وهقول انا كمان مش موافق علشان يكون اتنين رفضوكى فى وقت واحد تصدقى اخبارك هتكون على جميع القنوات وهتتشهرى اكتر
رهف وهى تفكر فى كلامه / طيب بعد ما نتجوز
طارق/ هطلقك اكيد
رهف / اوكى انا موافقه
طارق / اصلا انتى معندكيش خيار تانى
انتهى الفرح على خير وتوجه طارق ورهف الى الجناح 
رهف/ انا مش هقعد هنا لحظه واحده
طارق/ بقولك ايه انا مش فاضى للهبل بتاعك دا انا عايز انام
رهف / تنام ايه انت لازم تقولى انتوا عملتوا كده ليه
طارق  وهو يتوجه الى السرير /  بت انتى اطلعى من دماغى عندك زياد ابقى اعرفى منه  انا داخل انام
رهف ذهبت خلفه  / وانا هنام فين ان شاء الله
طارق وقد بدأ فى خلع قميصه   / نامى فى اى حته مايخصنيش 
رهف وهى تغمض عيناها  /  انت بتعمل ايه انت مجنون. وكمان بدل ما تقولى نامى انتى على السرير وانا هنام على الارض
طارق وهو يستلقى على السرير  / ماتحلميش كتير عايزة تنامى جنبى على السرير اتفضلى مش عايزة عندك كنب كتير تقدرى تنام عليه
رهف وهى تتوجه الى الكنبه  / دا بعدك انا لايمكن انام جنبك
طارق / ما اشوف
فضلت تتقلب على الكنبه ومش عارفه تنام فضلت على الحال لمده لاكتر من ساعتين قامت ودخلت فى السرير جنبه بدون صوت
طارق لنفسه / وربنا مجنونه ربنا يصبرنى على الايام اللى هشوفها معاكى
**************************
عادت رغد من الفندق هى وصديقتها مى
مى / انا مش قادره اصدق ازاى طارق كان بيحب رهف مع انه عمره ما شافها
رغد / وانتى ايه اللى عرفك انه ماشفهاش علفكره بقى طارق حكالى  انه بيحبها ومن زمان كمان
مى / يمكن بس الصراحه انا اتفجأت كنت مفكره انه بيحبك انتى
رغد / انا وطارق اصدقاء وبس
مى / يمكن  بس انت شكلك. كنت بتحبيه
رغد /مى  قوتلك مليون مرة دا كان مجرد اعجاب بشخصيته مش امتر  وبعدين المهم هو بيحب مين
مدى /ماشى خلاص
رغد /  انا هشتغل
مى / طيب ما انتى بتشتغلى
رغد / لا انا هشتغل سكرتيره
مى / بجد مبروك  مقولتليش على الموضوع دا قبل كدا هتشتغلى فين 
رغد /  فى لوناا
مى / واو انتى هتشتغلى هناك
رغد / ايوه
مى / خدينى معاكى
رغد / هو انا رايحه اتفسح ي مى
مى بزعل / خلاص
رغد / لو عازوا موظفين هقولك اوكى
يتبع